Հա

Համայնք

24/06/2018 - 10:40

Ատրպատականի ազգ. առաջնորդարանի այգու փոքրիկ հրապարակը նւիրւեց Հայաստանի անկախութեան 100-ամեակին

Հինգշաբթի, 21 յունիս 2018–ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, երեկոյեան ժամը 9-ին բացումը կատարւեց ազգային առաջնորդարանի այգու, կազմակերպութեամբ Հայ Օգնութեան միութեան եւ «Ալիք»-ի Թաւրիզի մասնաճիւղերի վարչութիւնների: Այգու ծառերի հովանու ներքոյ ամառը վայելելու սովորութիւն ունեցող թաւրիզահայութիւնը, ամէն տարի, ամրանը, կարօտով սպասում է սոյն բացման հանդիսութեանը: 

«alikonline.ir» - Հինգշաբթի, 21 յունիս 2018–ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, երեկոյեան ժամը 9-ին բացումը կատարւեց ազգային առաջնորդարանի այգու, կազմակերպութեամբ Հայ Օգնութեան միութեան եւ «Ալիք»-ի Թաւրիզի մասնաճիւղերի վարչութիւնների: Այգու ծառերի հովանու ներքոյ ամառը վայելելու սովորութիւն ունեցող թաւրիզահայութիւնը, ամէն տարի, ամրանը, կարօտով սպասում է սոյն բացման հանդիսութեանը: Տեղեկացնում է Ատրպատականի ազգային առաջնորդարանը:

Այս տարի, սոյն բացման նախօրեակին, առաջնորդարանի այգում, խաչմերուկի կենտրոնում փոքրիկ հրապարակ կառուցւեց ծաղիկներով, իսկ դրա կենտրոնում մայրի ծառ տնկւեց, որը նւիրւեց Հայաստանի անկախութեան 100 ամեակին:

Առաջնորդ Սրբազանը, ընկերակցութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի եւ Ազգային իշխանութեան անդամների, երեկոյեան ժամը 9-ին իջաւ այգին եւ բացումը կատարեց նորակերտ հրապարակին: Սրբազանը, իր խօսքում, յատկապէս ասաց. «Հայաստանից սկսած, աշխարհի տարբեր քաղաքներում, որտեղ որ կան հայկական գաղութներ, արժանաւորապէս նշւեց Հայաստանի անկախութեան հարիւրամեակը: Մենք էլ մեր հերթին տօնեցինք այս բացառիկ ամեակը մեր թեմում: Սակայն, որպէս Ատրպատականի հայոց թեմի զաւակներ, պիտի որ մնայուն յիշատակ կանգնէինք այս առիթով: Ուստի, որպէս մնայուն յուշարար մեր հայրերի հարիւրամեայ մեծ սխրագործութեան, Ազգային առաջնորդարանի մեր այգու այս նորակերտ փոքրիկ հրապարակը կնքում ենք «Հայաստանի անկախութեան 100-ամեակի հրապարակ» անունով, որպէսզի ամէն անգամ երբ մտնենք առաջնորդարան, յիշենք մեր հայրենիքի անկախութեան մեծ տարեդարձը: Քիչ անդին, 2001 թւին կանգնած խաչքարը մնայուն յուշարար է մեզ բոլորիս, մեր քրիստոնէութեան դարձի 1700-ամեակի: Այս հրապարակն էլ, յատկապէս մեր նոր թող սերնդին յիշեցնի մեր հայրենիքի անկախութեան 100 ամեակը»,- ասաց Սրբազանը:

Ապա, նորակերտ փոքրիկ հրապարակը լուսաւորւեց եւ առաջնորդ Սրբազանն ու Թեմական խորհրդի ատենապետ Ռուբիկ Ջանանեանը հատեցին բացման ժապաւէնը, հրաւիրելով բոլորին վայելել ամրան արձակուրդի հաճելի սկիզբը:

Ազգային առաջնորդարանի «Համազասպ Ոսկանեան» սրահի առջեւ սեղաններ էին յարդարւել, հիւրասիրութեան ընթացքում միասնաբար բացումը կատարելու այգու ամառային շրջանի: Շրջափակի տարբեր անկիւններում նախատեսւել էին խաղեր:

Երեկոյեան ժամը 7-ից, մասնաւոր խոհանոց էր աշխատում համադամ ուտեստներով, այգու բացման օրը շրջափակին մէջ ժողովրդի համար հաճելի նիստ եւ վայելք պարգեւելու համար: Յատուկ սեղան յատկացւել էր Ազգային իշխանութեան համար, որտեղ հոգեւորականներ եւ Ազգային իշխանութեան ներկայացուցիչ անդամներ ժողովրդի հետ լինելու առիթ ունեցան:

Ակներեւ էր Հ.Օ.Մ.-ի եւ «Ալիք»-ի բոլոր անդամների աշխատասիրութիւնը, որոնք ժամեր առաջ շրջափակի դասաւորումների ամէնից համեստ գործերն էին կատարում ուրախութեամբ: Պիտի աւելացնել նաեւ, որ անդամներից շատերը ճաշերի պատրաստութեան ընթացքում նախօրօք իրենց օժանդակութիւնն էին բերել, յաջողեցնելու համար սոյն ժողովրդական ծրագիրը:

Առաջնորդ Սրբազանը իր խօսքի աւարտին բարձր գնահատեց Հ.Օ.Մ.-ի եւ «Ալիք»-ի Թաւրիզի մասնաճիւղերի կատարած աշխատանքը, մաղթելով որ համայնքային կեանքում իրենց առողջ դերակատարութեամբ նւիրւեց հայապահպանութեան սուրբ գործին:

Յարակից լուրեր

  • Ատրպատականի հայոց թեմի առաջնորդը Ղարադաղի Դուգիդարա գիւղում
    Ատրպատականի հայոց թեմի առաջնորդը Ղարադաղի Դուգիդարա գիւղում

    Ատրպատականի ամէնից ընդարձակ եւ լեռնային խիստ բնութեամբ յատկանշւող շրջաններից է Ղարադաղը, որտեղ մեր թեմի անցեալի բնակավայրերի՝ գիւղերի եւ դրանցում գտնւած եկեղեցիների ու գերեզմանատների մասին ուսումնասիրութիւններ է կատարում առաջնորդ՝ գերշ. Տ. Գրիգոր Ս. եպս. Չիֆթճեանը: Երկուշաբթի, 9 սեպտեմբեր 2019 թ.-ին, Սրբազան Հայրը մեկնեց Ղարադաղի Դուգիդարա գիւղը, ուսումնասիրելով տեղի եկեղեցին եւ գերեզմանատունը:

  • «Սալմաստի պատմութիւն եւ մշակոյթ». միջազգային գիտաժողով ԵՊՀ-ում
    «Սալմաստի պատմութիւն եւ մշակոյթ». միջազգային գիտաժողով ԵՊՀ-ում

    ԵՊՀ գիտական խորհրդի նիստերի դահլիճում այսօր (սեպտեմբերի 6-ին-ԽՄԲ.) տեղի է ունեցել «Սալմաստի պատմութիւն եւ մշակոյթ» խորագրով գիտաժողով:

  • Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)
    Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)

    Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին:

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։