Հա

Համայնք

29/07/2019 - 10:20

Տիրոջ Պայծառակերպութեան տօնը եւ Վարդավառի ժողովրդական աւանդութիւնը կատարւեց Ատրպատականի հայոց թեմում

Կիրակի, 28 յուլիս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եպիսկոպոսական հանդիսաւոր ս. պատարագ մատոյց եւ քարոզեց Թաւրիզի նախկին հայաշատ Մարալան թաղամասում գտնւող Ս. Աստւածածին ուխտավայր մատուռում, որտեղ հաւաքւեցին թաւրիզահայեր ընտանեկան եւ բարեկամական խմբերով:

«alikonline.ir» - Կիրակի, 28 յուլիս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եպիսկոպոսական հանդիսաւոր ս. պատարագ մատոյց եւ քարոզեց Թաւրիզի նախկին հայաշատ Մարալան թաղամասում գտնւող Ս. Աստւածածին ուխտավայր մատուռում, որտեղ հաւաքւեցին թաւրիզահայեր ընտանեկան եւ բարեկամական խմբերով: Երգեցողութիւնը կատարեց «Կոմիտաս» երգչախումբը, ղեկավարութեամբ երաժիշտ Վարդան Վահրամեանի: Ուրմիայի Ս. Ստեփանոս ծխական եկեղեցում ս. պատարագ մատոյց եւ քարոզեց Հայաստանից հիւրաբար ներկայ՝ արժ. Տ. Տիրայր աւ. քհնյ. Զահրադեանը: Երգեցողութիւնը կատարեց «Նարեկացի» երգչախումբը, ընկերակցութեամբ Հայաստանից ժամանած ուխտաւորների: Տեղեկացնում է Ատրպատականի ազգային առաջնորդարանը:

Սրբազան Հայրը օրւայ խորհրդից մեկնելով, Քրիստոսի պայծառափայլութեան դէպքի մէջ տեսաւ հոգու եւ սրտի անբծութիւնը, որը քրիստոնեայ մարդու ճառագայթող լոյսով է բացատրւում. «Այն լոյսը, որի համար Քրիստոս ասաց որ պէտք է որ փայլի բոլորի ներկայութեան: Մեր Տէրը իր աստւածութիւնը ցոյց տալու համար այլակերպւեց իր երեք աշակերտների ներկայութեան Թափօր լեռան բարձունքին: Ոմանց դէմքը ուղիղ հայելին է լինում նրանց հոգու անբծութեան: Երանի նման անձանց: Սակայն իսկական լոյսն ու փայլը, դա մեր հաւատքի փայլքն է, որը գործնապէս իր արտայայտութիւն պէտք է գտնի մեր առօրեայ կեանքում»,- ասաց Սրբազան Հայրը: Ապա նա բացատրեց որ բարոյական մարդու կազմաւորման մէջ կարեւոր տեղ ունի սրտի մաքրութիւնը. «Մենք իրար դէմքին, երեսներին ենք նայում, իսկ Աստւած մեր սրտերն է քննում» ասաց նա: Սրբազան Հայրը նաեւ աստւածաբանական մեկնաբանութիւնը կատարեց Այլակերպութեան հրաշազան դէպքին, ցոյց տալով որ այդ պահին Քրիստոսի կողքում երեւացող Հին Ուխտի երկու տիտան դէմքերը՝ Մովսէսն ու Եղիան, խորհրդանշականօրէն պատկերացնում էին Քրիստոսի մարդկութեան փրկագործութեան առաջնորդը եւ Մարգարէների միջոցով խոստացւած Մեսիա լինելու իրողութիւնը:  

Ս. պատարագի աւարտին, եկեղեցու բակում տեղի ունեցաւ Վարդավառի ազգային աւանդութիւնը՝ իրարու վրայ ջուր ցանելու սովորութիւնը: Յատկապէս երիտասարդներ ու մանուկներ, չբաւարարւելով թեթեւօրէն թրջել եկեղեցի եկած հաւատացեալներին, դոյլերով ջուր էին լցնում բոլորի վրայ, որը վերջում ընդհանրական խաղի տեսք ստացաւ, եւ որին մասնակցեցին բոլորը, ե՛ւ մեծերը ե՛ւ փոքրերը:

Թաւրիզի եկեղեցու Խնամակալ մարմնի անդամուհիները կէսօրւայ ճաշով պատւեցին հոգեւորականաց դասին, ազգային իշխանութեանը եւ հիւրերին, որոնց շարքին էր թեմի բարերարներից Ջորջ Դաւիթեանը իր հարազատներով: Ուրմիայի եկեղեցու շրջափակում եւս կատարւեց Վարդավառի ջրցանի աւանդութիւնը, երբ ուրմիահայ պարման-պարմանուհիներ, երիտասարդ-երիտասարդուհիներ իրար վրայ ջուր լցնելով, Հայ Եկեղեցու տաղաւար սոյն տօնի հայկական ազգային աւանդութիւնը խանդավառութեամբ կիրառեցին: Ուրախութեամբ սկսւող եւ ուրախութեամբ աւարտող տօներից է Վարդավառը, որը ամէն տարի իւրայատուկ ցնծութեամբ է լցնում բոլորի սրտերը:

Յարակից լուրեր

  • Ատրպատականի հայոց թեմը վշտակցում է Վեհափառ Հայրապետին Վեհամօր վախճանման տխուր առիթով
    Ատրպատականի հայոց թեմը վշտակցում է Վեհափառ Հայրապետին Վեհամօր վախճանման տխուր առիթով

    Կիրակի, 15 սեպտեմբեր 2019 թ.-ին, 91 տարեկան հասակում Լիբանանում վախճանւեց մեր սիրեցեալ Վեհափառ Հայրապետի՝ Ն.Ս.Օ.Տ.Տ. Արամ Ա կաթողիկոսի մայրը՝ Վեհամայր Լուսին Քեշիշեանը:

    Այս տխուր առիթով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը յատուկ ցաւակցագիր ուղղեց Վեհափառ Հայրապետին, թեմի Պատգմաւորական ժողովի, Թեմական խորհրդի եւ ազգային բոլոր կառոյցների ու ժողովրդի անունից վշտակցելով Նորին Սրբութեան եւ համայն հարազատներին:

  • Խաչվերացի տօնը Ատրպատականի հայոց թեմում եւ ողջերթ Ուրմիայի հովիւ՝ Տ. Ներսէս քհնյ. Պասիլեանի
    Խաչվերացի տօնը Ատրպատականի հայոց թեմում եւ ողջերթ Ուրմիայի հովիւ՝ Տ. Ներսէս քհնյ. Պասիլեանի

    Մեր Տիրոջ եւ Փրկչի՝ Յիսուս Քրիստոսի սուրբ խաչափայտի գերեդարձի տօնի՝ Խաչվերացի առիթով, Ատրպատականի հայոց թեմում՝ Թաւրիզում եւ Ուրմիայում մատուցւեց ս. եւ անմահ պատարագ եւ կատարւեց ռեհանազարդ խաչով անդաստան:

  • Ատրպատականի հայոց թեմի առաջնորդը Ղարադաղի Դուգիդարա գիւղում
    Ատրպատականի հայոց թեմի առաջնորդը Ղարադաղի Դուգիդարա գիւղում

    Ատրպատականի ամէնից ընդարձակ եւ լեռնային խիստ բնութեամբ յատկանշւող շրջաններից է Ղարադաղը, որտեղ մեր թեմի անցեալի բնակավայրերի՝ գիւղերի եւ դրանցում գտնւած եկեղեցիների ու գերեզմանատների մասին ուսումնասիրութիւններ է կատարում առաջնորդ՝ գերշ. Տ. Գրիգոր Ս. եպս. Չիֆթճեանը: Երկուշաբթի, 9 սեպտեմբեր 2019 թ.-ին, Սրբազան Հայրը մեկնեց Ղարադաղի Դուգիդարա գիւղը, ուսումնասիրելով տեղի եկեղեցին եւ գերեզմանատունը:

  • Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)
    Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)

    Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին:

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։