Հա

Համայնք

Երկուշաբթի, 19 Դեկտեմբերի 2016 11:00

Հայաստանի «Օազիս» մնղաջախային թատրոնի ներկայացմամբ՝ մեկնարկը տրւեց Նոր Ջուղայի թատրոնի հիմնադրման 130-ամեակի յոբելեանական միջոցառումների

2017 թ. փետրւարին լրանում է Նոր Ջուղայի թատրոնի հիմնադրման 130-ամեակը։ Յոբելեանական այս առիթը պատշաճօրէն նշելու համար՝ Սպահանի հայոց թեմի Թեմական խորհուրդը կեանքի է կոչել յոբելեանական յանձնախումբ, որի կողմից ծրագրւած ձեռնարկների ու միջոցառումների շարանը մեկնարկեց հինգշաբթի, դեկտ. 8-ի երեկոյեան, Նոր Ջուղայի հայոց ազգային կրթահամալիրի «Ալենուշ Տէրեան» դահլիճում, Հայաստանից ժամանած «Օազիս» մնջախաղային թատերախմբի ներկայացմամբ։

2017 թւականի փետրւարին լրանում է Նոր Ջուղայի թատրոնի հիմնադրման 130-ամեակը։ Յոբելեանական այս առիթը պատշաճօրէն նշելու համար՝ Սպահանի հայոց թեմի Թեմական խորհուրդը կեանքի է կոչել յոբելեանական յանձնախումբ, որի կողմից ծրագրւած ձեռնարկների ու միջոցառումների շարանը մեկնարկեց հինգշաբթի, դեկտեմբերի 8-ի երեկոյեան, Նոր Ջուղայի հայոց ազգային կրթահամալիրի «Ալենուշ Տէրեան» դահլիճում, Հայաստանից ժամանած «Օազիս» մնջախաղային (Փանթոմիմ) թատերախմբի ներկայացմամբ։
Երեկոյին ներկայ էին՝ Սպահանի հայոց թեմի կաթողիկոսական փոխանորդ Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանը, քահանայից դասը, ազգային մարմինների, շրջանի Հայ Դատի յանձնախմբի, հայոց ազգային դպրոցների, միութիւնների ու մշակութային խմբերի ներկայացուցիչներ եւ հոծ թւով թատերասէր ժողովուրդ։
161219d02aԾրագրի բացումը կատարւեց յոբելեանական յանձնախմբի նախագահ Նիկիտ Միրզայեանցի խօսքով։ Նա սկզբում ներկաներին հրաւիրեց մէկ րոպէ յոտնկայս լռութեամբ յարգել սրանից 28 տարի առաջ՝ 1988 թւականին, Հայաստանում տեղի ունեցած ողբերգական երկրաշարժի զոհերի յիշատակը, այնուհետեւ իր խօսքի շարունակութեան մէջ անդրադարձ ունեցաւ Նոր Ջուղայում թատրոնի հիմնադրման պատմական անցեալին, ինչու չէ նաեւ ներկայացրեց «Օազիս» թատերախմբին ու խմբի բեմադրիչ Ռոբերտ Ծատուրեանին։ Պրն. Միրզայեանցը վերջում ընդգծելով, որ Իրանում առաջին կին աստղաֆիզիկոս Ալենուշ Տէրեանի մեծ հայրը՝ Բեգլար Աղայեանը, եղել է Նոր Ջուղայի թատրոնի հիմնադիրներից, հետաքրքիր զուգադիպութիւն համարեց, որ յոբելեանական առաջին ձեռնարկը տեղի է ունենում հէնց յիշեալի թոռան անւան դահլիճում եւ յոյս յայտնեց, որ սոյն միջոցառումը խթանելու է երիտասարդներին՝ թատրոնի ասպարէզում առաւել ներգրաւելու եւ ճիգ ու ջանք ներդնելու համար։
Բացման խօսքին յաջորդեց հետաքրքիր ներկայացումը, որտեղ մնջախօս շնորհաշատ դերասանների միջոցով մատուցւեց Շեքսպիրի աշխարհահռչակ ստեղծագործութիւններից մէկը՝ «Լիր արքայ»-ն։ Սոյն պիեսի համաձայն, հզօր արքայ Լիրը զգալով իր ծերութիւնը, որոշում է հրաժարւել իշխանութիւնից եւ երկիրը բաժանել իր երեք դուստրերի միջեւ։ Նա շռայլութիւն ցուցաբերելու համար՝ պահանջում է արքայադուստրերից յայտնել, թէ որքան են սիրում իրենց արքայ հօրը։ Խնդիրներն առաջանում են հէնց այս որոշումից, քանի որ երկու աւագ դուստրերը շողոքորթութեամբ են հանդէս գալիս, իսկ կրտսերը՝ միայն յայտնում է իր անկեղծ զգացմունքները՝ շնորհակալ լինելով իր հօրը՝ իրեն մեծացնելու եւ դաստիարակելու համար։ Թագաւորը զայրանում է կրտսեր աղջկայ չոր վերաբերմունքից եւ երկիրը բաժանում է երկու աւագների միջեւ. այստեղից էլ զարգանում է պիեսը՝ արքայ Լիրի համար առաջացող հետագայ դժբախտ դէպքերի շուրջ։
Ներկայացման աւարտին իր հայրական օրհնանքը փոխանցեց թեմի կաթողիկոսական փոխանորդ Տ. Սիփան ծ. վրդ. Քէչէճեանը։ Նա գնահատելով դերասաններին ու բեմադրիչին եւ յատկապէս յոբելեանական յանձնախմբին՝ երեկոն կազմակերպելու համար, դրւատանքով արտայայտւեց ներկայացման մասին՝ շեշտելով, որ հետաքրքիր կատարման շնորհիւ ժամանակը ակնթարթի պէս անցաւ։ Հայր Սուրբն անդրադառնալով նաեւ պիեսի պատմութեանը՝ գնահատեց հայ ազգի մօտ ձեւաւորւած աւանդոյթը՝ յետմահու կտակը բացելու եւ ժառանգութիւնը բաժանելու կապակցութեամբ։
Վերջում ազգային իշխանութեան անունից գրքերով ու նւէրներով պարգեւատրւեցին խմբի անդամները։
Հարկ է նշել, որ «Օազիս» թատերախումբը Իրան էր ժամանել Սպահանում կայացած «Հաշմանդամների թատրոնը» խորագրով 4-րդ միջազգային փառատօնի շրջագծում ելոյթ ունենալու համար։

