Հա

Համայնք

08/04/2018

Մայրերի օրւայ առիթով իւրայատուկ հանդիսութիւն Թաւրիզում

Կազմակերպութեամբ Հ.Օ.Մ.-ի Թաւրիզի մասնաճիւղի, 6 ապրիլ 2018 թ.-ի երեկոյեան ժամը 8-ին, Մայրերի որւայ նախօրեակին, իւրայատուկ հանդիսութիւն տեղի ունեցաւ Թաւրիզում, Ազգային առաջնորդարանի «Համազասպ Ոսկանեան» սրահում, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի: Սոյն հանդիսութեան համար Թեհրանից էր հրաւիրւել Իռէն Աբնուսեանը, իբրեւ բանախօս:

«alikonline.ir» - Կազմակերպութեամբ Հ.Օ.Մ.-ի Թաւրիզի մասնաճիւղի, 6 ապրիլ 2018 թ.-ի երեկոյեան ժամը 8-ին, Մայրերի որւայ նախօրեակին, իւրայատուկ հանդիսութիւն տեղի ունեցաւ Թաւրիզում, Ազգային առաջնորդարանի «Համազասպ Ոսկանեան» սրահում, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի: Սոյն հանդիսութեան համար Թեհրանից էր հրաւիրւել Իռէն Աբնուսեանը, իբրեւ բանախօս: Տեղեկացնում է Ատրպատականի ազգային առաջնորդարանը:

Բացման խօսքը կատարեց Հ.Օ.Մ.-ի Թաւրիզի մասնաճիւղի ատենապետուհի Անահիտ Յովսէփեանը, շեշտելով նւիրական առիթը մայրերի տօնի, բարի գալուստ մաղթելով բանախօսին, նրան ընկերակցող «Ալիք» հաստատութեան ներկայացուցիչ Սուրիկ Աբնուսեանին, նրա կնոջ Հայնուշին, եւ հարազատներին:

Օրւայ բանախօսը Իռէն Աբնուսեան իր նիւթը սկսեց հոգեւոր խորհրդածութեամբ, Սբ. Աստւածածնայ Աւետման տօնի խորհրդով, որը պատճառ է հանդիսացել մայրերի օրւայ տօնախմբութեան, մայրութեան գերագոյն օրինակ ունենալով Սբ. Կոյսը: Ապա, նա ազգային մեր պատմութեան վաղ ժամանակներից մինչեւ ազատագրական պայքարի հին ու նոր շրջանները թերթատելով, մատենագիրներից մինչեւ ֆեդայական ինքնապաշտպանութիւնների դրաւագներում յայտնւած հայ քաջարի կանանցից մէկ ընտրանի ներկայացրեց, ցոյց տալով հայ կանանց դերը մեր ազգի կեանքում ընդհանրապէս, սկսած եկեղեցասիրութիւնից մինչեւ ֆիտայական մարտեր եւ նահատակութիւն. «Միջնադարեան մեր պատմիչները վկայում են, որ հայ կանայք իրենց միջոցներով գնել են, կամ սեփական ժառանգական կալւածներին վանքերին են նւիրել բազմաթիւ գիւղեր իրենց շրջակայ արօտավայրերով, այգիներով, լեռներով ու ջրերով: Այդ եկեղեցիներին են նւիրել նրանք թանկարժէք զարդեր, ոսկեայ ու արծաթեայ անօթներ, ջահեր, գորգեր, ծածկոցներ ու վարագոյրներ», ասաց ան: Ապա, ազգանւէր ու հայրենասիրական ոգով թրծւած հայ կանանց մասին վկայելով, ասաց. «Հայոց հազարամեակների պատմութիւնը հարուստ է իրենց կեանքը իրենց հայրենիքին ազատութեան նւիրաբերած անձնւէր խիզախ ու համարձակ հայուհիների գործած սխրանքներով: Այդ նւիրեալ հայուհիները, սեփական ժողովրդի փրկութիւնը բարձր դասելով անձնական երջանկութիւնից, սիրով եւ անտրտունջ գնացին գերագոյն զոհողութեան, իրենց կեանքը նւի¬րաբերելով հայրենիքի փրկութեան: Հայ կնոջ դիրքի ու ըմբռնման մասին բարձր ըմբռնումը հասկանալի է դարձել մեր անցեալի պատմութեան մի շարք նշանաւոր եւ միաժամանակ անուս ու աննշան հայուհիների անձնական սխրագործութիւններից, որոնք հպարտութեան աղբիւրներ են դարձել սերունդների համար»,- ասաց նա:

