Հա

Համայնք

03/06/2018 - 08:50

Իրանահայ բանաստեղծ Վարանդը այցելեց Ատրպատականի առաջնորդարան

Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից:

«alikonline.ir» - Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից: Տեղեկացնում է Ատրպատականի ազգային առաջնորդարանը:

Սրբազան Հայրը ողջունելով Վարանդի ներկայութիւնը առաջնորդարանում եւ ընդհանրապէս Թաւրիզում, իր ուրախութիւնը յայտնեց նրա գրականութեան մէջ այն ընդարձակ նիւթերին, որոնք վերաբերւում են Ատրպատականի շրջանին, յատկապէս «Բերդաքաղաքը» վէպ-պոէմայի էջերում, անմահանուն Ատրպատականցի վիպասան՝ Ռաֆֆու շնչով հեղինակւած: Սրբազանը իր ուրախութիւնը յայտնեց, որ Հ.Մ.Ա.Կ.-ի Թաւրիզի մասնաճիւղի կազմակերպած Մայիսեան փառատօնին, Թաւրիզում, «Երազ» համոյթը իր հրաշալի մենակատարներից՝ դոկտ. Յովիկ Գալստեանի բամբ ձայնով կատարել էր անւանի բանաստեղծի երգի վերածւած «Ես քո կարօտից» քերթւածը:

Վարանդը իր ուրախութիւնը յայտնեց երկար տարիներ յետոյ դարձեալ մեր պատմութեան հոգեւոր շտեմարանում՝ Ատրպատականում գտնւելու առիթով, միշտ շեշտելով որ ներշնչման անսպառ աղբիւր է իրեն համար այս թեմը իր անցեալով եւ ներկայով: Հոգեւոր ապրումների եւ կրօնական զգացողութեան վերլուծումներով, նա իր անհատական փորձառութեան գործօնը բանաստեղծական զգայուն հոգով ներկայացրեց, հոգեկան անտեսանելի թրթիռների հարազատ թարգմանը հանդիսանալով:

Աւելի քան մէկ ժամ տեւած հանդիպումն աւարտւեց անւանի բանաստեղծին այցելութիւնը յաճախակի վայելելու մաղթանքով:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։