Հա

Համայնք

05/03/2016 - 10:10

ՇԱՀԻՆՇԱՀՐ - Վարդանանց տօնը՝ Շահինշահրում

Շահինշահրի եկեղեցու սրահի եւ դպրոցի անւանակցութիւնը պատեհ առիթ համարելով, Վարդանանց տօնին, Շահինշահրում տեղի ունեցաւ մատաղօրհնէքի արարողութիւն, համայնքի հոգեւոր տեսուչ Տ. Անանիա վրդ. Գուճանեանի հովանաւորութեամբ եւ Համայնքի վարչութեան նախաձեռնութեամբ: Օրւայ խորհրդին ներկայ էին համայնքի միութիւնների ու աշխատակազմերի ներկայացուցիչները եւ մի խումբ հաւատացեալներ:

Շահինշահրի եկեղեցու սրահի եւ դպրոցի անւանակցութիւնը պատեհ առիթ համարելով, Վարդանանց տօնին, Շահինշահրում տեղի ունեցաւ մատաղօրհնէքի արարողութիւն, համայնքի հոգեւոր տեսուչ Տ. Անանիա վրդ. Գուճանեանի հովանաւորութեամբ եւ Համայնքի վարչութեան նախաձեռնութեամբ: Օրւայ խորհրդին ներկայ էին համայնքի միութիւնների ու աշխատակազմերի ներկայացուցիչները եւ մի խումբ հաւատացեալներ: Համայնքի իւրաքանչիւր անդամ իր լուման ներդրեց մատաղացու ոչխարի գնման համար եւ չորեքշաբթի, փետրւարի 3-ին համայնքի «Սրբոց Վարդանանց» դպրոցի բակում կատարւեց աղօրհնէքի արարողութիւն՝ Հայր Սուրբի ձեռամբ, ապա տեղի ունեցաւ ոչխարի զենում:
Հարիսա եփելու աշխատանքը հոգատարութեամբ կատարեց Համայնքի վարչութեան կողմից նշանակւած յանձնախումբը:
Հինգշաբթի, փետրւարի 4-ի առաւօտեան, «Սրբոց Վարդանանց» դպրոցի սրահում եպիսկոպոսական սուրբ եւ անմահ պատարագ մատուցեց Սպահանի հայոց թեմի թեմակալ առաջնորդ Տ. Բաբգէն արք. Չարեանը, ում սպասարկում էին Տ. Վազգէն քհնյ. Քեօշկերեանը եւ Տ. Սահակ քհնյ. Մինասեանը: Արարողութեանը ներկայ էին Շահինշահրի հոգեւոր տեսուչ Տ. Անանիա վրդ. Գուճանեանը, թեմի Կրօնական խորհրդի եւ Համայնքի վարչութեան ներկայացուցիչները, հայոց ազգային «Նարեկ» մանկապարտէզ-նախակրթարանի, «Սրբոց Վարդանանց» տարրական եւ «Մասիս» միջնակարգ դպրոցների ուսուցչական կազմերը, ծնողական խորհուրդները, աշակերտութիւնը եւ բազմաթիւ հաւատացեալներ:

160305d02a

Օրւայ խորհրդին սպասարկեց սարկաւագաց դասը, իսկ պատարագի երգեցողութիւնը կատարեց Շահինշահրի «Նարեկ» երգչախումբը:
160305d02bՎարդանանց զօրավարների եւ 1036 նահատակ վկաների յիշատակին մատուցւող այս պատարագի ընթացքում, յաւուր պատշաճի քարոզեց թեմիս առաջնորդը՝ անդրադառնալով Վարդանանց պատգամին՝ «Մահ ոչ իմացեալ մահ է, մահ իմացեալ անմահութիւն»: Այնուհետեւ գնահատելով աշակերտների ներկայութիւնը, խօսքն ուղղելով նրանց, նշեց, որ ահաւասիկ այս աշակերտներն են մեր ազգի ապագայ յոյսը, որոնք պէտք է բարձր պահեն Վարդանանց քաջերի անունը եւ շարունակեն նրանց ուղին՝ միշտ հաւատարիմ մնալով Սուրբ Ուխտին:
Սուրբ պատարագից յետոյ, տեղի ունեցաւ մատաղի օրհնութիւն, որից յետոյ այն բաժանւեց ներկայ հաւատացեալներին, եւ նաեւ բացակայ կարիքաւոր ընտանիքներին:
Այնուհետեւ հրաւիրեալները վայելեցին օրւայ առիթով կազմակերպւած ճաշկերոյթը, որի ընթացքում հնչեցին բարեմաղթանքներ եւ Վարդանանց տօնին նւիրւած գեղեցիկ երգեր:

