Հա

Համայնք

02/04/2012

altՆախաձեռնութեամբ «Թադէոս Թադէոսեան» Պատանեկան միութեան, ուրբաթ, մարտի 16-ի երեկոյեան, Նոր Ջուղայի «Արարատ» միութեան սրահում կայացաւ ձեռնարկ՝ նւիրւած Սողոմոն Թեհլիրեանի կատարած «Նեմեսիս» գործողութեանը՝ ոճրագործ եւ ցեղասպան Թալէաթ փաշային մահապատժի ենթարկելու կապակցութեամբ: Ձեռնարկին ներկայ էին՝ Շահինշահրի հայ համայնքի հոգեւոր հովիւ Տ. Անանիա վրդ. Գուճանեանը, Իսլ. խորհրդարանում հարաւային իրանահայութեան պատգամաւոր Ռոբերտ Բեգլարեանը, շրջանի Հայ Դատի յանձնախմբի եւ ազգային մարմինների ներկայացուցիչները, հոծ թւով ժողովուրդ ու պատանիներ:

alt

Ծրագիրը բացւած յայտարարւեց «Գինի լից» երգի տեսահոլովակի ցուցադրմամբ, այնուհետեւ Պատանեկան միութեան անդամուհի Վեհանուշ Խուդաբախշեանի միջոցով ընթերցւեց Սողոմոն Թեհլիրեանի կենսագրականը, որից յետոյ ներկաները հրաւիրւեցին՝ դիտելու հայ վրիժառուի ակտին ու դատավարութեանն անդրադարձող վաւերագրական տեսանիւթը:
Որպէս օրւայ բանախօս՝ միութեան անդամուհի Մեղրի Ղուկասեանը նախ կարեւորութեամբ ընդգծեց Հայոց Ցեղասպանութեան իրողութեան փաստերն ու «Ցեղասպանութիւն» տերմինի ստեղծման երեւոյթը: Այնուհետեւ նշելով, որ իրաւունքները չեն տրւում ժողովրդին, այլ ձեռք են բերւում պայքարելով, նա իր խօսքի շարունակութեան մէջ անդրադարձաւ նաեւ Սողոմոն Թեհլիրեանի միջոցով իրականացւած ակտին՝ մատնանշելով 1920-22 թւականների ժամանակահատւածում հայ վրիժառու երիտասարդների միջոցով իրագործւած «Նեմեսիս» գործողութիւնները:

alt

Ծրագրի գեղարւեստական բաժնում ներկաները ոգեշնչւեցին «Թադէոս Թադէոսեան» Պատանեկան միութեան անդամ-անդամուհիների գեղեցիկ կատարումներով: Նախ յեղափոխական եւ հայրենասիրական երգերի կատարմամբ հանդէս եկան՝ Թենի Մկրտչեանը, Վանայ Շիրւանեանը, Դաւիթ Թորոսեանը եւ Շաքէ Մովսիսեանը, ապա ասմունքով ելոյթ ունեցան՝ Լաուրա Խուդաբախշեանն ու Շաղիկ Մատթէոսեանը: Գեղարւեստական ծրագիրը գեղեցկօրէն ընդմիջւում էր օրւան պատշաճ խօսքերով ու հատւածներով, որոնք ընթերցում էին Վեհանուշ եւ Վահագն Խուդաբախշեանները:
Երեկոն եզրափակւեց միութեան երգչախմբի յեղափոխական երգերի անզուգական եւ համաչափ կատարումներով։

Թղթակից (Նոր Ջուղա)

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։