Հա

Համայնք

03/04/2018 - 11:00

Սուրբ Զատիկը հոգենորոգման առիթ՝ Ատրպատականի հայոց թեմում

Համայն աշխարհի քրիստոնէութիւնը հոգենորոգման սքանչելի պահեր ապրեցաւ, մեր Փրկչին մահւան վրայ տարած յաղթանակով: Մեր հայրերը վաղ դարերից երգեցին՝ «Փառք հրաշափառ յարութեան քո Տէր» ահազդեցիկ երգը, պատմելու համար հրաշազան դէպքը յարութեան: Կիրակի, 1 ապրիլ 2018 թ.-ի առաւօտեան, Ատրպատականի հայոց թեմի զաւակները, Թաւրիզում, Ուրմիայում եւ  Գեարդաբադում իրենց աղօթքը մատուցին Ամենակալ Աստծուն, Սուրբ Յարութեան հոգենորոգման զգացումը ապրելով: 

«alikonline.ir» - Համայն աշխարհի քրիստոնէութիւնը հոգենորոգման սքանչելի պահեր ապրեցաւ, մեր Փրկչին մահւան վրայ տարած յաղթանակով: Մեր հայրերը վաղ դարերից երգեցին՝ «Փառք հրաշափառ յարութեան քո Տէր» ահազդեցիկ երգը, պատմելու համար հրաշազան դէպքը յարութեան: Կիրակի, 1 ապրիլ 2018 թ.-ի առաւօտեան, Ատրպատականի հայոց թեմի զաւակները, Թաւրիզում, Ուրմիայում եւ  Գեարդաբադում իրենց աղօթքը մատուցին Ամենակալ Աստծուն, Սուրբ Յարութեան հոգենորոգման զգացումը ապրելով: Տեղեկացնում է Ատրպատականի ազգային առաջնորդարանը:

 

  1. Թաւրիզում.-

Սբ. Զատկւայ տօնի առիթով, եպիսկոպոսական հանդիսաւոր ս. եւ անմահ պատարագ մատուցւեց Բերդաթաղի (Ղալա) Ս. Աստւածածին Մայր եկեղեցում, ձեռամբ առաջնորդ Սրբազանի, որը նաեւ այս առիթով տւեց իր պատգամը: 

Ս. Խորանին սպասարկում էին Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանը, ինչպէս նաեւ սարկաւագաց եւ դպրաց դպրաց դասերի անդամները: Երգեցողութիւնը կատարեց «Կոմիտաս» երգչախումբը, ղեկարութեամբ Դոկտ. Վարդան Սիմոնզի: Իսկ Գործք Առաքելոցից  Ճաշու Գրքի ընթերցումը կատարեց՝ փոքրիկն Էմելիա Աբրահամեանը:

Իր պատգամում առաջնորդ Սրբազանը Փրկչի Յարութեան անժխտելի իրականութեան հանդէպ քրիստոնէական աներկբայ հաւատքը անհրաժեշտ պահանջը ներկայացրեց իբրեւ սոյն կրօնի հիմնական հաւատալիք. «Սուրբ յարութեան հանդէպ մեր ունեցած հաւատքով մենք զատորոշւում ենք այլ կրօններից: Միւս կողմից, Սուրբ յարութեան հանդէպ մեր ունեցած հաւատքը երաշխիքն է մեր յարութեան եւ անմահութեան. «Թոյլ է մեր հաւատքը, երբ երկբայութիւն, կասկած կամ թերահաւատութիւն կայ դրա մէջ: Յաղթանակի այս մեծագոյն տօնի առիթով մեր հաւատքը ամրապնդենք, դրսից պատճառւող բոլոր տեսակի փորձութիւններին դէմ դնելով: Չարը միշտ պարտութեան է մատնւելու եւ ծրագիրները անպայման ձախողւելու են, եթէ մեր յոյսը հիմնւած լինի Քրիստոսի յաղթանակի՝ Յարութեան վրայ: Որովհետեւ դա պատմութեան մեծագոյն յաղթանակն է, մահւան վրայ տար-ւած յաղթանակը»:

Ս. Պատարագից յետոյ, Ղալայի Մայր Եկեղեցու շրջափակում բոլոր ներկաները մասնակցեցին հաւկթախաղի: «Արարատ»-ի Թաւրիզի մասնաճիւղի պատրաստած գունագեղ հաւկիթների առատ տրամադրումը մեծ խանդավառութիւն ստեղծեց աւագ թէ կրտսեր սերնդի մեր զաւակների մօտ, որոնք տօնի յատուկ այս խաղով ուրախացան:

Եկեղեցական արարողութիւնից յետոյ, գաւթի մուտքին առաջնորդ Սրբազանը ընդունեց բոլոր երեխաներին, Խնամակալ մարմնի կողմից պատրաստւած եւ տօնի խորհուրդը ուսուցող նւէրներ բաշխելով նրանց: Ապա, մանկական կերպարներ՝ նապաստակ եւ բադիկ ծպտազգեստով անձեր յանկարծ յայտնւեցին բակում, մանուկների ուրախութիւնը կրկնապատկելով: Նրանց ձեռքից զատկական հաւկիթներ ստացան երեխաները, մասնակցելով հաւկթախաղին: Ապա, զատկական տօնի իսկական խորհուրդը բացատրելու համար, առաջնորդ Սրբազանը բերել տւել էր նորածին գառնուկ, որը շոյելու եւ սիրելու առիթ ունեցան երեխաները եռապատկւած ուրախութեամբ եւ խանդավառ գոչումներով: 

