Հա

Համայնք

15/05/2018 - 11:40

Յարգանք ուսուցչաց Թաւրիզի հայոց ազգային դպրոցում՝ իրենց նւիրւած տօնի առիթով

Չորեքշաբթի, 9 մայիս 2018-ի կէսօրին, Թաւրիզի ազգ. «Հայկազեան, Թամարեան Սահակեան» դպրոցի հանդիսասրահում տեղի ունեցաւ Ուսուցիչների շաբաթւայ առիթով յատուկ հանդիսութիւն, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: Սրբազան Հօր հետ, հանդիսութեան ներկայ գտնւեցին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Ազգային իշխանութեան անդամներ, գլխաւորութեամբ Թեմական խորհրդի ատենապետ՝ Ռուբիկ Ջանանեանի

«alikonline.ir» - Չորեքշաբթի, 9 մայիս 2018-ի կէսօրին, Թաւրիզի ազգ. «Հայկազեան, Թամարեան Սահակեան» դպրոցի հանդիսասրահում տեղի ունեցաւ Ուսուցիչների շաբաթւայ առիթով յատուկ հանդիսութիւն, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: Սրբազան Հօր հետ, հանդիսութեան ներկայ գտնւեցին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Ազգային իշխանութեան անդամներ, գլխաւորութեամբ Թեմական խորհրդի ատենապետ՝ Ռուբիկ Ջանանեանի: Ներկայ էին նաեւ կրթական խորհրդի պետական պատասխանատուներ, հանգստի կոչւած եւ ներկայիս գործող ուսուցիչներ, Հոգաբարձութեան եւ Ծնողական խորհրդի անդամներ եւ դպրոցի աշակերտութիւնը: Տեղեկացնում է Ատրպատականի ազգային առաջնորդարանը:

Հանդիսութիւնը կազմակերպւել էր դպրոցի տեսչութեան, հոգաբարձութեան եւ ծնողական խորհրդի կողմից, գլխաւորութեամբ տեսչուհի՝ Արմինէ Վահրամեանի: Շուրջ երկու ժամ տեւած հանդիսութեան բացման խօսքը աշակերտութեան անունից կատարեց Լիլիթ Դանղեան, երախտագիտական խօսքերով դիմելով հին եւ նոր բոլոր ուսուցիչներին եւ կրթական մշակներին: Սրտի անկեղծ խօսքերով եւ երգերով իրենց ուսուցիչներին մեծարեցին դպրոցի աշակերտ-ուհիներից՝ Թադէ Նազարբէգեանը, Իզապէլ Սարգիսեանը, Նարէ Սայադեանը, Էմելիա Աբրահամեանը, Շարա Բաղդասարեանը, Շարիս Վարդանեանը, Գեղանի Գրիգորեանը, Մարիա Զաքարեանը եւ Լիոնա Թարւերդեանը, ղեկավարութեամբ Նարինէ Սայադեանի: 

Ուսուցչակազմի անունով խօսք առաւ ուսուցչուհի Էբադի, տեսչութեան, հոգաբարձութեան եւ ծնողական խորհրդին խորին շնորհակալութիւն յայտնելով՝ հոգածու վերաբերմունքի համար: Նա շեշտեց յարգանքի այն զգացումը, որը բոլոր տածում են իրենց երկրորդ ծնողի՝ ուսուցչի նկատմամբ:

Հանգստի կոչւած ուսուցիչների անունից խօսք առաւ Շահին Վարղայեանը, միշտ քաղցր յուշեր մէջբերելով անցեալից, երբ հաճոյքն էր ունեցել ուսուցանելու Թաւրիզի հայոց ազգային դպրոցում:

Հանդիսութեան ընթացքում տեսչուհու ներկայացմամբ յատուկ ուշադրութեան արժանացաւ ամէնից տարեց հանգստի կոչւած ուսուցչուհի Քաթէպին, որ ներկայիս ազգային ծառայութեան կոչւած մի շարք գործիչների ուսուցչուհին էր եղել: Նա այս առիթով իր յուշերից պատմեց համեստութեան եւ խոնարհութեան օրինակ հանդիսանալով:

Շնորհաւորական խօսքով հանդէս եկաւ նաեւ Ծնողական խորհրդի անդամ՝ Կարէն Սարգիսեանը:

