Հա

Համայնք

19/02/2018 - 09:40

Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում

 

Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: 

Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը:

«alikonline.ir» - Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: Տեղեկացնում է Ատրպատականի ազգային առաջնորդարանը:

Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը: Մեծ պահոց ինքնադաստիարակչական բնոյթի եւ դրա աղօթական կեանքի առաւելութիւնների մասին անդրադառնալով, Սրբազան Հայրը Քրիստոսի պատմած առակների եւ օրւայ խորհրդի միջեւ զուգորդումներ կատարեց, ցոյց տալով, թէ դրախտի երանական կեանքից զրկւած լինելու դժբախտութիւնը մարդուն հալածում է իր ապրած բոլոր օրերի ընթացքում, այնքան ատեն որ մարմնեղէն մահկանացու զգեստի մէջ է գտնւում նա: Սակայն զղջումով, ապաշխարհութեամբ, բարեգործութեամբ, նա իր կողքին է տեսնում Աստծուն, որ իբրեւ գթառատ հայր, միշտ պատրաստ է ներելու մարդուն կատարած կամայ եւ ակամայ յանցանքները:

Սուրբ պատարագից յետոյ, երեկոյեան ժամը 5-ին, Թաւրիզի եկեղեցիների Խնամակալ մարմնի վարչութեան հրաւէրով հանդիպում տեղի ունեցաւ Ազգային առաջնորդարանի «Համազասպ Ոսկանեան» սրահում, նախագահութեամբ թեմակալ առաջնորդի եւ ներկայութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի: Ներկայ էին սոյն Մարմնի շուրջ 25 անդամները, թէյասեղանով նշելու Մեծ պահքի սկիզբը:

Բացման խօսքով հանդէս եկաւ Էմմա Յարութիւնեան, շնորհակալական խօսքերով ողջունելով բոլորին, որոնք այնքան կազմակերպ աշխատանքով աջակից են լինում Միութեան աշխատանքներին, թեմի եկեղեցիների մեծավայելչութիւն ապահովելով: 

Վարչութեան զեկուցաբերը նաեւ նոյն կազմի գանձապահը լինելով, հաշւական պատկերը ներկայացրեց անդամներին, ելեւմուտքի մասին գաղափար տալով եւ յառաջիկայ շրջանի եկամուտների ակնկալիքը պարզելով բոլորին:

Մտերմիկ հանդիպումը առիթ հանդիսացաւ, որ ներկայ անդամները նախածրագրեն միասնական ջանքով նշելու Միջինքը, ժողովրդի կեանքում առաւել եւս շեշտելու պահեցողութեան քառասնօրեայ շրջանի խորհուրդը իր հոգեւոր եւ ֆիզիքական բարի արդիւնքներով:

Առաջնորդ Սրբազանը այս առիթով իր օրհնութեան եւ գնահատանքի խօսքը ուղղեց Խնամակալ մարմնի բոլոր անդամներին, որոնք անվերապահ գործակցութեամբ իրարու հետ, մեր եկեղեցիների բարեզարդումը, մաքրութիւնն ու կանոնաւորութիւնը կատարում են նւիրւածութեամբ: Նա անդրադարձաւ նոր սերնդի աշխոյժ մասնակցութեան դպրաց դասին, որոնք տօնական եւ այլ առիթներով սիրայօժար ծառայում են Աստծու սուրբ խորանին մոմակրութեամբ, քշոցակրութեամբ, կերոնակրութեամբ, բուրվառակրութեամբ եւ խորանի երգեցողութեամբ: Վերջապէս Սրբազան հայրը գովեց Միութեան բոլոր անդամների նախանձախնդրութիւնը հայոց առաքելական մեր մայրենի սուրբ եկեղեցու հանդէպ, եւ պատրաստակամութիւնը, դրա բարեզարդութեան իրենց նպաստը բերելու:

Հանդիպման համար վարչութեան անդամներ հիւրասիրութիւն էին պատրաստել մասնակիցների համար, ինչպէս նաեւ մէկ նւէր, որը վիճակախաղով շահեց վարչութեան ատենապետուհի՝ Մինէ Նազարեանը: 

Մեր եկեղեցու առաքելութեան կանանց մասնակցութեան կարեւոր կազմակերպութիւններից են Տիկնանց միութիւնները, որոնք սոսկ եկեղեցու մաքրութեան կամ մոմավաճառութեան աշխատանքով չեն զբաղւած, այլեւ հաւատացեալների ներկայութիւնը քաջալերելու, ինչպէս նաեւ նոր սերունդը իրենց մայրական յորդորներով դէպի եկեղեցի առաջնորդելու նւիրական պարտականութիւնը ունեն:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։