Նոյն օրը երեկոյեան ժամը 6-9-ի միջոցում, առաջնորդ Սրբազանը եւ Ազգային իշխանութիւնը Ազգային առաջնորդարանի «Համազասպ Ոսկանեան» սրահում ընդունեց այցելութիւնը ազգային միութիւնների, կազմակերպութիւնների, կրթական հաստատութիւնների, մշակութային ընկերակցութեանց, բարեսիրական միութեանց եւ անհատ ազգայինների, բարեմաղթութեանց փոխանակում կատարելով նրանց հետ, Ս. Զատկւայ տօնի բարեբաստիկ առիթով: Երեխաների ուրախութիւնը կրկնապատկւեց, երբ Առաջնորդ Սրբազանի հետ նրանք հաւկթախաղ կատարեցին:

 

  1. Ուրմիա.-

Ուրմիայի Ս. Ստեփանոս ծխական եկեղեցում  Զատկական  Ս.  Պատարագը մատոյց եւ յաւուր պատշաճի քարոզեց, ծխատէր՝ արժ. Տ. Ներսէս քհնյ. Պասիլեան:

Խորանին սպասարկում էր կրտսերաց դպրաց դասը, իսկ երգեցողութիւնը կատարում էր «Նարեկացի» երգչախումբը, ղեկավարութեամբ Օֆելիա Սայադեանի:

Ուրմիահայ հաւատացեալներ մեծ թւով ներկայ գտնւեցին ս. պատարագին եւ հաղորդւեցին Քրիստոսի Մարմնով եւ Արիւնով: Տէր Հայրը իր քարոզում շեշտեց Յիսուսի փրկագործական խորհուրդը, որով նա մեղաւոր մարդկութեան համար յանձն էր առել խաչի մահը:

Եկեղեցու Խնամակալ Մարմնի կողմից եկեղեցին յարդարւել էր տօնի յատուկ զարդարանքով:

Նշենք, թէ Զատկի նախորդ օրը՝ շաբաթ 31 մարտի երեկոյեան, Թաւրիզում եւ Ուրմիայում Ճրագալոյցի Ս.պատարագ մատուցւեց եւ աւետւեց Քրիստոսի Հրաշափառ Յարութիւնը: Յայտնենք, թէ Ճրագալոյցի առիթով ժամերգութիւն տեղի ունեցաւ նաեւ Գեարդաբադի Սբ. Գէորգ եկեղեցում, Տ. Ներսէս քհնյ. Պասիլեանի միջոցով:

Տօնական բոլոր արարողութիւնները եւ ձեռնարկները հոգեկան վերանորոգումի եւ քրիստոնէական հաւատքի մէջ զօրացման առիթ հանդիսացան հաւատացեալների համար: Թաւրիզում եւ Ուրմիայում հաւատացեալների մեծաթիւ ներկայութիւնը մեր եկեղեցիներում, քրիստոնէական ու հայկական անվերապահ հաւատքի արտայայտութիւն էր: Երեխաներից սկսած մինչեւ մեծերը, Քրիստոսի յաղթական յարութեան խորհուրդը իրենց հետ տարին իրենց տները:

Յարակից լուրեր

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

  • Ծաղկազարդը անակնկալներով խանդավառեց Ատրպատականի հայոց թեմի մանուկներին
    Ծաղկազարդը անակնկալներով խանդավառեց Ատրպատականի հայոց թեմի մանուկներին

    Մարդկութեան Փրկչի՝ Յիսուս Քրիստոսի իւրօրինակ ու անչափելի խոնարհութեան ու հեզութեան տօնի՝ Ծաղկազարդի առիթով, Ատրպատականի հայոց թեմում տեղի ունեցած եկեղեցական արարողութիւնները իւրայատուկ խանդավառութեամբ լցրեցին հոգիները, մասնակից բոլոր հաւատացեալների, թեմի տարբեր շրջաններում:

  • Ատրպատականի հայոց թեմի առաջնորդը ընդունեց Հ.Մ.Ա.Կ.-ի Թաւրիզի նորընտիր վարչութեան այցելութիւնը
    Ատրպատականի հայոց թեմի առաջնորդը ընդունեց Հ.Մ.Ա.Կ.-ի Թաւրիզի նորընտիր վարչութեան այցելութիւնը

    Հինգշաբթի 11 ապրիլ 2019-ի յետմիջօրէին ժամը 5-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. Եպս. Չիֆթճեանը իր գրասենեակում ընդունեց Հ.Մ.Ա.Կ.-ի Թաւրիզի մասնաճիւղի այցելութիւնը, գլխաւորութեամբ ատենապետ՝ Նժդիկ Աբրահամեանի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։