Հետաքրքիր էին յատկապէս Սօսէ Մայրիկի, Ծաղիկի, Զապէլ Եսայեանի մասին Իռէնի կատարած պրպտողական աշխատանքը, լեցուն վկայութիւններով եւ սեփական զգացումների յորդ ապրումներով: Նշենք, որ դասախօսութեան ուղեկցում էր մոգական լապտերից լուսարձակւող լուսանկարների մէկ շարան, որը Հայնուշ Աւետեանի կողմից ըստ բանախօսի ներկայացրած նիւթը, լուսադրւում էր բեմի պաստառում, յաւելեալ լուսաբանելով հանդիսատեսի մտքերը, պատմութիւն կերտած հայուհիների մասին:

Երեկոն ճոխացւել էր գեղարւեստական ծրագրով, որի ընթացքում ելոյթ ունեցան Միրօ Աբրահամեանը եւ Մասիս Կարապետեանը երգերով եւ զուգերգով, որոնց երգեհոնով նւագակցում էր Կարէն Սարգիսեանը: Դարձեալ երգերով ելոյթ ունեցաւ սոփրանօ Նարինէ Սայադեանը, որին նւագակցում էր Սեւան Գասպարեանը գիթառով:

Գեղարւեստական ծրագրին իրենց շքեղ մասնակցութիւնը բերեց Հ.Օ.Մ.-ի Թաւրիզի մասնաճիւղի «Տաթեւ» պարախումբը, իր պատանիների եւ երիտասարդների զոյգ խմբերով, գեղարւեստական ղեկավարութեամբ Կարինէ Մանուչերեանի: Ծրագրի ընթացքում, Գ. Նժդեհի հայ մօր եւ կնոջ ձօնւած նշանակալի խօսքերից ընթերցեց, հանդիսութեան կազմակերպիչներից՝ Նայիրի Դիլանեանը:

Հանդիսութեան աւարտին Հ.Օ.Մ.-ի վարչութեան կողմից յուշանւէրներ տրւեցին օրւայ բանախօս՝ Իռէն Աբնուսեանին, նրան օժանդակող Հայնուշ Աւետեանին, իսկ երկու յուշանւէր՝ պարախմբի գեղարւեստական ղեկավար Կարինէ Մանուչերեանին, մէկը Հ.Օ.Մ.-ի վարչութեան կողմից, եւ միւսը՝ «Տաթեւ» պարախմբի կողմից:

Առաջնորդ Սրբազանը եզրափակիչ ու օրհնութեան խօսքով քաջալերեց բոլոր մասնակիցներին եւ երեկոն կազմակերպած Հ.Օ.Մ.-ի վարչութեանը: Նա յատուկ գնահատեց օրւայ բանախօսին, նրա պատրաստած շինիչ բանախօսութեան համար, որը հայոց պատմութեան էջերից քաղւած, հայի ազատատենչ ոգու արտայայտութիւնն էր: Սրբազանը որակաւոր ձեռնարկը գնահատելով, շեշտեց Ատրպատականի հայոց թեմի կենսունակութիւնը բոլոր բնագաւառներում՝ հոգեւոր, կրթական, մշակութային, միութենական, մարդասիրական ու բարեսիրական: Օրւայ խորհուրդը վեր հանելով, հերոսութեան տիտղոսի արժանի համարեց բոլոր մայրերին, որոնք աստւածատուր յատկանիշներից է, իրենց ծնած զաւակների մարդկային, հոգեւոր ու ազգային դաստիարակութիւնը:

Յարակից լուրեր

  • Համբարձման տօնը Մարալանի Սբ. Աստւածածին մատուռի ուխտավայրում
    Համբարձման տօնը Մարալանի Սբ. Աստւածածին մատուռի ուխտավայրում

