Հա

Համայնք

07/01/2019 - 11:10

Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

«alikonline.ir» - Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը: Տեղեկացնում է Ատրպատականի ազգային առաջնորդարանը:

Մուտքին, բարձրաստիճան կրօնաւորը ընդունւեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի, Թեմական խորհրդի ատենապետ՝ Ռուբիկ Ջանանեանի եւ խորհրդի անդամների եւ նահատակների հարազատներ՝ Վահրամ Դաւթեանի եւ նրա դստեր՝ Նարինէի կողմից:

Աղօթապետը ողջունելով ներկաներին, Ամանորի եւ Քրիստոսի Սբ. Ծննդեան առիթով շնորհաւորանք ներկայացրեց բոլորին, միշտ յիշելով որ իրանահայ համայնքը անբաժան մասնիկն է Իրանի Իսլամական Հանրապետութեան, որոնք եւ Յեղափոխութեան եւ պարտադրեալ պատերազմի ամէնաթէժ տարիներին, կանգնել են այս երկրի կողքին, իբրեւ պարտաճանաչ քաղաքացիներ:

Նահանգապետ Փուրմոհամմեդին, իր հերթին, Ամանորի առիթով շնորհաւորական խօսք ուղղեց զոյգ նահատակների ընտանիքին, գովեստի արտայայտութիւններ ունենալով նաեւ Ատրպատականում ապրող եւ թեմի հովանաւորութիւնը վայելող հայ համայնքի մասին:

Առաջնորդ Սրբազանը երախտագիտական խօսքով հանդէս եկաւ, ի տես այն վեհանձն կեցւածքին, որ Իրանի Իսլամական Հանրապետութիւնը ցուցաբերում է հանդէպ նահատակներին, եւ յատկապէս տօնական այս օրերին, հայ նահատակների ընտանիքներին: Նա ասաց, որ երբ հայ նահատակների արիւնը միախառնւել է իրենց մուսուլման եղբայրների արեան, ուրեմն մենք չենք կարող բաժանւել իրարից, ո՛չ էլ հակառակւել իրարու:

Իր խօսքի աւարտին, առաջնորդ Սրբազանը «Հոգւոց» աղօթքը կատարեց, յիշելով բոլոր նահատակներին, հոգեւ խաղաղութիւն մաղթելով նրանց համար եւ մխիթարութիւն՝ նրանց հարազատներին,

Հիւրասիրութեան ընթացքին, զոյգ նահատակների հարազատ՝ Վահրամ Դաւթեան շնորհակալութեան խօսքով հանդէս եկաւ, ոգեւորւած արտայայտւելով այաթ. Ալէ Հաշեմի եւ նրա հօր հայասիրութեան մասին, որոնք երկրի ամենադժւարին օրերին հայ համայնքի կողքին կանգնեցին: Մուսուլման եւ քրիստոնեայ եղբայրութեան մասին խօսելով, նա օրինակ տւեց Միանդաբի գաղութը, որտեղ ծնւել եւ ապրել էր նա իր երիտասարդական կեանքը, եւ որտեղ զոյգ կրօնների հետեւորդները ապրում էին առանց խտրականութեան:

Տօնական օրերի խանդավառութեանց եզրափակումից առաջ, աղօթապետի եւ նահանգապետի մեծ ուշադրութիւնը հայ համայնքի նկատմամբ, քաջալերական կարեւոր քայլ հանդիսացաւ Ատրպատականի հայոց թեմի համար ընդհանրապէս եւ հայ նահատակների ընտանիքի համար՝ մասնաւորապէս:

           

 

Յարակից լուրեր

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

  • Ատրպատականի հայոց թեմի առաջնորդը Ղարադաղի Ասրան գիւղում
    Ատրպատականի հայոց թեմի առաջնորդը Ղարադաղի Ասրան գիւղում

    Տեղագրական եւ կալւածային ցուցակագրման իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 9 օգոստոս 2019 թ.-ին այցելեց Ղարադաղի Քէյւան գաւառակի նախկին հայաբնակ Ասրան գիւղը, հայկական հետքեր որոնելու այնտեղ:

  • Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին
    Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին

    Երեքշաբթի, 6 օգոստոս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը իր գրասենեակում ընդունեց Թաւրիզի Հայ համալսարանականների միութեան նորընտիր վարչութեան կազմին, որը եկել էր Սրբազան Հօր օրհնութիւնը ստանալ, իր ընտրութիւնից յետոյ:

  • Ատրպատականի հայոց թեմի առաջնորդը Ղարադաղի Սղըն գիւղում
    Ատրպատականի հայոց թեմի առաջնորդը Ղարադաղի Սղըն գիւղում

    Թեմի տարբեր շրջաններում եւ հայաթափւած գաւառներում ու գիւղերում գտնւող անշարժ գոյքի՝ եկեղեցիների, դպրոցների եւ գերեզմանատների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 2 ոգոստոս 2019 թ.-ին այցելեց Ղարադաղի Քէյւան գաւառակի Սղըն գիւղը:

  • Եռօրեայ ուխտագնացութեան համար 65-րդ տարին լինելով, հայ ուխտաւորը բռնեց Ս. Թադէի վանքի հաւատքի ճանապարհը
    Եռօրեայ ուխտագնացութեան համար 65-րդ տարին լինելով, հայ ուխտաւորը բռնեց Ս. Թադէի վանքի հաւատքի ճանապարհը

    Բարձր հովանաւորութեամբ Ն.Ս.Օ.Տ.Տ. Արամ Ա կաթողիկոսի Մեծի Տանն Կիլիկիոյ եւ հանդիսապետութեամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի, 65-րդ տարին լինելով, Ատրպատականի հայոց թեմի Թեմական խորհրդի նախաձեռնութեամբ եւ կազմակերպութեամբ Վանքերի ուխտագնացութեան գործադիր յանձնախմբին, սոյն ուխտագնացութիւնը տեղի ունեցաւ 25-27 յուլիս 2019-ին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։