Հա

Համայնք

27/09/2018 - 12:55

Հայագիտական Բ գիտաժողով Թաւրիզում

28 սեպտեմբեր եւ 1 հոկտեմբեր 2018-ին տեղի է ունենալու Թաւրիզի Բ․ հայագիտական գիտաժողովը, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ կազմակերպութեամբ ազգ․ առաջնորդարանի: 

«alikonline.ir» - 28 սեպտեմբեր եւ 1 հոկտեմբեր 2018-ին տեղի է ունենալու Թաւրիզի Բ․ հայագիտական գիտաժողովը, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ կազմակերպութեամբ ազգ․ առաջնորդարանի: Տեղեկացնում է Ատրպատականի ազգային առաջնորդարանը:

Հայագիտական սոյն գիտաժողովին մասնակցելու են մէկ տասնեակ հայ եւ օտար ուսումնասէրներ եւ գիտաշխատողներ Թաւրիզից, Գերմանիայի տարբեր քաղաքներից, Յունաստանից, Ֆրանսիայից եւ Ճաբոնիայից։

Ներկայացւող զեկոյցների նիւթերը շօշափում են անձեր, դէպքեր, վայրեր, փորձառութիւններ ու հարցեր հայագիտական հետեւեալ բնագաւառներից․ Ատրպատականի տեղական պատմութիւն, միջնադարեան եւ արդի գրականութիւն, բանասիրութիւն, աստւածաբանութիւն, ցեղասպանութիւն, երաժշտագիտութիւն եւ ընկերաբանութիւն։ Գիտաժողովի առաջին օրը անցկացւելու է ազգային առաջնորդարանի շէնքում տեղակայւած Թաւրիզի Հայ Համալսարանականների միութեան կենտրոնատեղիում, իսկ երկրորդ օրը՝ Դարաշամբի Սբ․ Ստեփանոս Նախավկայի վանքում։

Նշենք, որ Թաւրիզի Ա հայագիտական գիտաժողովը տեղի էր ունեցել անցած տարւայ 13-16 հոկտեմբերին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։