Հա

Համայնք

22/11/2018 - 08:00

Ս. Թադէի Վանքի երկրորդ գմբեթի նորակերտ խաչի օծումը Ուրմիոյ ծխական Ս. Ստեփանոս եկեղեցում

Ատրպատական, ազգային առաջնորդարան, Թաւրիզ Կիրակի, 18 Նոյեմբեր 2018-ին, Հայ եկեղեցու անդրանիկ թեմի հոգեւոր կենտրոն՝ Սբ. Թադէոս Առաքեալի վանքի երկրորդ գմբէթի նորակերտ խաչի օծումը կատարւեց Ուրմիայում, ձեռամբ Ատրպատականի հայոց թեմի առաջնորդ՝ Գերշ. Տ. Գրիգոր Ս. Եպս. Չիֆթճեանի:

Ատրպատական, ազգային առաջնորդարան, Թաւրիզ Կիրակի, 18 Նոյեմբեր 2018-ին, Հայ եկեղեցու անդրանիկ թեմի հոգեւոր կենտրոն՝ Սբ. Թադէոս Առաքեալի վանքի երկրորդ գմբէթի նորակերտ խաչի օծումը կատարւեց Ուրմիայում, ձեռամբ Ատրպատականի հայոց թեմի առաջնորդ՝ Գերշ. Տ. Գրիգոր Ս. Եպս. Չիֆթճեանի:

Ուրմիոյ ծխական Սբ. Ստեփանոս եկեղեցում Ս. պատարագը մատոյց Ուրմիոյ հոգեւոր հովիւ՝ Արժ. Տ. Ներսէս Քհնյ. Պասիլեանը, իսկ երգեցողութիւնը կատարեց «Նարեկացի» երգչախումբը, ղեկավարութեամբ երաժիշտ՝ Դոկտ. Վարդան Սիմոնզի:

Յայտնենք, Սբ. Թադէի վանքը մնայուն հսկողութեան տակ է Իրանի պե¬տա¬կան մշակութային ժառանգութիւնների հնապահպան հիմնարկութեան եւ Իրանի եկեղեցիների պահպանութեան պետական հիմնարկութեան, անմիջական հետեւողութեամբ սոյն հիմնարկութեան տնօրէն՝ Շերլի Աւետեանի, եւ հսկողութեամբ առաջնորդ Սրբազանի եւ թեմական խորհրդի:

Թաւրիզում գծագրւած զոյգ խաչերը հերթականութեամբ օծւեցին: Կենտրո-նականը՝ Թաւրիզի Լիլաւայի Սբ. Սարգիս եկեղեցում, իսկ երկրորդ գմբէթի խաչը՝ Ուրմիոյ Սբ. Ստեփանոս եկեղեցում:

Ս. Պատարագի ընթացքում, ձեռամբ առաջնորդ Սրբազանի, հանդիսաւոր օծումը կատարւեց երկրորդ գմբէթի խաչի: «Ուրախ լեր» շարականի երգեցողութեամբ, Սրբազան հայրը բարձրացաւ խորան:

Զոյգ խաչերի նւիրատու Աւետեան ընտանիքը, սոյն զոհողութիւնը ստանձնել էր, ի յիշատակ իր ծնողաց՝ Անդրանիկ եւ Լիլիկ Աւետեանների: Ծիսական արարողութեան եւս մասնակցեց բարերար ընտանիքը իր չորս անդամներով: Շերլի եւ Շաքէ Աւետեանները խաչի ծիսական լւացման արարողութեանը մասնակցեցին, ջրի եւ գինու սափորները մատուցելով, իսկ Միրօ եւ Դրօ Ղազարեանները եկեղեցական շապիկներ հագւած, խորանի վրայ իրենց ձեռքերում պահեցին խաչը արարողութեան ողջ ընթացքում:

Իրով եւ գինով լւացումը կատարեց, եկեղեցու հովիւ՝ Տ. Ներսէս քահանան: «Առաքելոյ աղաւնոյ» շարականի կատարման միջոցին, սրբալոյս Միւռոնը հեղւեց սրւակի մէջ: Ապա, «Նարեկացի» երգչախմբի եւ ներկայ հաւատացեալների կողմից երգւած «Ամէն ալէլուիա» երգով առաջնորդ Սրբազանը օծեց խաչի գագաթը եւ աջ ու ահեակ թեւերը, բամպակով ծածկելով նորօծ բաժինները:

