Հա

Համայնք

03/01/2019 - 10:40

Ատրպատականի հայոց թեմի ազգ. առաջնորդարանի պաշտօնէութեան Ամանորի շնորհաւորանքը

Ամանորի առիթով տրւած միօրեայ արձակուրդից վերադարձին, Ատրպատականի հայոց թեմի ազգային առաջնորդարանի պաշտօնէութիւնը, տարեմուտը շնորհաւորելու համար հաւաքաբար ներկայացաւ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանին, գլխաւորութեամբ Թեմական խորհրդի ատենապետ՝ Ռուբիկ Ջանանեանի:

«alikonline.ir» - Ամանորի առիթով տրւած միօրեայ արձակուրդից վերադարձին, Ատրպատականի հայոց թեմի ազգային առաջնորդարանի պաշտօնէութիւնը, տարեմուտը շնորհաւորելու համար հաւաքաբար ներկայացաւ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանին, գլխաւորութեամբ Թեմական խորհրդի ատենապետ՝ Ռուբիկ Ջանանեանի: Շնորհաւորանքի այցին միացաւ նաեւ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանը: Սոյն հանդիպման մասնակցում էին նաեւ Թեմական խորհրդի ատենադպիր Գագիկ Ջորջեանը եւ առաջնորդարանի գլխաւոր ճարտարապետը: Տեղեկացնում է Ատրպատականի ազգային առաջնորդարանը:

Սրբազան Հայրը իր շնորհաւորական խօսքը ուղղեց պաշտօնէութեան, որը այնքան ջանադիր կատարում է իր աշխատանքը, ամէնօրեայ դրութեամբ եւ կանոնաւորաբար կազմակերպելով Ազգային առաջնորդարանի գործունէութիւնը. «Դուք էք մեր ձեռքերը, որոնցով կարողանում ենք յառաջ տանել ազգային մեր կեանքը այս թեմում: Ազգային ժողովականութիւնը իր կարեւոր ներդրումն է ունենում, բնականաբար, սակայն ամէնօրեայ աշխատանքը առաջնորդարանից ներս, ձեր պարտաճանաչ ներկայութեան շնորհիւ է իրականանում, որի համար յայտնում ենք մեր գնահատանքը»,- ասաց Սրբազան, գնահատելով իւրաքանչիւր պաշտօնեայի բծախնդիր եւ պատասխանատու գործը Ատրպատականի հայոց հոգեւոր կենտրոնում:

Ապա, տեղի ունեցաւ հիւրասիրութիւն, որի ընթացքին, ուրախ մթնոլորտում շարունակւեց շինիչ զրոյցը, ծրագրելով յառաջիկայ տարւայ համար նախատեսւած մէկ շարք աշխատանքներ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։