Հա

Համայնք

15/02/2018 - 09:10

Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

«alikonline.ir» - Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից: Տեղեկացնում է Ատրպատականի ազգային առաջնորդարանը:

Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում: Տօնի յատուկ «Մարմնացեալդ ի Կուսէն» շարականի երգեցողութեամբ ատեանում կատարւած խնկեղինօք եւ մոմեղինօք հանդիսաւոր թափօրը, ապա «Ի գիրկս առեալ» շարականի երգեցողութեան պահին մանուկների խորան ընծայումը, վերյիշեցրին հաւատացեալներին Յիսուսի մանկութեան պատկերը, երբ իր մօր՝ Ս. Կոյս Մարիամի ձեռամբ Տաճար բերւեց՝ եւ Սիմէոնի գրկում գգւեց:

Թաւրիզի Լիլաւա թաղամասի Սբ. Սարգիս եկեղեցում, նախատօնակին նախագահեց եւ քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը: Իսկ Ուրմիոյ Սբ. Ստեփանոս եւ Գեարդաբադի Սբ. Գէորգ եկեղեցիներում՝ ծխատէր արժ. Տ. Ներսէս քհնյ. Պասիլեանը կատարեց զոյգ արարողութիւնները մի քանի ժամի տարբերութեամբ եւ տւեց օրւան խորհուրդը բացատրող քարոզ: Ե՛ւ Թաւրիզում, ե՛ւ Ուրմիայում ե՛ւ Գեարդաբադում մեր ժողովրդի զաւակները խուռներամ ներկայ գտնւեցին արարողութեան եւ հաղորդւեցին օրւայ դաստիարակիչ խորհրդով: 

Իր քարոզում, առաջնորդ Սրբազանը Յիսուսի Տաճար ընծայման նախատօնակի առիթով մի անգամ եւս վերապատմեց Յիսուսի տաճարին ընծայման դրւագը, որը իր արմատները ունի Հին Ուխտի ժողովրդի պատմութեան մէջ: Նա բացատրեց իւրաքանչիւր ծնողի երազային սպասումները իր զաւակների ապագայի մասին, եւ երբեմն այն դժբախտութիւնները, որոնցմով կասեցւում է երազների իրականացման գործընթացը. «Սիմէոն ծերունին, մանուկ Յիսուսին իր գիրկը առնելուց եւ Աստծուն փառք տալուց յետոյ, Աստւածամօր յայտնեց, թէ նրա սրտից էլ սուր է անցնելու: Սուրը, ցաւը, վէրքը, խոցը, տառապանքը մեր մարդկային այս կեանքի մաս են կազմում: Ոչ ոք չգիտի թէ ի՞նչ է սպասւում իրեն համար ապագայում: Սակայն պատրաստ լինելը դրանց՝ իմաստութիւն է: Չար մարդիկ, չար դէպքեր, չար լեզուներ, չարիք ծրագրաւորող անձեր այս աշխարհում անպակաս են: Դրանք չարի արբանեակներն են, որոնք քուն ու դադար չունեն: Հարկ է ճանաչել նրանց եւ պաշտպանւել նրանցից: Յիսուս ինքնապաշտպանութեան կարիք չունէր: Նա հենց մարդու փրկութեան համար էր եկել աշխարհ: Ուրեմն Նա նախապատրաստւել էր այս ուղղութեամբ եւ իր Հօր կամքն էր կատարում: Սակայն Աստւածամայրը դեռ չէր կարող իմանալ թէ ի՞նչ է Աստծու կամքը իր Միածնին համար: Դրա համար էլ Սիմէոն Ծերունին բացայայտ ծանուցում եւ ասում է Աստւածամօր, թէ նրա սրտից սուր է անցնելու…», ասաց Սրբազանը:

Ապա, Սրբազան Հայրը անդրադարձաւ երեխաների քրիստոնէական դաստիարակութեան վեհ առաքելութեան, յիշեցնելով բոլոր ծնողներին եւ յատկապէս մեծ ծնողներին, թէ՝ մանուկ տարիքում երեխաների հոգում ցանւած աստւածահաճոյ սուրբ սերմնահատիկը անպայման ծլելու է ապագայում, բազմապատիկ արդիւնաւորւելով:

Նախատօնակի վերջին մասում տեղի ունեցաւ երեխաների խորան ընծայման արարողութիւնը, ձեռամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի: Ապա, Սուրբ Խորանից վառւած մոմով, առաջնորդ Սրբազանը վառեց եկեղեցու կենտրոնում հաստատւած մեծ աշտանակը, որից հաւատացեալները վառեցին իրենց մոմերը, իսկ բարեպաշտներ նոյն մոմից վառւած իրենց լապտերները իրենց հետ տարան տուն:

Եկեղեցական արարողութիւնից յետոյ, եկեղեցիների շրջափակերում աւանդական խարոյկները վառւեցին, Ս. Գրիգոր Լուսաւորչի կողմից հեթանոս մեր հայրերի աւանդութիւնը քրիստոնէական տօնի՝ Տեառնընդառաջի միացւած լինելուն աւանդութիւնը պահելով: Թափօրը եկեղեցուց յառաջացաւ դէպի շրջափակ, որտեղ առաջին կայծը տրւեց առաջնորդ Սրբազան հօր կողմից: Այնուհետեւ ժողովուրդը երեք անգամ կրակին շուրջ պտտւեց յանուն Հօր, Որդու եւ Սուրբ Հոգու, իր ուխտը ընծայելով խնդրակատար Աստւածամօր՝ ՔրիստոսԼոյսի միջնորդութեամբ:

Խորհրդաւոր մի պահւան պատկեր գծւեց բոլորի աչքերում, երբ լապտերներով ժողովուրդը դէպի տուն էր մեկնում: Հաւատացեալները Աստծու Տնից վառւած ճրագը առնելով իրենց տան ճրագը վառեցին, Աստծու օրհնութիւնը բոլոր տարւայ համար բերելով իրենց տան օջախին: Նշենք, թէ Գեարդաբադ գիւղիւմ էլ, Հոգաբարձութեան եւ Խնամակալ մարմնի կողմից ներկայ բոլոր հաւատացեալները ժամերգութիւնից յետոյ հիւրասիրւեցին համադամ ընթրիքով:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։