Առաջնորդ Սրբազանը իր քարոզում վեր հանեց ծառայութեան գաղափարը, համեմատելով այն խաչի խորհրդի հետ, որովհետեւ ծառայութիւնը ինք՝ զոհողու-թիւն է պահանջում. «Խոնարհութեան գերագոյն օրինակը տւեց մեզ մեր Տէրը եւ Փրկիչը՝ Յիսուս Քրիստոս, մահապարտի խաչը իր ուսերին բառնալով: Այդ խաչի ծանրութիւնը գերանի ծանրութիւնը չէր, այլ՝ մեր մեղքերի ծանրութիւնը: Ամէնից թեթեւ նեղութիւնը երբ պատճառում են մեզ մարդիկ, այն նկատում ենք մէկ ծանր  խաչ, մոռանալով, որ Յիսուս մեր բոլորի մեղքերը իր ուսերին բարձեց, ու խաչ բարձրացաւ», ասաց Սրբազանը, անդրադառնալով Սբ. Թադէի վանքի երկրորդ գմբէթի վրայ զետեղւելիք խաչի օծման խորհրդաւոր արարողութեան: Ապա, նա բարձր գնահատեց Ուրմիոյ Ազգային իշխանութեան պատրաստակամութիւնը, հիւ¬րընկալելու նման մէկ հանդիսաւոր արարողութիւն Սբ. Ստեփանոս եկեղեցում, ինչպէս նաեւ Թեմական խորհրդի համագործակցութիւնը, խաչերի գծագրիչ՝ արւեստագէտ Համլէթ Նազարբէգեանի նւիրւածութիւնը, Թեմական խորհրդի ատենա-պետ՝ ճարտարապետ Ռուբիկ Ջանանեանի խորհրդատւութիւնը, ու յատկապէս Աւետեան ընտանիքի անդամների կրած զոհողութիւնը: Իր խօսքի աւարտին, Սրբա-զանը, Ատրպատականի թեմին իւրայատուկ պատի ժամացոյցը յանձնեց Ս. Թադէի վանքի պատգամաւոր Սեդա Մեջլումեանի, որպէսզի այն զետեղւի Սբ. Ստեփանոս եկեղեցու պաշտօնական հիւրասենեակում, որի վրայ իւրաքանչիւր ժամի զետեղ-ւել են թեմի պատմութեան մաս կազմած եւ իրենց աշխատանքով յաւերժացած ա-ռաջնորդների պատկերները. «Մեր անցեալը պէտք է իմանանք, որպէսզի մեր ա-պագան տեսնենք: Ժամանակը մեր կամքից անկախ անցնելու է: Մենք չենք կարող ժամանակը կանգնեցնել, կամ յաւերժացնել: Սակայն կարեւոր իրագործումներով մենք կարող ենք մեր պատմութիւնը յաւերժացնել: Առաջնորդների այս շարքին մաս են կազմում Ստեփանոս Եպս. Մխիթարեանը, Ներսէս Արք. Մելիք թանգեանը, եւ Մեծի Տանն Կիլիկիոյ Կաթողիկոս՝ երջանկայիշատակ Տ. Տ. Զարեհ Վեհափառը, որ անհովիւ չթողնելու համար մեր թեմը, Կիլիկեան Ս. Աթոռի հովանիի տակ առաւ այն, հոգեւոր սնունդ մատակարարելու համար մեր բարեպաշտ ժողովրդին: Կարելի չէ՛ մոռանալ, եւ աւելին՝ ապերախտութիւն կը լինի անտեսել այն հոգեւոր սպասաւորութիւնը, որի շնորհիւ գոյատեւեց Ատրպատականի հայոց մեր թեմը անցած տասնամեակներին: Այս ժամացոյցի գլուխը՝ թիւ 12-ն կազմում է մեր սուրբ Աթոռի ազգընտիր Հայրապետը՝ Ն.Ս.Օ.Տ.Տ. Արամ Ա. Կաթողիկոսը, որի հայրական գորովն ու հոգածութիւնը ամէն ռոպէ զգում ենք մեր աշխատանքային առօրեայում», ասաց առաջնորդ Սրբազանը:

Եկեղեցական արարողութիւնից յետոյ, նորօծ խաչը զետեղւեց եկեղեցու դա¬սում, եւ հաւատացեալ ժողովուրդը երկիւղածութեամբ մօտենալով համբուրեց այն, զօրանալով իր քրիստոնէական հաւատքի մէջ, եւ աղօթելով բոլոր ննջեցեալների հոգւոց խաղաղութեան համար, որոնց յիշատակը յաւերժանում է նման բարեգործական նւիրատւութիւններով՝ եկեղեցաշինութիւն, խաչքարերի քանդակում, խաչերի կանգնում եւ այլ գովելի արարքներ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։