Շահինշահրի Հայ համայնքի վարչութեան թղթակից՝
Վ. ՅԱՐՈՒԹԻՒՆԵԱՆ
Լուսանկարիչներ՝
ԹՈՎՄԱ ԳԱԼՍՏԱՆԵԱՆ, ՍԵՐԻՆԷ ԱՂԱԽԱՆԵԱՆ

Յարակից լուրեր

  • «Հեռուստամարաթոն-2018»-ի շրջանակում նւիրահաւաք՝ Նոր Ջուղայում եւ Շահինշահրում
    «Հեռուստամարաթոն-2018»-ի շրջանակում նւիրահաւաք՝ Նոր Ջուղայում եւ Շահինշահրում

    Հայաստան համահայկական հիմնադրամի «Հեռուստամարաթոն-2018»-ի շրջանակում, նոյեմբերի 22-ին Նոր Ջուղայի Հայ Դատի յանձնախմբի եւ ՀՅԴ «Ռուբէն» երկիտասարդական միութեան նախաձեռնութեամբ, Նոր Ջուղայի Հ. Մ. Մ. «Արարատ» միութեան եւ նոյն միութեան Շահինշահրի մասնախիւղերի գրասենեակներում կազմակերպւել էր նւիրահաւաք: Տեղեկացնում է Նոր Ջուղայի մեր թղթակիցը:

  • Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում
    Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում

    Ն․ Ջ․ Հայ Մ․ Մ․ «Արարատ» միութեան Շահինշահրի մասնաճիւղի Մշակութային միաւորի նախաձեռնութեամբ եւ տեղի Հայ համայնքի վարչութեան համագործակցութեամբ, ուրբաթ՝ 2018 թւականի հոկտեմբերի 19-ի երեկոյեան, Սրբոց Թարգմանչաց տօնի առիթով, կազմակերպւել էր ձեռնարկ միութեան «Արամ Մանուկեան» սրահում: 

  • ՀՀ հիմնադրման 100-ամեակին նւիրւած մարզական մրցոյթներ՝ Շահինշահրում
    ՀՀ հիմնադրման 100-ամեակին նւիրւած մարզական մրցոյթներ՝ Շահինշահրում

    ՀՀ հիմնադրման 100-ամեակի տօնակատարութեան Շահինշահրի ենթայանձնախմբի նախաձեռնութեամբ եւ Ն. Ջ. Հայ Մ. Մ. «Արարատ» միութեան Շահինշահրի մասնաճիւղի Մարզական միաւորի կազմակերպութեամբ, 2018 թւականի մայիսի 3-ից 8-ը իրականացւեցին ֆուտսալի, շախմատի եւ սեղանի թենիսի մրցոյթներ՝ անկախութեան տօնի 100-ամեակի առիթով: 

  • Աշխատաւորութեան միջազգային օրւայ առթիւ միջոցառում՝ Շահինշահրում
    Աշխատաւորութեան միջազգային օրւայ առթիւ միջոցառում՝ Շահինշահրում

    Ն. Ջ. Հայ Մ. Մ. «Արարատ» միութեան Շահինշահրի մասնաճիւղի վարչութեան նախաձեռնութեամբ եւ նոյն մասնաճիւղի Երէցների ու Մարզական միաւորների կազմակերպութեամբ, երեքշաբթի՝ 2018 թւականի մայիսի 1-ի երեկոյեան, պատկան կենտրոնատեղիի սրահում նշւեց Աշխատաւորների միջազգային օրը: Ծրագրին ներկայ էին համայնքի անդամները՝ ի մասնաւորի աշխատաւորները: 

  • Շահինշահրի Հայ Դատի գրասենեակի նախաձեռնութեամբ ցուցադրւեց «Ծպտեալ կեանք» վաւերագրական ֆիլմը
    Շահինշահրի Հայ Դատի գրասենեակի նախաձեռնութեամբ ցուցադրւեց «Ծպտեալ կեանք» վաւերագրական ֆիլմը

    Շահինշահրի Հայ Դատի գրասենեակի նախաձեռնութեամբ հինգշաբթի՝ 2018 թւականի ապրիլի 26-ի կէսօրին, Հայ Կանանց եկեղեցասիրած միութեան գրասենեակում, նոյն միութեան անդամուհիների մասնակցութեամբ, ցուցադրւեց Ցեղասպանութեան ժամանակ հարկադրաբար հաւատը փոխած հազարաւոր հայ ընտանիքների մասին պատրաստւած «Ծպտեալ կեանք» խորագրով վաւերագրական ֆիլմը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։