Հա

Համայնք

27/10/2018 - 14:40

Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

Ուրբաթ, 26 հոկտեմբեր 2018-ի առաւօտեան ժամը 10:30-ին, ազգային առաջնորդարանի «Էմիլ Յակոբեան» դահլիճում, Տէրունական աղօթքով բացւեց Ատրպատականի հայոց թեմի նորընտիր Պատգամաւորական ժողովի 21-րդ նստաշրջանի երկրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: 

«alikonline.ir» - Ուրբաթ, 26 հոկտեմբեր 2018-ի առաւօտեան ժամը 10:30-ին, ազգային առաջնորդարանի «Էմիլ Յակոբեան» դահլիճում, Տէրունական աղօթքով բացւեց Ատրպատականի հայոց թեմի նորընտիր Պատգամաւորական ժողովի 21-րդ նստաշրջանի երկրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: Տեղեկացնում է Ատրպատականի ազգային առաջնորդարանը:

Պատգամաւորների, ինչպէս նաեւ Կրօնական եւ Թեմական խորհուրդների հետ, սոյն ժողովին մասնակցելու յատուկ հրաւէրով Թեհրանից Թաւրիզ էր ժամանել Ազգ. Կենտրոնական վարչութեան անդամ՝ Թովմաս Թովմասեան:

Բացման աղօթքից յետոյ, առաջնորդ Սրբազանը, որ անցեալ շաբաթ Անթիլիասի Մայրավանքում մասնակցել էր Ազգ. Կենտրոնական վարչութեան Միացեալ ժողովին եւ նոյն առիթով հանդիպում էր ունեցել Ն.Ս.Օ.Տ.Տ. Արամ Ա կաթողիկոսի հետ, թեմի պատկառելի ժողովին յայտնեց Նորին Վեհափառութեան հայրապետական ողջոյնները: Ապա, նա արդիւնաւէտ նիստ ու արդիւնաշատ քննարկումներ մաղթեց ներկայ ժողովականներին:

Այնուհետեւ դիւանը իր որոշած օրակարգի հիման հետեւողաբար վարեց ժողովը, Ա. ատենապետ՝ Արմինէ Յովսէփեանի ղեկավարութեամբ, իր կողքին ունենալով Բ. ատենապետ Սաքօ Մէջլումեանին, Ա. ատենադպիր՝ Անահիտ Յակոբեանին եւ Բ. ատենադպիր Սարինէ Մեջլումեանին:  

Նախորդ ժողովի ատենագրութեան վաւերացումից յետոյ, կատարւեց հաշւեքննիչ մարմնի ընտրութիւնը, եւ սոյն կազմի զոյգ անդամներ ընտրւեցին Ռազմիկ Օրդուխանեանը՝ Թաւրիզից եւ Յարութ Մուրադեանսը Ուրմիայից, որոնք յաջորդ ժողովից սկսեալ իրենց աշխատանքին են լծւելու, հետեւելով թեմի հաշւական բոլոր ցուցակներին եւ նիւթական գործառնութեանց:

Դիւանի առաջարկով, Թեմական խորհուրդը պատրաստել էր տասամսեայ նիւթաբարոյական տեղեկագիր, որը ընթերցւեց Թեմականի ատենադպիր՝ Գագիկ Ջորջեանի կողմից: Ապա, ժողովականները հերթաբար լուսաբանական պատասխաններ ստացան իրենց հարցերին, յաւելումներ կատարելով եւ գնահատելով Թեմականի տարած աշխատանքը: Թեմական խորհրդի փոխ ատենապետ եւ հաշւական պատասխանատու Ալէն Սայադեանը, իր հերթին, ներկայացրեց խորհրդի նիւթական տասամսեայ ելեւմտական աղիւսակը, նաեւ ներկայացնելով Թաւրիզի եւ Ուրմիոյ յառաջիկայ նախահաշիւները, յետնեալ Աթոռատուրքերի պատկերը եւ այլ մանրամասնութիւններ:

Յաջորդ օրակարգով Թեմական խորհրդի ատենապետ Ռուբիկ Ջանանեանը մանրամասն ներկայացրեց շինարարական հսկայածաւալ աշխատանքների գործընթացը, միաժամանակ ահազանգ հնչեցնելով, որ նման ծրագրերով միայն կարելի է պայքարել բոլորին սպառնացող տնտեսական ճգնաժամի դէմ: Ժողովականները իրենց արտայայտութիւններով քաջալեր հանդիսացան, յիշեալ ծրագրերին, դրանց մէջ տեսնելով ո՛չ թէ սոսկ թեմի գոյապահպանումը, այլեւ դրա բոլոր կառոյցներին, կրթական հաստատութիւններին եւ միութենական աշխատանքներին անխուսափելի յառաջդիմութիւնը:

