Հա

Համայնք

18/07/2018 - 11:10

Ատրպատականի հայոց թեմի առաջնորդը մեկնեց Լոս Անջելէս

Երեքշաբթի 17 յուլիս 2018-ի առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Լոս Անջելէս, Միացեալ Նահանգներ, որտեղ մասնակցելու է իր հեղինակած «Ուղեւորութիւն Ատրպատականի հայոց թեմում հայկական յուշարձանների հետքերով» գրքի Ա. հատորի շնորհանդէսին: 

«alikonline.ir» - Երեքշաբթի 17 յուլիս 2018-ի առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Լոս Անջելէս, Միացեալ Նահանգներ, որտեղ մասնակցելու է իր հեղինակած «Ուղեւորութիւն Ատրպատականի հայոց թեմում հայկական յուշարձանների հետքերով» գրքի Ա. հատորի շնորհանդէսին: Տեղեկացնում է Ատրպատականի ազգային առաջնորդարանը:

Չորեքշաբթի, 25 յուլիս 2018-ին, հովանաւորութեամբ Լոս Անջելէսում գործող հինգ իրանահայ միութիւնների՝ «Ջան Թաւրիզ»-ի, «Ուրմիա Հայրենակցական միութիւն»-ի, «Սալմաստի Ժառանգութեանց ընկերակցութիւն»-ի, «Իրանահայ միութիւն»-ի եւ «Ղարադաղի ժառանգներ»-ի, ինչպէս նաեւ կազմակերպութեամբ Սարդարապատ գրախանութի, տեղի է ունենալու սոյն շնորհանդէսը, Գլէնդէյլի Երիտասարդական կենտրոնի սրահում:

Սրբազան Հօր գիրքը կը ներկայացնի դոկտ. Կարօ Մոմճեանը, իսկ հեղինակը սահիկների ընկերակցութեամբ իր աշխատանքային փորձառութիւնը կը կիսի ներկաների հետ, աւելի լայն բացատրութիւն տալով Ատրպատականի հայոց թեմում մշակութային մեր ժառանգութեանց ներկայ իրավիճակի մասին:

Սոյն շնորհանդէսից երեք օրեր առաջ, 22 յուլիս 2018-ին առաւօտեան, ընդառաջելով «Ջան Թաւրիզ» միութեան հրաւէրին, Ատրպատականի հայոց առաջնորդը ներկայ կը գտնւի միութեան կազմակերպած տարեկան Սուրբ Թադէի օրւայ հաւաքին եւ նոյն առիթով իր քաջալերական խօսքը կուղղի Լոս Անջելէսում հաստատւած թաւրիզահայութեան, որոնք հազարաւոր մղոներով հեռու լինելով իրենց ծննդավայրից, ջանք չեն խնայում պահպանելու իրենց աւանդութիւնները եւ ներգրաւելու նոր սերնդի զաւակներին:

Սրբազան Հօր հեղինակած հատորի երկրորդ շնորհանդէսը տեղի կունենայ Ֆրէզնօ քաղաքում, երեքշաբթի, 31 յուլիս 2018-ին, ներկայացնելու համար Հայ եկեղեցու հնագոյն թեմի պատմական արժէքը եւ մշակութային այն կոթողները, որոնք ցարդ պահպանւում են, հարստացնելով համաշխարհային մշակոյթի գանձարանը:

Ամսավերջին, վերոյիշեալ ձեռնարկների աւարտին, առաջնորդ Սրբազանը կը վերադառնայ Թաւրիզ:

Յարակից լուրեր

  • Ատրպատականի հայոց թեմը Անթիլիասում ներկայացրեց իր յառաջիկայ գործունէութեան նախագիծը
    Ատրպատականի հայոց թեմը Անթիլիասում ներկայացրեց իր յառաջիկայ գործունէութեան նախագիծը

    Հինգշաբթի 9 մայիս 2019-ի յետմիջօրէին, Ն.Ս.Օ.Տ.Տ. Արամ Ա կաթողիկոսի նախագահութեամբ Մեծի Տանն Կիլիկիոյ կաթողիկոսութեան Ազգային Կենտրոնական Վարչութիւնը լսեց Ատրպատականի հայոց թեմի պատրաստած նախագիծը, իր գործունէութեան յառաջիկայ տարիների գծով:

  • Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը
    Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

    Ուրբաթ, 3 մայիս 2019 թ.-ի առաւօտեան ժամը 10.30-ին, Ազգային առաջնորդարանի «Էմիլ Յակոբեան» դահլիճում, «Տէրունական աղօթք»-ով բացումը կատարւեց Ատրպատականի հայոց թեմի Պատգամաւորական ժողովի 21-րդ նստաշրջանի չորրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի:

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Կիրակի, 5 մայիս 2019-ի առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Լիբանան, Անթիլիասի Մայրավանքում 7-10 մայիսին մասնակցելու Մեծի Տանն Կիլիկիոյ կաթողիկոսութեան Ազգ. Կենտրոնական Վարչութեան Կրօնական եւ Միացեալ զոյգ ժողովներին, նախագահութեամբ Ն.Ս.Օ.Տ.Տ. Արամ Ա կաթողիկոսի:

  • Ապրիլեան նահատակաց տօնը հանդիսաւոր սբ. պատարագով նշւեց Ուրմիայում
    Ապրիլեան նահատակաց տօնը հանդիսաւոր սբ. պատարագով նշւեց Ուրմիայում

    Կիրակի, 28 ապրիլ 2019 թ.-ի առաւօտեան, Ուրմիայի ծխական Սբ. Ստեփանոս եկեղեցում հանդիսաւոր սուրբ եւ անմահ պատարագ մատոյց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, առընթերակայութեամբ Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանի:

  • Սբ. Զատկւայ պատարագ Ռահւայի Սբ. Աստւածածին հնադարեայ եկեղեցում
    Սբ. Զատկւայ պատարագ Ռահւայի Սբ. Աստւածածին հնադարեայ եկեղեցում

    Յիսուս Քրիստոսի հրաշափառ Սուրբ Յարութեան տօնի յաջորդող ուրբաթ օրը, 26 ապրիլ 2019-ին, առաւօտեան ժամը 11-ին, Ատրպատականի Հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը ժամանեց Ուրմիայի Ռահւա գիւղը, եւ եպիսկոպոսական հանդիսաւոր ս. պատարագ մատոյց գիւղի հնադարեայ Սբ. Աստւածածին եկեղեցում, ներկայութեամբ գիւղի եւ Ուրմիայից ժամանած հաւատացեալների:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։