Հա

Համայնք

01/12/2018 - 09:20

Հանդիպում՝ Իսլ. յեղափոխութեան պահակազօրի Ուրմիոյ հրամանատարի եւ Ուրմիոյ քրիստոնեայ համայնքների միջեւ

Չորեքշաբթի, 28 նոյեմբեր, 20128-ին, Իսլ. յեղափոխութեան պահակազօրի Ուրմիոյ շրջանի հրամանատարը հանդիպում ունեցաւ Ուրմիոյ քրիստոնեայ համայնքների հետ, Ասորի Կաթոլիկների սրահում: 

«alikonline.ir» - Չորեքշաբթի, 28 նոյեմբեր, 20128-ին, Իսլ. յեղափոխութեան պահակազօրի Ուրմիոյ շրջանի հրամանատարը հանդիպում ունեցաւ Ուրմիոյ քրիստոնեայ համայնքների հետ, Ասորի Կաթոլիկների սրահում: Տեղեկացնում է Ատրպատականի ազգային առաջնորդարանը:

Հանդիպման մասնակցեցին շրջանի բոլոր քրիստոնեայ հոգեւորականները եւ ազգային խորհուրդների ներկայացուցիչ անդամները: Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի անունից, սոյն հանդիպմանը մասնակցեց, Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը, ինչպէս նաեւ Պատգամաւորական ժողովի Բ. ատենապետ՝ Սաքօ Մեջլումեանը:

Պահակազօրի Ուրմիոյ շրջանի հրամանատարը իր ծրագիրը յայտնելով, սոյն հանդիպումը նախապատրաստութիւն համարեց երկրորդ եւ աւելի ընդարձակ բնոյթ ունեցող հանդիպման, երբ իր բաժանմունքը գնահատելու է Ուրմիոյ քրիստոնեայ համայնքների նահատակների ընտանիքներին եւ հարազատներին:

Աշխատանքային օրակարգին մասնակից դառնալով, Ուրմիոյ քրիստոնեայ համայնքների ներկայացուցիչները իրենց տեսակէտները պարզեցին, թւականի, վայրի եւ անւանացանկի առումով, մօտիկ ապագայում սոյն յարգանքի հանդիսութիւնը կազմակերպելու յոյսով, այն առնչելու Նոր տարւայ եւ Սբ. Ծննդեան տօնական առիթներին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։