    Հինգշաբթի 10 մայիս 2018-ին, մեր Տիրոջ Յիսուս Քրիստոսի Համբարձման տօնի առիթով, Ատրպատականի հայոց թեմում, տարիների աւանդութեան համաձայն, ս. պատարագ մատուցւեց Թաւրիզի Մարալան նախկին հայաշատ քաղաքամասում, ազգապատկան հսկայ այգում գտնւող Սբ. Աստւածածին ուխտավայր մատուռում: 

  • Յարգանք ուսուցչաց Թաւրիզի հայոց ազգային դպրոցում՝ իրենց նւիրւած տօնի առիթով
    Յարգանք ուսուցչաց Թաւրիզի հայոց ազգային դպրոցում՝ իրենց նւիրւած տօնի առիթով

    Չորեքշաբթի, 9 մայիս 2018-ի կէսօրին, Թաւրիզի ազգ. «Հայկազեան, Թամարեան Սահակեան» դպրոցի հանդիսասրահում տեղի ունեցաւ Ուսուցիչների շաբաթւայ առիթով յատուկ հանդիսութիւն, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: Սրբազան Հօր հետ, հանդիսութեան ներկայ գտնւեցին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Ազգային իշխանութեան անդամներ, գլխաւորութեամբ Թեմական խորհրդի ատենապետ՝ Ռուբիկ Ջանանեանի

  • Ատրպատականի հայոց առաջնորդը Վենետիկում մասնակցեց «Մխիթարեան» միաբանութեան հաստատման 300-ամեակի գիտաժողովին
    Ատրպատականի հայոց առաջնորդը Վենետիկում մասնակցեց «Մխիթարեան» միաբանութեան հաստատման 300-ամեակի գիտաժողովին

    Ն.Ս.Օ.Տ.Տ. Արամ Ա կաթողիկոսի բարձր տնօրինումով, 3 մայիս, 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան մեկնեց Վենետիկի Ս. Ղազարու վանքը, իբրեւ ներկայացուցիչը Վեհափառ Հայրապետին եւ Մեծի Տանն Կիլիկիոյ կաթողիկոսութեան: Սրբազանը Սուրբ Ղազար Մայրավանքում մասնակցեց, «Մխիթարեան» միաբանութեան սոյն կղզու վրայ հաստատման 300-ամեակի նւիրւած «Մխիթար եւ Մխիթարեաններ, Քրիստոնէութեան լուսաւորութեան դպրանոց մը» խորագրով գիտաժողովին, կազմակերպութեամբ «Մխիթարեան» միաբանութեան քահանայապետական պատուիրակ՝ Հ. Լեւոն արք. Զէքիեանի:

  • «Թաթուլ Ալթունեան»-ի անւան երգի եւ պարի պետական համոյթը Թաւրիզում
    «Թաթուլ Ալթունեան»-ի անւան երգի եւ պարի պետական համոյթը Թաւրիզում

    Հինգշաբթի, 3 մայիս, 2018 թւի երեկոյեան, Հայաստանի Հանրապետութեան «Թաթուլ Ալթունեան»-ի անւան երգի եւ պարի պետական համոյթը ելոյթ ունեցաւ Թաւրիզի Ազգային առաջնորդարանի «Հ. Ոսկանեան» սրահում, նախաձեռնութեամբ Հ.Մ.Ա.Կ.-ի Թաւրիզի մասնաճիւղի։ Ձեռնարկը վայելում էր Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի հովանաւորութիւնը, որ երկրից բացակայութեան պատճառով ներկայ չէր: 

  • Ատրպատականի հայոց առաջնորդը մեկնեց Վենետիկ
    Ատրպատականի հայոց առաջնորդը մեկնեց Վենետիկ

    3 մայիս, 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Վենետիկ, Իտալիա, իբրեւ անձնական ներկայացուցիչը Ն.Ս.Օ.Տ.Տ. Արամ Ա կաթողիկոսի: Սրբազան Հայրը Սբ. Ղազար կղզում մասնակցելու է, «Մխիթարեան» միաբանութեան սոյն կղզում հաստատման 300-ամեակի նւիրւած հանդիսութիւններին եւ յատկապէս նոյն առիթով կազմակերպւած գիտաժողովին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։