Հա

Համայնք

Շաբաթ, 03 Դեկտեմբերի 2016 09:40

Քաղաքական-պետական գործիչ եւ ՀՅԴ Բիւրոյի տարիների անդամ Վահան Յովհաննիսեանի մահւան երկրորդ տարելիցի առթիւ՝ յուշերեկոյ՝ Նոր Ջուղայում

Քաղաքական ու պետական գործիչ, ՀՅԴ Բիւրոյի տարիների անդամ, ՀՀ Ազգային ժողովի ժամանակի փոխնախագահ եւ Գերմանիայում ՀՀ արտակարգ եւ լիազօր դեսպան՝ Վահան Յովհաննիսեանի մահւան երկրորդ տարելիցի առթիւ, Նոր Ջուղայի Հայ Դատի «Արձագանգ» քարոզչական յանձնախմբի նախաձեռնութեամբ տեղի ունեցաւ յուշերեկոյ, հինգշաբթի, նոյեմբերի 17-ի երեկոյեան, Նոր Ջուղայի Հայ Մ. Մ. «Արարատ» միութեան սրահում։

Քաղաքական ու պետական գործիչ, ՀՅԴ Բիւրոյի տարիների անդամ, ՀՀ Ազգային ժողովի ժամանակի փոխնախագահ եւ Գերմանիայում ՀՀ արտակարգ եւ լիազօր դեսպան՝ Վահան Յովհաննիսեանի մահւան երկրորդ տարելիցի առթիւ, Նոր Ջուղայի Հայ Դատի «Արձագանգ» քարոզչական յանձնախմբի նախաձեռնութեամբ տեղի ունեցաւ յուշերեկոյ, հինգշաբթի, նոյեմբերի 17-ի երեկոյեան, Նոր Ջուղայի Հայ Մ. Մ. «Արարատ» միութեան սրահում։
Միջոցառմանը ներկայ էին՝ Սպահանի հայոց թեմի կաթողիկոսական փոխանորդ Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանը, քահանայից դասը, ազգային մարմինների, Հայ Դատի յանձնախմբի, միութիւնների եւ հայոց ազգ. դպրոցների ներկայացուցիչներն ու ժողովուրդ։
161203d04aԾրագրի մեկնարկը տրւեց հաւատաւոր դաշնակցականի յիշատակին մէկ րոպէ յոտնկայս լռութեամբ, որին յաջորդեց երեկոյի հաղորդավարուհի Մանիա Ղուկասեանի ողջոյնի եւ բացման խօսքը, ուր անդրադարձ կար յատկապէս Վահան Յովհաննիսեանի կենսագրութեանը։ Յուշերեկոյի ընթացքում հաղորդավարուհին նոյնպէս ներկայացրեց դրւագներ եւ յուշեր նւիրեալ գործչի կեանքից ու գործունէութիւնից։
Միջոցառման շարունակութեան մէջ բանախօսեց Հայաստանից հրաւիրւած ազգային-հասարակական գործիչ եւ ՀՀ Կրթութեան ու գիտութեան նախարարի խորհրդական Բագրատ Եսայեանը, ով անդրադառնալով Վահան Յովհաննիսեանի մարդկային բացառիկ յատկութիւններին եւ յանուն հայրենիքի, հայ ժողովրդի ու Հայ Յեղափոխական Դաշնակցութեան նրա ծաւալած բոլորանւէր գործունէութեանը, նշեց. «Վահանն այն բացառիկ դէմքերից էր, որի կենսագրութեանը զուգահեռ եւ կենսագրութեանը համահունչ ստեղծւեց Հայաստանի անկախութիւնը։ 161203d04bՎահանի կենսագրութեամբ մենք կարող ենք հետեւել ՀՅԴ-ի ուղուն՝ Խորհրդային Հայաստանի գոյութեան վերջին տարիներից մինչեւ Հայաստանի անկախանալը»։ Այնուհետեւ յիշատակելով Վահան Յովհաննիսեանի կեանքից հետաքրքիր դրւագներ եւ յուշեր, հանդիսատեսին առաւել ծանօթացրեց լայնախոհ մտաւորականի խոհերին ու մտորումներին։ «Այսպիսին էր Վահանը, մեր սիրելի ընկերը։ Վահանն իր անձով մարմնաւորեց Դաշնակցութեան 25-ամեայ ընթացքը՝ Հայաստանում Դաշնակցութեան վերընձիւղումից մինչեւ իր մահկանացուն կնքելը։ 25 տարւայ յարատեւ կռիւ հայ ժողովրդի իրաւունքների վերականգնման, յանուն Հայ Յեղափոխական Դաշնակցութեան»։ Այսպէս իր խօսքը եզրափակեց յարգելի դասախօսը։
161203d04cԾրագրի յաջորդ բաժնում ցուցադրւեց Վահան Յովհաննիսեանի յիշատակին պատրաստւած տեսանիւթը, ուր ներկայացւած էր նրա կեանքից ու գործունէութիւնից հատւածներ, որոնցով խորապէս յուզւեց հանդիսատեսը՝ նման ազնիւ ու հայրենասէր անհատականութեան վաղաժամ կորցնելու պատճառով։ Տեսանիւթն աւարտւեց մեր յուշերից անջնջելի Վահան Յովհաննիսեանի արտայայտութիւններով։
Ծրագրի գեղարւեստական բաժնում «Անի» նւագախմբի նւագակցութեամբ երգերով հանդէս եկաւ Կարէն Օհանեանը, որը հանդիսատեսին ներկայացաւ ազգային-յեղափոխական երգերի կատարմամբ։