Այնուհետեւ դպրոցի տեսչուհի Արմինէ Վահրամեան յատուկ խօսքով դիմեց ներկաներին: Նա անդրադարձաւ Իրանի Իսլամական Հանրապետութեան կողմից սոյն շաբաթի հաստատման իբրեւ ուսուցչաց յատուկ տօնի եւ ներկայացրեց ուսուցչի իսկական կերպարը, իբրեւ դաստիարակ եւ հոգեհարազատ անձ: Ի վերջոյ, նա ասաց, որ տարւայ բոլոր օրերի ընթացքում յարգանքի արժանի էակ է ուսուցիչը, իր կատարած մեծ զոհողութեան համար: Տեսչուհին գնահատանքով ներկայացրեց նաեւ դպրոցի աշակերտուհիներից Նարէ Սայադեանի եւ Մեղմիկ Ոսկանեանի կողմից պատրաստւած գրքոյկը, որը ուսանողական աշխատանք իբրեւ գնահատանքի էր արժանացել:

Հանդիսութեան ներկայ գտնւեցին կրթական խորհրդի պետական ներկայացուցիչներ՝ գլխաւորութեամբ դոկտ. Ռադբէի: Նա իր գործակիցների անունից սրտի խօսք ուղղելով բարձր գնահատեց տեսչուհու եւ ուսուցչական կազմի ծառայութիւնը, պետութեան անվերապահ հովանաւորութիւնը վերահաստատելով կատարուած կրթական գործի համար:

Հանդիսութեան եզրափակիչ եւ օրհնութեան խօսքը արտասանեց առաջնորդ Սրբազանը: Նա գնահատելով բոլոր կրթական մշակների աշխատանքը, դա վեր համարեց կրօնական, մշակութային, ազգային եւ ցեղային այլ տարբերութիւններից. «Ուսուցչութիւնը վերոյիշեալ բոլոր սահմանագծումներից եւ տարբերութեան պատերից վերեւ է, համամարդկային ծառայութիւն է», ասաց նա, բացատրելով ուսուցչի անձնազոհութեան վեհ առաքելութիւնը: Ապա, նա բարձր գնահատեց տեսչուհի Արմինէ Վահրամեանի անխոնջ նւիրումը կրթական աշխատանքին եւ յուշանւէրով պատւեց նրան: Սրբազանին ձեռամբ ներկայ ուսուցիչները եւս նւէրներ ստացան, որոնք պատրաստւել էին դպրոցի կողմից: Իսկ Թեմական խորհրդի ատենադպիր՝ Գագիկ Ջորջեանի նւիրաբերմամբ, իւրաքանչիւր ուսուցիչ եւ պաշտօնական հրաւիրել ստացաւ գարնանային ծաղիկով լեցուն թաղար: Հանդիսութեան պաշտօնական բաժնէն ետք տեղի ունեցաւ հիւրասիրութիւն՝ կէսօրուան ճաշ, հաւկթախաղ եւ այլ զւարճալի անակնկալներ, կազմակերպութեամբ ծնողական խորհուրդին:

Յարակից լուրեր

  • Սուրբ Զատիկը ազգային-եկեղեցական տօնախմբութեան վերածւեց Ատրպատականի հայոց թեմում
    Սուրբ Զատիկը ազգային-եկեղեցական տօնախմբութեան վերածւեց Ատրպատականի հայոց թեմում

    Հրաշափառ Յարութեան տօնի առիթով, մեր Տիրոջ եւ Փրկչի միջոցով մահւան վրայ տարւած յաղթանակի յոյսով լցւեց համայն քրիստոնեաների սրտերը: Կիրակի 21 սպրիլ 2019-ի առաւօտեան, Ատրպատականի հայոց թեմի զաւակները, Թաւրիզում, Ուրմիայում եւ Գեարդաբադում իրենց աղօթքը մատուցին Ամենակալ Աստծուն, Սուրբ Յարութեան տօնի յուսադրիչ ապրումներով:

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

  • Ծաղկազարդը անակնկալներով խանդավառեց Ատրպատականի հայոց թեմի մանուկներին
    Ծաղկազարդը անակնկալներով խանդավառեց Ատրպատականի հայոց թեմի մանուկներին

    Մարդկութեան Փրկչի՝ Յիսուս Քրիստոսի իւրօրինակ ու անչափելի խոնարհութեան ու հեզութեան տօնի՝ Ծաղկազարդի առիթով, Ատրպատականի հայոց թեմում տեղի ունեցած եկեղեցական արարողութիւնները իւրայատուկ խանդավառութեամբ լցրեցին հոգիները, մասնակից բոլոր հաւատացեալների, թեմի տարբեր շրջաններում:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։