Հա

Համայնք

24/07/2018 - 09:50

Ատրպատականի հայոց թեմի առաջնորդը «Ջան Թաւրիզ» միութեան Սբ. Թադէի օր դաշտահանդէսին՝ Լոս Անջելէսում

Կիրակի, 22 յուլիս 2018-ին, Լոս Անջելէսում գործող «Ջան Թաւրիզ» միութեան վարչութեան կազմակերպութեամբ, տարիների աւանդութեան համաձայն, Գլենդէյլի «Հօնոլուլու» այգում տեղի ունեցաւ Սբ. Թադէի վանքի օրւայ դաշտահանդէսը: 

«alikonline.ir» - Կիրակի, 22 յուլիս 2018-ին, Լոս Անջելէսում գործող «Ջան Թաւրիզ» միութեան վարչութեան կազմակերպութեամբ, տարիների աւանդութեան համաձայն, Գլենդէյլի «Հօնոլուլու» այգում տեղի ունեցաւ Սբ. Թադէի վանքի օրւայ դաշտահանդէսը: Տեղեկացնում է Ատրպատականի ազգային առաջնորդարանը:

Այս տարի, բարեբախտ զուգադիպութեամբ, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան Լոս Անջելէսում գտնւելով, վարչութիւնը ուրախութեամբ հրաւիրեց նրան ներկայ լինելու սոյն թաւրիզահայ հաւաքին:

Վարչութեան անդամներից Աշոտ Ամիրխանեանի բարի գալստեան խօսքից յետոյ, առաջնորդ Սրբազանը իր պատգամը ուղղեց ներկայ ժողովրդին, որ իր ծննդավայր Ատրպատականի նւիրական սրբութեան՝ Սբ. Թադէի վանքի ուխտագնացութեան յիշատակի սիրով հաւաքւել էին այգում, վերապրելու ուխտագնացութիւնների հոգեպարար մթնոլորտի ներշնչանքը:

Առաջնորդ Սրբազանը ծառերի շւաքի տակ հաւաքւած ժողովրդին իր խօսքը ուղղելով, ասաց. «Դեռ մեր ոտքերից չթօթափած Սբ. Թադէի վանքի վեհավայրի փոշին, այս տարւայ ուխտագնացութիւնից մէկ շաբաթ յետոյ ահաւասիկ այստեղ ենք, մեզ հետ բերելով Սուրբ Թադէոս առաքեալի սրբացնող օրհնութիւնը: Պայմանների բերումով մղոններ անդին էք գտնւում Ատրպատականից, սակայն Ատրպատականը իր բոլոր յիշատակներով ապրում է ձեր  մէջ: Աւանդութիւնները մեծ դերակատարութիւն ունեն մէկ ազգի կամ մէկ հաւաքականութեան ընդերկար գոյատեւման գործընթացում: Ձեր զաւակների ու ձեր թոռների սրտում Սբ. Թադէի եւ մեր միւս վանքերի եւ թանկարժէք յիշատակների սէրը դո՛ւք էք վառ պահելու: Վստահ եղէք, որ նրանք իմանալով այս բոլորի մասին, աւելի կապւելու են իրենց հայկական արմատներին եւ ինքնութեան, որովհետեւ բազմամշակոյթ այս հոսանքի մէջ մոլորւելու ճանապարհները բազմաթիւ են եւ բազմազան»: Սրբազան հայրը գնահատեց նաեւ «Ջան Թաւրիզ»-ի վարչութեան եւ բոլոր ներկաներին, իրենց աշխատանքին եւ քաջալերական մասնակցութեան համար:

Յայտնենք, որ վարչութեան կողմից այգում կանգնւել էր Սբ. Թադէի վանքի հսկայ պատկերը, որ ներկաների սրտում առաւել ջերմացնում էր սէրը հանդէպ սրբավայրի, որի հետ լուսանկարւելով, մի պահ նրանք հոգեպէս թռչում էին դէպի Արտազ գաւառը եւ աւելի մօտենում Հայ եկեղեցու առաջին վանական համալիրի սրբատաշ քարերին:

Նշենք, որ սոյն պաշտօնական բաժնից յետոյ տեղի ունեցաւ ճաշկերոյթ եւ ընկերական ժամանց, մինչեւ երեկոյ:

Յարակից լուրեր

  • Իւնեսին՝ Չիֆթճեանի հետ հանդիպման ժամանակ.  «Չարակամները ցանկանում են խանգարել Իրանում ազգութիւնների խաղաղ գոյակցումը»
    Իւնեսին՝ Չիֆթճեանի հետ հանդիպման ժամանակ. «Չարակամները ցանկանում են խանգարել Իրանում ազգութիւնների խաղաղ գոյակցումը»

    Ազգութիւնների եւ կրօնական փոքրամասնութիւնների հարցերով Հանրապետութեան նախագահի խորհրդական հոջ. Ալի Իւնեսին, երէկ՝ նոյեմբերի 18-ին Ուրմիայում հանդիպել է Ատրպատականի հայոց թեմի առաջնորդ Տ. Գրիգոր եպս. Չիֆթճեանիի հետ:

  • Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում
    Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում

    Կիրակի, 4 նոյեմբեր 2018-ին, մեր հաւատքի ծննդավայր Սբ. Թադէոս Առաքեալի վանքի կենտրոնական գմբէթի նորակերտ խաչի օծումը կատարւեց Թաւրիզում, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: 

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

  • Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում

    Շաբաթ, 13 հոկտեմբեր 2018-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Սբ. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով: «Քրիստոս Աստւած մեր» եղանակաւոր մաղթանքի ընթացքում յիշւեցին Թարգմանիչ Վարդապետները գլխաւորութեամբ Սուրբ Սահակ հայրապետի եւ Սբ. Մեսրոպ Մաշտոց վարդապետի:

  • «Յիմ Կիլիկիա»
    «Յիմ Կիլիկիա»

    Նահապետի երազը, մեր ստւերոտ պատմութեան ոլորապտոյտ բաւիղների եզրին հասակ առած ծառերի տերեւներն է շօշափում, դրանց երեսի փայլի յետեւում պահւած արծաթագոյն էջերը թերթատելով: Երազը երբե՛ք հեռու չէ իրականութիւնից, եթէ ժամանակի խորհուրդը խորտակելու ոյժ կարելի լինի ամբարել բազկի մէջ առնական, ինչպէս նաեւ եթէ յաջողւի խեղդել կոկորդում՝ հեծկլտուքը մանկական, վարդի փոխարէն յոյս ցանելով հրւանդանին մօտեցող մեր նաւի տատանող կամրջակի լաստերի վրայ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։