Հա

Համայնք

29/04/2019 - 11:20

Ապրիլեան նահատակաց տօնը հանդիսաւոր սբ. պատարագով նշւեց Ուրմիայում

Կիրակի, 28 ապրիլ 2019 թ.-ի առաւօտեան, Ուրմիայի ծխական Սբ. Ստեփանոս եկեղեցում հանդիսաւոր սուրբ եւ անմահ պատարագ մատոյց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, առընթերակայութեամբ Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանի:

«alikonline.ir» - Կիրակի, 28 ապրիլ 2019 թ.-ի առաւօտեան, Ուրմիայի ծխական Սբ. Ստեփանոս եկեղեցում հանդիսաւոր սուրբ եւ անմահ պատարագ մատոյց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, առընթերակայութեամբ Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանի:

Ս. պատարագը սկիզբ առաւ ժամը 10.30-ին, երբ ուրմիահայ հաւատացեալներ քաղաքից եւ շրջակայ հայաբնակ գիւղերից՝ Գեարդաբադից եւ Ռահւայից ժամանել էին եկեղեցի:

Կրկնազատկի կամ Նոր Կիրակիի զուգադիպեցնելով Ապրիլեան մեր Սրբացեալ Նահատակաց տօնը, Հոգաբարձական կազմը միաժամանակ կազմակերպել էր ծաղկեմատոյցի արարողութիւն, ուրմիահայ համայնքում գործող միութիւնների եւ կազմակերպութիւնների համար, Նահատակաց յուշարձանի մօտ, սուրբ պատարագից անմիջապէս յետոյ:

Առաջնորդ Սրբազանը «Հայր մեր»-ից առաջ իր պատգամը յղեց ուրմիահայ ժողովրդի զաւակներին, ժամանակակից մեր պատմութեան ամէնից դժբախտ օրերի յիշողութիւնը վերաթարմացնելով: Նա Համիտեան կոտորածների նախընթացին անդրադառնալով, ցոյց տւեց այն փորձը, որը կատարւեց Օսմանեան կայսրութեան կողմից, բնաջինջ անելու հայ ժողովրդին: Ապա դրա երկրորդ եւ հիմնական գործադրութեան մասին խօսելով, Սրբազան Հայրը ցոյց տւեց այն նախածրագրւած աշխատանքը, որը կատարւեց երիտասարդ թուրքերի կառավարութեան կողմից, նախ մտաւորականութիւնը եւ հոգեւորականութիւնը աքսորելով ու կոտորելով, եւ ապա անտէր ու անհովիւ մնացած հայ հասարակութիւնը դէպի անապատ քշելով:

Սրբազանը դէպքերի մանրամասնութիւններ քաղելով պատմութիւնից, վեր հանեց հայ ժողովրդի Գողգոթայի ճանապարհի սահմռկեցուցիչ պատկերները, որոնք այդ օրերից սկսեալ մինչեւ այսօր մարդկային իրաւանց պաշտպան երկրների աչքերի առջեւ փռւել են, արդարութիւն սպասելով: Առաջնորդ Սրբազանը գնահատելով հանդերձ Արեւմտեան մէկ շարք երկրների յայտարարած յարգանքի ու յիշատակի օրերը Հայոց Ցեղասպանութեան, կամ Օսմանեան կայսրութեան կողմից գործադրւած ոճիրի ճանաչումը իբրեւ ցեղասպանութիւն, յորդորեց ժողովրդին չխանդավառւել նման առիթներով, որովհետեւ դրանք երբեմն քաղաքական խաղաքարտեր իբրեւ օգտագործւում են, գերպետութիւնների բախտախաղի սեղանների վրայ:

Տեղի ունեցաւ խոստովանանք եւ ներկայ ժողովուրդը հաղորդւեց մեր Տիրոջ եւ Փրկչի մարմնով եւ արեամբ: Ապա, եկեղեցական թափօրով, ներկաները առաջնորդւեցին եկեղեցու շրջափակը, որտեղ գտնւում է Ապրիլեան Նահատակաց յուշարձանը: Այստեղ Սրբազան Հօր հանդիսապետութեամբ կատարւեց մեր սուրբ նահատակներին նւիրւած «Բարեխօսական կարգ»-ը: Ընթերցւեց աւետարանը, երգւեցին շարականներ եւ սրբերի նւիրւած աղօթք: Աւարտին ներկայ ժողովուրդը միասնաբար երգեց «Կիլիկիա»-ն, մեր հայերի կորցրած հայրենիքին վերատիրանալու վառ տեսիլքով:

Ծաղկեմատոյցի պահին դէպի յուշարձան յառաջացան Ուրմիայի շրջանի պատգամաւորները, Գործակալական խորհրդի անդամները, Խնամակալ մարմինը, Հ.Օ.Մ.-ի վարչութիւնը, «Նայիրի» մանկապարտէզը, Գեարդաբադ եւ Ռահւա գիւղերի ներկայացուցիչները եւ ուրմիահայ հասարակութիւնը:

Առաջնորդ Սրբազանը իր գնահատանքը յայտնելով բոլորին, մաղթեց որ բոլոր հայկական օջախները միշտ արեւը իբրեւ կեանքի խորհրդանիշ ունենան իրենց երդիկների վերեւ:

Յայտնենք, որ Թաւրիզում եւս նոյն օրը մատուցւած սուրբ պատարագի աւարտին տեղի ունեցաւ հոգեհանգստեան արարողութիւն, թեմի նախկին առաջնորդ՝ հոգելոյս Տ. Նշան եպս. Թօփուզեանի վախճանման 9-րդ տարելիցի առիթով:

Յարակից լուրեր

  • Սրբոց Թարգմանչաց տօնը Ուրմիայի Ս. Ստեփանոս եկեղեցում
    Սրբոց Թարգմանչաց տօնը Ուրմիայի Ս. Ստեփանոս եկեղեցում

    Կիրակի, 13 հոկտեմբեր 2019 թ.-ին, Ուրմիայի Ս. Ստեփանոս ծխական եկեղեցում, Սրբոց Թարգմանչաց Վարդապետաց տօնի յիշատակումը կատարւեց ս. պատարագով, որը մատոյց եւ քարոզեց արժ. Տ. Մարտիրոս քհնյ. Ղուկասեանը:

  • Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում

    Շաբաթ, 12 հոկտեմբեր 2019 թ.-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Ս. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով:

  • Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)
    Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)

    Երրորդ տարին լինելով տեղի ունեցաւ Թաւրիզի հայագիտական գիտաժողովը, ուրբաթ 27 եւ երկուշաբթի 30 սեպտեմբեր 2019 թ.-ին, Ատրպատականի հայոց թեմի առաջնորդարանում՝ Թաւրիզի Հայ Համալսարանականների միութեան կենտրոնատեղիում եւ Մաղարդայ Ս․ Ստեփանոս Նախավկայի վանքում, թեմակալ առաջնորդ գերշ․ Տ․ Գրիգոր Ս․ եպս․ Չիֆթճեանի հովանաւորութեամբ եւ թեմի կազմակերպութեամբ, մասնակցութեամբ մէկ տասնեակ հայագէտների եւ յարակից բնագաւառների մասնագէտ ուսումնասէրների Թաւրիզից, Գերմանիայից, Անգլիայից, Ֆրանսիայից, Շւէյցարիայից եւ Թուրքիայից։

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։