Կէսօրւայ ճաշի դադարից յետոյ, յատուկ օրակարգ յատկացւեց թեմի յառաջիկայ տարիների երկարատեւ ծրագրի մշակման ձեւին: Մեծի Տանն Կիլիկիոյ Վեհափառ Հայրապետի եւ Ազգային Ընդհ. ժողովի առաջարկով, Ազգ. Կենտրոնական վարչութիւնը միւս թեմերի շարքում, Ատրպատականի հայոց թեմին եւս յղել էր յատուկ պատգամ, երկար ժամկէտի վրայ թեմի վերակազմակերպումը ծրագրելու առումով: Օգտւելով Կենտրոնական վարչութեան անդամ Թովմաս Թովմասեանի ներկայութիւնից, ժողովը ուղղակի ունկնդրեց նրա տւած համապարփակ բացատրութիւնները, պահանջւած երկարատեւ ծրագրի մասին, որը իրերայաջորդ Թեմական խորհուրդների, ինչու չէ նաեւ Պատգամաւորական ժողովների աշխատանքն է հեշտացնելու, միաժամանակ ամուր հիմերի վրայ դնելով թեմը, կրօնական, ազգային, կրթական, մշակութային, շինարարական եւ այլ բնագաւառներում:

Դիւանի կողմից տրամադրւած քննարումների բաժնին լայն մասնակցութիւն բերելով բոլոր ժողովականները, իրենց շինիչ առաջարկներով օգտակար հանդիսացան եւ դիւրացրին Թեմական խորհրդի առօրեայ հեւքոտ աշխատանքը: Բոլորի կողմից գնահատւեց թեմի մարդոյժի հզօր կարողականութիւնը, ինչպէս նաեւ իրենց վստահւած գործին նւիրւած ազգայինների բացայայտ պատրաստակամութիւնը:

Առաջնորդ Սրբազան Հօր «Պահպանիչ» աղօթքով եզրափակւեց ժողովը:

Յարակից լուրեր

  • ՀՄԸՄ-ը մեր ազգային արժէքների տարածմանը, հայակերտմանն ու հայապահպանմանը նւիրւած կառոյց է․ մեկնարկել է ՀՄԸՄ 12-րդ պատգամաւորական ժողովը
    ՀՄԸՄ-ը մեր ազգային արժէքների տարածմանը, հայակերտմանն ու հայապահպանմանը նւիրւած կառոյց է․ մեկնարկել է ՀՄԸՄ 12-րդ պատգամաւորական ժողովը

    Հայաստանի Ֆիզիկական կուլտուրայի եւ սպորտի պետական համալսարանում տեղի ունեցաւ Հայ Մարմնակրթական ընդհանուր միութեան (ՀՄԸՄ) հիմնադիր անդամ, մարզական գործիչ, գրող, հրատարակիչ, լրագրող, մարզիչ, «Մարմնամարզ» մարզական թերթի խմբագիր Շաւարշ Քրիսեանի կիսանդրու բացման արարողութիւնը։

  • Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում

    Շաբաթ, 12 հոկտեմբեր 2019 թ.-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Ս. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով:

  • Հ.Մ.Ա.Կ.-ի Թաւրիզի մասնաճիւղի մարզական յանձնախմբի ճաշկերոյթը Թաւրիզում
    Հ.Մ.Ա.Կ.-ի Թաւրիզի մասնաճիւղի մարզական յանձնախմբի ճաշկերոյթը Թաւրիզում

    Ուրբաթ, 11 հոկտեմբեր 2019 թ.-ի կէսօրին, կազմակերպութեամբ Հ.Մ.Ա.Կ.-ի Թաւրիզի մասնաճիւղի մարզական յանձնախմբին, մասնաճիւղի կենտրոնատեղիում հասութաբեր ճաշկերոյթ տրւեց արարատականներին եւ առհասարակ թաւրիզահայերին, քաջալերելու համար վերոյիշեալ յանձնախմբի կատարած եւ ապագայում իրագործելի աշխատանքները:

  • Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)
    Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)

    Երրորդ տարին լինելով տեղի ունեցաւ Թաւրիզի հայագիտական գիտաժողովը, ուրբաթ 27 եւ երկուշաբթի 30 սեպտեմբեր 2019 թ.-ին, Ատրպատականի հայոց թեմի առաջնորդարանում՝ Թաւրիզի Հայ Համալսարանականների միութեան կենտրոնատեղիում եւ Մաղարդայ Ս․ Ստեփանոս Նախավկայի վանքում, թեմակալ առաջնորդ գերշ․ Տ․ Գրիգոր Ս․ եպս․ Չիֆթճեանի հովանաւորութեամբ եւ թեմի կազմակերպութեամբ, մասնակցութեամբ մէկ տասնեակ հայագէտների եւ յարակից բնագաւառների մասնագէտ ուսումնասէրների Թաւրիզից, Գերմանիայից, Անգլիայից, Ֆրանսիայից, Շւէյցարիայից եւ Թուրքիայից։

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։