Հա

Համայնք

29/04/2018 - 09:50

«Անի» գեղարւեստական միաւորի կազմակերպած Ապրիլեան նահատակաց տօնը՝ Ուրմիայում

26 ապրիլ, 2018-ին, Ուրմիոյ Սբ. Ստեփանոս եկեղեցու «Արամ Մանուկեան» հանդիսրահում, Հայոց Ցեղասպանութեան նահատակների ոգեկոչման 103-րդ տարելիցի յիշատակին տեղի ունեցած ծրագիրների շարքը եզրափակւեց, Հ.Օ.Մ.-ի Ուրմիոյ մասնաճիւղի հովանաւորութեան տակ գործող «Անի» գեղարւեստական միաւորի կազմակերպած մշակութային ձեռնարկով:

«alikonline.ir» - 26 ապրիլ, 2018-ին, Ուրմիոյ Սբ. Ստեփանոս եկեղեցու «Արամ Մանուկեան» հանդիսրահում, Հայոց Ցեղասպանութեան նահատակների ոգեկոչման 103-րդ տարելիցի յիշատակին տեղի ունեցած ծրագիրների շարքը եզրափակւեց, Հ.Օ.Մ.-ի Ուրմիոյ մասնաճիւղի հովանաւորութեան տակ գործող «Անի» գեղարւեստական միաւորի կազմակերպած մշակութային ձեռնարկով: Տեղեկացնում է Ատրպատականի ազգային առաջնորդարանը:

Հանդիսութեան ներկայ էին Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը, ազգային կեանքից ներս գործող Միութիւնների եւ Կազմակերպութիւնների ներկայացուցիչներ, եւ մեր նահատակների յիշատակը յարգող ուրմիահայեր մեծաթիւ խումբով:

Օրւայ հանդիսավար Արմէն Բադալեանը վեր հանելով Ապրիլեան զոհերի անմեռ յիշատակի խորհուրդը ոգեկոչելու մեր ազգային հաւաքական պարտքը, բեմ հրաւիրեց Հ.Օ.Մ-ի Ատենապետուհի Սեդա մեջլումեանին, արտասանելու բացման խօսքը: Ատենապետուհին ներկաների ուշադրութիւնը հրաւիրելով 103 տարիներ առաջ պատահած սպանդին ու ոճրագործութեան վրայ, ի միջի այլոց ասաց. «Սուտ է այն խօսքը, թէ ժամանակը բուժում է, ժամանակը  ոչինչ չի՛ բուժում, հայի վէրքը դեռեւս ցաւում է ու չի՛ սպիանում: Հայրենիք բառը դաջւած է մեր սրտերում ու յանուն նրա մեր կեանքը կը տանք: Ուրեմն պէտք է ուս-ուսի տւած պայքարենք ու պաշտպանենք մեր հայրենիքը, չմոռանանք մեր ազգը, կրօնը, մեր լեզուն ու արժանիքները, ու միշտ յիշենք ինչ էլ լինի Հայաստանը կը յաղթի եւ կապրի»:

Ապա, օրւայ առիթով «Անի» գեղարւեստական միաւորի դաստիարակչուհիներից՛ Նունէ Խուդաւերդեանը արտայայտւեց, վերիշելով Սրբադասւած Նահատակների հանդէպ յատկապէս նոր սերնդի յարգանքն ու պահանջատիրական պայքարը:

Միաւորի աշակերտութիւնը այնուհետեւ հրաւիրւեց ծաղկեմատոյցով իր յարգանքի տուրքը մատուցելու մէկուկէս միլիոն նահատակաց, որոնք տարագրութեան եւ ապա սպանդի զոհ էին դարձել ցեղասպան թուրքի ձեռքով 1915 թւին:

Շաբաթների աշխատանքով, «Անի» գեղարւեստական միաւորի պատանիները նախապատրաստւել էին Ապրիլեան սոյն ձեռնարկին: Ուստի, խմբական արտասանութիւններով, մեներգներով եւ խմբերգներով, միաւորի երեխաները մեծ ոգեւորութիւն ստեղծեցին հանդիսատեսի մօտ, որ քաջալերական ծափողջոյններով իր գնահատանքը յայտնեց նրանց:

Հայ զինւորի քաջութիւնը գովերգող երգերով, երեխաները իրենց մանկական շրթերով փառաւորեցին նրան, միաժամանակ իրենց հաւատարմութիւնը յայտնելով համազգային մեր սրբութեան՝ հայրենիքին: Նման երգերից էր Ալէն Շահբազեանի երգած զինւորի երգը: Նոյնքան ոգեւորիչ էր Էլին Շահբազեանի պարը, որ ազգային տրտմաթաթախ երգի՝ «Դլէ Եաման»-ի կշռոյթով հմայեց ներկաներին: Նշենք, որ բոլոր ելոյթներին երգեհոնով ընկերակցում էր Ուրմիահայ երաժիշտ՝ Արտեմիս Բայրամեանը:

Շուրջ երկու ժամ տեւած ծրագրի աւարտին, հայ մշակոյթով յագեցած ներկաներին շնորհակալութիւն յայտնեց օրւայ հանդիսավարը եւ բեմ հրաւիրեց ծխատէր քահանային, «Պահպանիչ»-ով օրհնելու ներկաներին:

Ուրմիահայութեան կեանքում Ապրիլեան օրերի գեղարւեստական եւ ոգեկոչական ծրագրերը իրենց աւարտին հասան, սակայն պահանջատիրական ոգին շարունակւում է տարւայ բոլոր օրերի ընթացքում, նոր սերնդի յիշողութեան մէջ միշտ վառ պահելով մեր ժողովրդի բռնաբարւած իրաւունքների վերատիրացման արդար պահանջը:

Յարակից լուրեր

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Նոր տարւայ անդրանիկ ս. պատարագ մատուցւեց Ատրպատականի հայոց թեմում
    Նոր տարւայ անդրանիկ ս. պատարագ մատուցւեց Ատրպատականի հայոց թեմում

    Ատրպատականի հայոց թեմում՝ ապրող մեր ժողովրդի զաւակները, երկուշաբթի, 31 դեկտեմբեր 2018-ի գիշերւայ ժամը տասներկուսին նոր տարին դիմաւորելուց յետոյ, երեքշաբթի 1 յունւար 2019-ին շտապեցին հայոց եկեղեցիները, Թաւրիզում եւ Ուրմիայում, աղօթքով ու սուրբ պատարագի մասնակցութեամբ սկսելու իրենց տարին:

  • Հանդիպում՝ Իսլ. յեղափոխութեան պահակազօրի Ուրմիոյ հրամանատարի եւ Ուրմիոյ քրիստոնեայ համայնքների միջեւ
    Հանդիպում՝ Իսլ. յեղափոխութեան պահակազօրի Ուրմիոյ հրամանատարի եւ Ուրմիոյ քրիստոնեայ համայնքների միջեւ

    Չորեքշաբթի, 28 նոյեմբեր, 20128-ին, Իսլ. յեղափոխութեան պահակազօրի Ուրմիոյ շրջանի հրամանատարը հանդիպում ունեցաւ Ուրմիոյ քրիստոնեայ համայնքների հետ, Ասորի Կաթոլիկների սրահում: 

  • Առաջին զանգը հնչեց Ատրպատականի հայոց թեմի կրթօջախներում
    Առաջին զանգը հնչեց Ատրպատականի հայոց թեմի կրթօջախներում

    Կիրակի, 23 սեպտեմբեր 2018-ին, Իրանի Իսլամական Հանրապետութիւնում բոլոր կրթօջախները վերաբացեցին իրենց դռները կրթական նախարարութեան կողմից յայտարարւած վերամուտի թւականի հետեւողութեամբ, առաջին զանգով 2018-2019 ուսումնական-կրթական տարեշրջանի սկսման ազդանշանը տալով: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։