Հա

Համայնք

Չորեքշաբթի, 23 Նոյեմբերի 2016 09:30

Շրջագայութիւն դէպի Փերիոյ գաւառի Ղարղուն գիւղի Ս. Նշան եկեղեցի

Նոր Ջուղայի Հայ Մ. Մ. «Արարատ» միութեան Շահինշահրի մասնաճիւղի վարչութեան հովանաւորութեամբ եւ Երէցական միաւորի նախաձեռնութեամբ կազմակերպւել էր շրջագայութիւն դէպի Փերիոյ գաւառի Ղարղուն գիւղի Ս. Նշան եկեղեցի:

Նոր Ջուղայի Հայ Մ. Մ. «Արարատ» միութեան Շահինշահրի մասնաճիւղի վարչութեան հովանաւորութեամբ եւ Երէցական միաւորի նախաձեռնութեամբ կազմակերպւել էր շրջագայութիւն դէպի Փերիոյ գաւառի Ղարղուն գիւղի Ս. Նշան եկեղեցի: Նախապէս համադրելով եկեղեցու վարչութեան հետ եւ զբօսաշրջիկների համար ապահովելով սենեակներ, Երէցական միաւորի նախագահ՝ Լինա Մովսիսեանի ղեկավարութեամբ, հինգշաբթի, նոյեմբերի 3-ի առաւօտեան ժամը՝ 6:00-ին, 22-հոգանոց խմբով, ճանապարհւեցին դէպի Փերիոյ գաւառ՝ շատերի համար հարազատ մի վայր, միւսների համար ծանօթութիւն հայկական մշակոյթի ժառանգութեան նմուշներից մէկի հետ: Թիրան քաղաքի յարմարաւէտ եւ գեղեցիկ այգում նախաճաշելուց եւ մի փոքր հանգստանալուց յետոյ շարունակեցին ճանապարհը եւ ժամը 10:30-ին հանրակառքը կանգնեց Ղարղուն գիւղի Ս. Նշան եկեղեցու դռան մօտ: Հարկ է նշել, որ եկեղեցին կառուցւել է 1903 թւականին եւ յայտնի է, որ 1069 թւականի ձեռագիր, մագաղաթեայ «Ղարղունի Աւետարանը» 1969 թւականին տեղափոխւել է Հայաստան եւ այժմ պահւում է Մեսրոպ Մաշտոցի անւան Մատենադարանում: Եկեղեցուն կից նախկինում գործել է Հայկական ազգային դպրոց, որի դասասենեակները վերանորոգւել են եւ դպրոցի բակը եկեղեցու բակի հետ միացւել է միջանցքով: Շրջագայողները տեղաւորւելով նախկին դասասե-նեակներից մէկում, շտապեցին եկեղեցի՝ սրտաբու-խ աղօթելու եւ փառաբանելու Աստծուն: Զբօ-սաշրջիկների, ովքեր առաջին անգամն էին Ղար-ղուն գիւղի Ս. Նշան եկեղեցում, ուշադրութիւնը գրաւեց եկեղեցու գեղեցիկ տեսքը եւ ներքին յարդարումը: Այնուհետեւ բաժանւելով խմբերի՝ մի մասը այցելեց գիւղի հայկական գերեզմանա-տուն՝ խունկ ծխեցնելու իրենց նախնիների շիրիմ-ներին, իսկ միւս մասը՝ շրջեց գիւղում, մտովի պատկերացնելով իրենց նախնիների ոչ շատ հեռու անցեալում ապրած կեանքի դրւագները: Հե-տաքրքիր եւ հաճելի օր անցկացնելով զբօսաշրջիկ-ները բարձր տրամադրութեամբ եւ անմոռանալի յուշերով գիշերւայ ժամը 21:30-ին վերադարձան Շահինշահր եւ շնորհակալութիւն յայտնելով կազմակերպիչներին՝ հրաժեշտ տւեցին միմեանց:

Նոր Ջուղայի Հայ
Մ. Մ. «Արարատ» միութեան
Շահինշահրի մասնաճիւղի
Թղթակից՝ Մ. ԱՅԻԴԱ

Յարակից Հրապարակումներ

Ամենաշատ ընթերցւած

Քւէարկութիւն

«Մեղրի» ԱՏԳ-ն ինչպէ՞ս կազդի Իրան-Հայաստան տնտեսական յարաբերութիւնների զարգացման վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։