Հա

Համայնք

12/05/2019 - 09:00

Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

Ուրբաթ, 3 մայիս 2019 թ.-ի առաւօտեան ժամը 10.30-ին, Ազգային առաջնորդարանի «Էմիլ Յակոբեան» դահլիճում, «Տէրունական աղօթք»-ով բացումը կատարւեց Ատրպատականի հայոց թեմի Պատգամաւորական ժողովի 21-րդ նստաշրջանի չորրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի:

«alikonline.ir» - Ուրբաթ, 3 մայիս 2019 թ.-ի առաւօտեան ժամը 10.30-ին, Ազգային առաջնորդարանի «Էմիլ Յակոբեան» դահլիճում, «Տէրունական աղօթք»-ով բացումը կատարւեց Ատրպատականի հայոց թեմի Պատգամաւորական ժողովի 21-րդ նստաշրջանի չորրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: Տեղեկացնում է Ատրպատականի ազգային առաջնորդարանը:

Պատգամաւորների, ինչպէս նաեւ կրօնական եւ թեմական խորհուրդների հետ, սոյն ժողովին մասնակցելու յատուկ հրաւէրով Թեհրանից Թաւրիզ էր ժամանել Իրանի Իսլ. խորհրդարանում հիւս. իրանահայութեան պատգամաւոր՝ դոկտ. Կարէն Խանլարեանը:

Բացման աղօթքից յետոյ, Պատգամաւորական ժողովի ա. ատենապետ Արմինէ Վահրամեանը ողջունեց ներկաներին, հակիրճ անդրադառնալով օրւայ օրակարգերին եւ դրանք արդիւնաշատ քննարկման ենթարկելու մեթոդներին:

Նախորդ ատենագրութեան ընթերցումից եւ վաւերացումից յետոյ, Դիւանի առաջարկով քննարկութեան դրւեց այն հնգամեայ ծրագիրը, որը ներկայացւելու է Մեծի Տանն Կիլիկիոյ կաթողիկոսութեան Ազգային Կենտրոնական Վարչութեան: Յայտնենք, որ Մեծի Տանն Կիլիկիոյ Վեհափառ Հայրապետ՝ Ն.Ս.Օ.Տ.Տ. Արամ Ա կաթողիկոսի նախաձեռնութեամբ, Կիլիկիոյ Հայրապետութեան բոլոր թեմերի վերակազմակերպման երկարաժամկէտ ծրագրեր են պահանջւել թեմերի ազգային իշխանութիւններից, որոնք յառաջատեսիլ մօտեցումով կարգաւորելու են նրանց յառաջիկայ տարիների ազգային-եկեղեցական գործունէութիւնը:

Դիւանի խնդրանքով, թեմակալ առաջնորդը լայն բացատրութիւն տւեց պատրաստւած թղթածրարի գծով, դրա եկեղեցական, կրթական, մշակութային, բարեսիրական եւ շինարարական կէտերին անդրադառնալով: Առհասարակ թեմի միութիւնների եւ կազմակերպութիւնների, ինչպէս նաեւ յարակից մարմինների գործունէութեան լայնածիր պատկերը ամփոփող սոյն թղթածրարը համատեղ աշխատանքն էր միութիւնների եւ կազմակերպութիւնների, որոնք իրենց հնգամեայ ծրագրերը ներկայացրել էին առաջնորդարան:

Դիւանը ներկաներին տեղեկացրեց, որ Մեծի Տանն Կիլիկիոյ կաթողիկոսութեան Մայրավանքէն ճշտւած թւականով հրաւէր ստացած լինելով, մեկնելու է Անթիլիաս, առաջնորդ Սրբազան Հօր գլխաւորութեամբ, այնտեղ Վեհափառ Հօր ներկայացնելու համար ամբողջական թղթածրարը:

Այնուհետեւ դիւանը իր որոշած օրակարգի հիման հետեւողաբար վարեց ժողովը: Երկրի տնտեսական ներկայ դժւարին կացութեան հետեւանքով ստեղծւած նոր իրավիճակը բոլորի մտահոգութիւնը լինելով, ժողովականներ միասնաբար ելքեր որոնեցին, յատկապէս պաշտօնէութեան եւ ընդհանրապէս ազգային առաջնորդարանի վարչական կեանքի անխաթար պահպանման ի խնդիր: Եղան առաջարկներ, լքւած կալւածները հասութաբեր դարձնելու հեռանկարով, որոնց մասին լայն բացատրութիւններ տրւեցին Թեմական խորհրդի կողմից, գլխաւորութեամբ ատենապետ Ռուբիկ Ջանանեանի:

Քննարկութեան նիւթ դարձան Սալմաստ գաւառի կալւածային առկախ խնդիրները, որոնք մանրամասնութեամբ ներկայացւեցին Սալմաստի պատգամաւոր Ռուբէն Տէր Պօղոսեանի կողմից:

Առաջնորդ Սրբազան Հօր «Պահպանիչ» աղօթքով եզրափակւեց ժողովը, որից յետոյ առաջնորդարանի սեղանատանը սիրոյ սեղան տրւեց ներկաներին:

Յարակից լուրեր

  • Ատրպատականի հայոց թեմը վշտակցում է Վեհափառ Հայրապետին Վեհամօր վախճանման տխուր առիթով
    Ատրպատականի հայոց թեմը վշտակցում է Վեհափառ Հայրապետին Վեհամօր վախճանման տխուր առիթով

    Կիրակի, 15 սեպտեմբեր 2019 թ.-ին, 91 տարեկան հասակում Լիբանանում վախճանւեց մեր սիրեցեալ Վեհափառ Հայրապետի՝ Ն.Ս.Օ.Տ.Տ. Արամ Ա կաթողիկոսի մայրը՝ Վեհամայր Լուսին Քեշիշեանը:

    Այս տխուր առիթով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը յատուկ ցաւակցագիր ուղղեց Վեհափառ Հայրապետին, թեմի Պատգմաւորական ժողովի, Թեմական խորհրդի եւ ազգային բոլոր կառոյցների ու ժողովրդի անունից վշտակցելով Նորին Սրբութեան եւ համայն հարազատներին:

  • Խաչվերացի տօնը Ատրպատականի հայոց թեմում եւ ողջերթ Ուրմիայի հովիւ՝ Տ. Ներսէս քհնյ. Պասիլեանի
    Խաչվերացի տօնը Ատրպատականի հայոց թեմում եւ ողջերթ Ուրմիայի հովիւ՝ Տ. Ներսէս քհնյ. Պասիլեանի

    Մեր Տիրոջ եւ Փրկչի՝ Յիսուս Քրիստոսի սուրբ խաչափայտի գերեդարձի տօնի՝ Խաչվերացի առիթով, Ատրպատականի հայոց թեմում՝ Թաւրիզում եւ Ուրմիայում մատուցւեց ս. եւ անմահ պատարագ եւ կատարւեց ռեհանազարդ խաչով անդաստան:

  • Ատրպատականի հայոց թեմի առաջնորդը Ղարադաղի Դուգիդարա գիւղում
    Ատրպատականի հայոց թեմի առաջնորդը Ղարադաղի Դուգիդարա գիւղում

    Ատրպատականի ամէնից ընդարձակ եւ լեռնային խիստ բնութեամբ յատկանշւող շրջաններից է Ղարադաղը, որտեղ մեր թեմի անցեալի բնակավայրերի՝ գիւղերի եւ դրանցում գտնւած եկեղեցիների ու գերեզմանատների մասին ուսումնասիրութիւններ է կատարում առաջնորդ՝ գերշ. Տ. Գրիգոր Ս. եպս. Չիֆթճեանը: Երկուշաբթի, 9 սեպտեմբեր 2019 թ.-ին, Սրբազան Հայրը մեկնեց Ղարադաղի Դուգիդարա գիւղը, ուսումնասիրելով տեղի եկեղեցին եւ գերեզմանատունը:

  • Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)
    Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)

    Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին:

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։