Հա

Համայնք

09/06/2019 - 08:20

Աատրպատականի հայոց թեմի առաջնորդը այցելեց Մահլազանի վերանորոգւող Սբ. խաչ եկեղեցին, Խոյում

Երեքշաբթի, 4 յունիս 2019 թ.-ի կէսօրին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան ժամանեց Խոյ, ուղղւելու համար նախկին հայաբնակ Մահլազան գիւղը, որտեղի հայաբնակչութեան կողմից յաւերժական յիշատակ իբրեւ կանգուն է մնացել հայոց Սբ. Խաչ եկեղեցին:

«alikonline.ir» - Երեքշաբթի, 4 յունիս 2019 թ.-ի կէսօրին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան ժամանեց Խոյ, ուղղւելու համար նախկին հայաբնակ Մահլազան գիւղը, որտեղի հայաբնակչութեան կողմից յաւերժական յիշատակ իբրեւ կանգուն է մնացել հայոց Սբ. Խաչ եկեղեցին: Տեղեկացնում է Ատրպատականի ազգային առաջնորդարանը:

Կանոնական աղօթքից յետոյ, առաջնորդ Սրբազանը տեղեկացաւ եկեղեցու վերանորոգութեան աշխատանքներին, որոնք կատարւում են Իրանի Իսլամական Հանրապետութեան Հնապահպան հիմնարկութեան նիւթական հովանաւորութեամբ:

Առաջնորդ Սրբազան Հօր անդրանիկ այցը նոյն եկեղեցին տեղի էր ունեցել 2013 թւին, նոյն օրը՝ 4 յունիսին, երբ տեսնելով դրա անմխիթար ու լքեալ վիճակը, նա յոյս էր յայտնել, որ անպայման մէկ օր հերթը գալու էր քարաշէն սոյն եկեղեցու վերանորոգութեան, իբրեւ պատմական յուշարձան խոյեցի ու յատկապէս մահլազանցի հայերի:

18-րդ դարի կառոյց, քառանկիւն շինութեամբ եկեղեցու աղիւսաշէն գմբէթը քայքայւած լինելով, փուլ գալու վտանգի տակ էր գտնւում: Վարպետ որմնադիրը դրա թուլացած աղիւսների ամբողջ ծակտիկները վերստին լցրել էր, ամրացնելով ընդհանուր մարմինը, դրան նախապատրաստելով կրել քրիստոնէութեան խորհրդանիշ խաչը:

Եկեղեցու ներքնամասի սպիտակացրած պատերի գաջը տեղ-տեղ թափւած լինելով, ամբողջովին վերանորոգւել էր, պահպանելով գմբէթում գծանկարւած ճառագայթաձեւ կարմիր գծերը, որոնք երկու տեղ՝ ե՛ւ գմբէթի կենտրոնից ե՛ւ խորանի կիսակամարից իջնում են կամարաձեւ:

Կատարւած աշխատանքը սովորական վերանորոգում կարելի է անւանել, որովհետեւ եկեղեցու նախկին գաւթի բաժինը թողւել է կիսափուլ վիճակում: Այն եռակամար գաւիթը, որը երեւում է հին լուսանկարներում, պահպանւել է այնպէս ինչպէս որ է, այսինքն հիմքերից բարձրացող մէկուկէս մետրանոց սիւների ձեւով, որոնք յուշում են կամարակապ հաստարմատ գաւթի անցեալի շքեղութիւնը:

Եկեղեցին ցերեկ աչքով իսկ բաւարար լուսաւոր չէ, նեղլիկ եւ բարձրադիր պատուհանների պատճառով: Սրա համար, եւ գիշեր ատեն եւս այցելուներ ընդունելու հնարաւորութիւն ունենալու նպատակով, վերանորոգման ընթացքում պատերի եւ սիւների խորշերում ելեկտրական հոսանքով լոյսեր վառելու հնարաւորութիւն է ստեղծւել:

Եկեղեցու ընդհանուր սպիտակացման ծիրից ներս են մտել նաեւ բոլոր պատերի վրայ եղած խորշերը, որոնցից շատերը սրբանկարների պահարաններ են պատերի մէջ: Զոյգ աւանդատներն էլ իրենց պատերի խորշերով վերանորոգւել եւ սպիտակացւել են: Վերջապէս, դռների եւ պատուհանների ամբողջացումից, ինչպէս նաեւ խորանի քար-սեղանի զետեղումից յետոյ, կարելի է լինելու վերաօծման արարողութիւնը կատարել Սրբազան Հօր ձեռամբ:

Յոյս ունենք նաեւ, որ սոյն վերանորոգութիւնից յետոյ աւելի նւազելու են եկեղեցու կողքում գտնւող հայոց գերեզմանատան քարերի տակում գանձ փնտռելու պատճառով գործւած աւերները, գանձնախոյզների կողմից:

Յարակից լուրեր

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

  • Ատրպատականի հայոց թեմի առաջնորդը Ղարադաղի Ասրան գիւղում
    Ատրպատականի հայոց թեմի առաջնորդը Ղարադաղի Ասրան գիւղում

    Տեղագրական եւ կալւածային ցուցակագրման իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 9 օգոստոս 2019 թ.-ին այցելեց Ղարադաղի Քէյւան գաւառակի նախկին հայաբնակ Ասրան գիւղը, հայկական հետքեր որոնելու այնտեղ:

  • Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում
    Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում

    Չորեքշաբթի, 7 օգոստոս 2019 թ.-ի վաղ առաւօտուն, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Սալմաստ, մօտկից հետեւելու գաւառի մի քանի եկեղեցիների վերանորոգութեան աշխատանքներին, որոնք կատարւում են Իրանի Մշակութային ժառանգութիւնների հիմնարկութեան կողմից եւ հիմնարկութեան նիւթական հովանաւորութեամբ, անմիջական հսկողութեամբ Իրանի Եկեղեցիների պահպանութեան կենտրոնին, տնօրէնութեամբ դոկտ. Շերլի Աւետեանի:

  • Ատրպատականի հայոց թեմի առաջնորդը Ղարադաղի Սղըն գիւղում
    Ատրպատականի հայոց թեմի առաջնորդը Ղարադաղի Սղըն գիւղում

    Թեմի տարբեր շրջաններում եւ հայաթափւած գաւառներում ու գիւղերում գտնւող անշարժ գոյքի՝ եկեղեցիների, դպրոցների եւ գերեզմանատների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 2 ոգոստոս 2019 թ.-ին այցելեց Ղարադաղի Քէյւան գաւառակի Սղըն գիւղը:

  • Տիրոջ Պայծառակերպութեան տօնը եւ Վարդավառի ժողովրդական աւանդութիւնը կատարւեց Ատրպատականի հայոց թեմում
    Տիրոջ Պայծառակերպութեան տօնը եւ Վարդավառի ժողովրդական աւանդութիւնը կատարւեց Ատրպատականի հայոց թեմում

    Կիրակի, 28 յուլիս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եպիսկոպոսական հանդիսաւոր ս. պատարագ մատոյց եւ քարոզեց Թաւրիզի նախկին հայաշատ Մարալան թաղամասում գտնւող Ս. Աստւածածին ուխտավայր մատուռում, որտեղ հաւաքւեցին թաւրիզահայեր ընտանեկան եւ բարեկամական խմբերով:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։