Թղթակից (Նոր Ջուղա)
Լուսանկարիչ՝
ԳԵՒԻԿ ԽԱՉԱՏՐԵԱՆ

Յարակից Հրապարակումներ

  • Ժողովրդական տօնախմբութեամբ Նոր Ջուղայում նշւեց Շուշիի ազատագրման 25-ամեակը
    Ժողովրդական տօնախմբութեամբ Նոր Ջուղայում նշւեց Շուշիի ազատագրման 25-ամեակը

    Նախաձեռնութեամբ շրջանի Հայ Դատի «Արձագանք» քարոզչական յանձնախմբի, մայիսի 11-ի երեկոյեան, Նոր Ջուղայի Հայ Մ. Մ. «Արարատ» միութեան շրջափակում, կայացաւ Արցախ աշխարհի հինաւուրց բեդաքաղաք Շուշիի ազատագրման փառապանծ առիթի 25-ամեակին նւիրւած ժողովրդական տօնախմբութիւնը՝ Նոր Ջուղայի եւ Շահինշահրի հայ համայնքների անդամների մասնակցութեամբ։

  • Խաչքարի բացում՝ Նոր Ջուղայի Ս. Ամենափրկիչ վանքում
    Խաչքարի բացում՝ Նոր Ջուղայի Ս. Ամենափրկիչ վանքում

    Սպահանի հայոց թեմի Կրօնական խորհրդի նախաձեռնութեամբ, Նոր Ջուղայի առաջին առաջնորդ Մեսրոպ Արքեպիսկոպոսի եւ Սպահանի հայոց թեմի միւս առաջնորդների յիշատակին, Ս. Ամենափրկիչ վանքի շրջափակում կանգնեցւել է մի խաչքար՝ պատմական Ջուղայի խաչքարերից մէկի բնօրինակի համաձայն։

  • Շուշիի ազատագրման 25-ամեակին նւիրւած ժողովրդական տօնախմբութիւն՝ Նոր Ջուղայում
    Շուշիի ազատագրման 25-ամեակին նւիրւած ժողովրդական տօնախմբութիւն՝ Նոր Ջուղայում

    Մայիսի 11-ի երեկոյեան, Նոր Ջուղայի Հայ Մ. Մ. «Արարատ» միութեան շրջափակում, ժողովրդական տօնախմբութիւն կայացաւ՝ նւիրւած Շուշիի ազատագրման փառապանծ յաղթանակի 25-ամեակին։

  • Ջիւան Աւետիսեանի «Վերջին բնակիչը» ֆիլմը ցուցադրւեց Նոր Ջուղայում
    Ջիւան Աւետիսեանի «Վերջին բնակիչը» ֆիլմը ցուցադրւեց Նոր Ջուղայում

    Շուշիի ազատագրման 25-ամեակի առիթով, Հայ Դատի «Արձագանք» քարոզչական յանձնախմբի նախաձեռնութեամբ, չորեքշաբթի՝ մայիսի 10-ի երեկոյեան, Նոր Ջուղայի հայոց ազգ. կրթահամալիրի «Ալենուշ Տէրեան» սրահում, ցուցադրւեց կինոռեժիսոր Ջիւան Աւետիսեանի «Վերջին բնակիչը» գեղարւեստական ֆիլմը։

  • Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում
    Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում

    Ապրիլի 21-ին Շահինշահրի «Սրբոց Վարդանանց» դպրոցի շրջափակում, Հայոց Ցեղասպանութեան զոհերի յիշատակին կառուցւած յուշարձան-խաչքարի առջեւ, Սպահանի հայոց թեմի Կաթողիկոսական փոխանորդ գերպ. Տ. Սիփան ծ. վրդ. Քէչէճեանի նախագահութեամբ եւ Շահինշահրի հոգեւոր տեսուչ գերպ. Տ. Անանիա ծ. վրդ. Գուճանեանի եւ արժ. Տ. Սահակ քհնյ. Մինասեանի մասնակցութեամբ կայացաւ Սրբոց Նահատակացն Բարեխօսական կարգը:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։