Հա

Համայնք

03/09/2019 - 14:10

Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)

Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին:

«alikonline.ir» - Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին: Տեղեկացնում է Ատրպատականի ազգային առաջնորդարանը:

Սոյն միջազգային գիտաժողովը կազմակերպւած է Միացեալ Նահանգների Կալիֆորնիա նահանգի համալսարանի (UCLA) Հայագիտութեան «Նարեկացի» ամբիոնի կողմից, հովանաւորութեամբ «Սալմաստի ժառանգութիւն Ընկերակցութիւն»-ի եւ գործակցութեամբ Երեւանի Պետական համալսարանին: Այն տեղի է ունենալու Երեւանում, Պետական համալսարանի գիտութիւնների դահլիճում, 6-7 սեպտեմբեր 2019 թւին:

Բացման պաշտօնական հանդիսութեան ընթացքին ողջոյնի եւ օրհնանքի խօսքով հանդէս է գալու առաջնորդ Սրբազանը, իսկ գիտաժողովի նիստերի ընթացքում դարձեալ ներկայացնելու է մասնաւոր զեկոյց, «Սալմաստ գաւառը քսաներորդ դարադարձի սկզբին, համաշխարհային առաջին պատերազմի նախօրէին» խորագրով, արծարծելով արխիւային նիւթեր:

Նշենք, որ սոյն բազմալեզու գիտաժողովին մասնակցելու են աշխարհի տարբեր երկրներից ժամանած հայ եւ օտար հայագէտներ, լեզւաբաններ, պատմաբաններ, ազգագրագէտներ եւ այլ բնագաւառների մասնագէտներ, որոնք Սալմաստ գաւառի պատմութեան տարբեր ժամանակաշրջանների կեանքի տարբեր բնագաւառներին առնչւող նիւթեր են քննարկելու:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։