Հա

Համայնք

15/04/2018 - 10:00

Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում

Տօնական օրերի տօնացուցային երկարաձգման հետ, երկարաձգւում է նաեւ նրանց ստեղծած խանդավառութիւնը համայնքում: Սուրբ Զատկին յաջորդող Յինունքի օրերին, աւանդաբար Հ.Մ.Ա.Կ.-ի Թաւրիզի մասնաճիւղը կազմակերպում է զատկական ընթրիք-հաւաքոյթ, որը այս տարի տեղի ունեցաւ հինգշաբթի, ապրիլի 12-ի երեկոյեան ժամը 9:30-ին, «Արարատ»-ի Թաւրիզի կենտրոնատեղիում, կազմակերպութեամբ Երէցների միութեան:

«alikonline.ir» - Տօնական օրերի տօնացուցային երկարաձգման հետ, երկարաձգւում է նաեւ նրանց ստեղծած խանդավառութիւնը համայնքում: Սուրբ Զատկին յաջորդող Յինունքի օրերին, աւանդաբար Հ.Մ.Ա.Կ.-ի Թաւրիզի մասնաճիւղը կազմակերպում է զատկական ընթրիք-հաւաքոյթ, որը այս տարի տեղի ունեցաւ հինգշաբթի, ապրիլի 12-ի երեկոյեան ժամը 9:30-ին, «Արարատ»-ի Թաւրիզի կենտրոնատեղիում, կազմակերպութեամբ Երէցների միութեան: Տեղեկացնում է Ատրպատականի ազգային առաջնորդարանը:

Երեկոյթին նախագահեց Ատրպատականի հայոց թեմի առաջնորդ Տ. Գրիգոր եպս. Չիֆթճեան, ներկայութեամբ ազգային իշխանութեան անդամների, Հ.Մ.Ա.Կ.-ի վարչութեան անդամների եւ մեծ թւով Արարատականների: Երեկոյի բացման խօսքը կատարեց Երէցների միութեան վարչութեան ատենապետ Ռազմիկ Օրդուխանեանը: Սուրբ Յարութեան տօնին հետ միասին նա շնորհաւորական ուղերձ ուղղեց նաեւ մայրութեան եւ գեղեցկութեան տօնի առիթով, միանգամ եւս շնորհաւորելով բոլոր մայրերին: Շնորհակալութեան խօսք ուղղեց նաեւ նա բոլոր այն անձերին, որոնք օժանդակել էին երեկոյթի կազմակերպման աշխատանքներին: Հանդիսավարութիւնը այնուհետեւ կատարեց Կարէն Սարգսեան: Նա հերթաբար կենացներ առաջարկելով, համայնքի մեծ ընտանիքի ամբողջականութիւնը յիշեց, դուրս բերելով դրան արտաքին աշխարհում տեղի ունեցող բոլոր դժւարութիւններից եւ յիշեցնելով բոլորին մեր հայ լինելը, ինչպէս նաեւ Ատրպատականի զաւակ լինելու առաւելութիւնները:

Ողջոյնի խօսքով հանդէս եկաւ նաեւ Հ.Մ.Ա.Կ.-ի Թաւրիզի մասնաճիւղի վարչութեան ատենապետ Հենրիկ Աբրահամեանը: Նա շնորհաւորական իր խօսքը ուղղելուց յետոյ, խորհրդանշականօրէն բոլորի մայր համարելով տիրամօրը, նրան պատւեց յուշանւէրով: Նոյն ատեն նա յայտարարեց, թէ Սպահանում Գարնանային 30-րդ մարզախաղերին մասնակցելով, Թաւրիզի մասնաճիւղի երեխաները վարքի մրցանակ էին շահել: Ուստի սոյն մրցանակը Հենրիկ Աբրահամեանի որոշումով Սրբազան Հօր ձեռամբ խորհրդանշականօրէն յանձնւեց Սպահան մեկնող խմբի պատասխանատու Վահիկ Բաղդասարեանին: Դարձեալ, Կազմակերպութեան հանդէպ իր ունեցած անձնդիր ծառայութիւնների համար, յատուկ յուշանւէրով գնահատւեց Սարմէն Աւագեան:

Երեկոյթը ունէր նաեւ յանպատրաստից գեղարւեստական ծրագիր, որին երգերով ու ասմունքներով մասնակցեցին Վարդան Սարգսեան, Միրօ Աբրահամեան, Նարինէ Սայեադեան, Սաթիկ Աբրահամեան, Նայիրի Դիլանեան, իսկ երգողներին երգեհոնով ընկերակցում էր Կարէն Սարգսեան: Ծրագրի վերջին ժամը յատկացւել էր զատկական հաւկթախաղի: Իւրաքանչիւր սեղան իր մրցոյթը աւարտելուց յետոյ, յաղթողները մասնակցեցին վերջին փուլի մրցոյթին եւ յաղթող հռչակւեց Գագիկ Յարութիւնեանը, շահելով օրւայ պարգեւը:

Վիճակախաղի աւանդական արարողութիւնն էլ կատարւեց եւ Միութենական Կարօ Ջորջեանը շահելով նւէրը, հայրենասիրական կարճ խօսքով իր զգացմունքը արտայայտեց, նոյն ոգով վարակելով ներկաներին:

Առաջնորդ Սրբազանը իր գնահատանքի եւ օրհնութեան խօսքով շեշտեց համայնքի կայտառ կեանքը, տօնական օրերի նկատմամբ ժողովրդի ցուցաբերած առուգութիւնը, որը մեր համայնական կեանքին շունչ է բերում. «Մեզ համար ամէն օր տօն է, երբ գիտենք օգտւել ուրախութեան օրերի ընձեռած բարեպատեհ առիթներէն: Տօնական օրերի բարիքներից օգտւենք, պահպանելու համար մեր համայնքի կենսունակութիւնը», ասաց նա, գնահատելով վարչութեան եւ երէցների Միութեան հաւաքական աշխատանքը:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։