Թղթակից (Նոր Ջուղա)
Լուսանկարները տրամադրեց
ԵՐԱՆՈՒՇ ԹԱՀՄԱԶԵԱՆԸ

Յարակից Հրապարակումներ

  • Ջաւախքին նւիրւած երեկոյ՝ Նոր Ջուղայում
    Ջաւախքին նւիրւած երեկոյ՝ Նոր Ջուղայում

    Շրջանի Հայ Դատի «Արձագանք» քարոզչական յանձնախումը Ջաւախքին նւիրւած իր միջոցառումների շրջագծում, ուրբաթ՝ 2017 թւականի հոկտեմբերի 13-ին, Նոր Ջուղայի Հայ Մ. Մ. «Արարատ» միութեան սրահում կազմակերպւեց բանախօսական-գեղարւեստական երեկոյ։ Միջոցառմանը ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, քահանայից դասի, շրջանի Հայ Դատի յանձնախմբի, ազգային մարմինների, միութիւնների ու հայոց ազգ. դպրոցների ներկայացուցիչներն ու ժողովուրդ։

  • Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգը՝ նւիրւած նոյն միութեան հիմնադրման 87-ամեակին
    Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգը՝ նւիրւած նոյն միութեան հիմնադրման 87-ամեակին

    Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգն իրականացաւ հինգշաբթի՝ 2017 թւականի հոկտեմբերի 5-ի երեկոյեան, Նոր Ջուղայի հայոց ազգ. կրթահամալիրի «Ալենուշ Տէրեան» դահլիճում։ Խանդավառ երեկոյին ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, ազգային մարմինների, միութիւնների եւ հայոց ազգ. դպրոցների ներկայացուցիչներն ու ժողովուրդ։ 

  • Սրբոց Թարգմանչաց տօնը նշւեց Նոր Ջուղայում
    Սրբոց Թարգմանչաց տօնը նշւեց Նոր Ջուղայում

    Շաբաթ, հոկտեմբերի 14-ի առաւօտեան, Սրբոց Թարգմանչաց տօնի առթիւ, նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի ս. եւ անմահ պատարագ մատուցւեց Նոր Ջուղայի «Ս. Յովհաննու» եկեղեցում։ Օրւայ պատարագիչ եւ քարոզիչ հայրն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը։ Հոծ թւով ժողովրդից բացի ս. պատարագին ներկայ էին նաեւ Նոր Ջուղայի հայոց ազգ. դպրոցների աշակերտութիւնն ու պատասխանատուները։ 

  • Նոր Ջուղայում նշւեց Ս. Գէորգ զօրավարի տօնը՝ երկօրեայ արարողութիւններով
    Նոր Ջուղայում նշւեց Ս. Գէորգ զօրավարի տօնը՝ երկօրեայ արարողութիւններով

    Ուրբաթ՝ եւ շաբաթ՝ 2017 թւականի հոկտեմբերի 6-ին եւ 7-ին, Ս. Գէորգ զօրավարի տօնի առթիւ երկօրեայ արարողութիւններ տեղի ունեցան Նոր Ջուղայի Ս. Գէորգ եկեղեցում։

  • Բարեգործական դաշտահանդէս Նոր Ջուղայում՝ Արցախին ու արցախահայութեանը զօրակցելու նպատակով
    Բարեգործական դաշտահանդէս Նոր Ջուղայում՝ Արցախին ու արցախահայութեանը զօրակցելու նպատակով

    Նոր Ջուղայի Հայ Կանանց Գթութեան եւ Հայ Մ. Մ. «Արարատ» միութիւնների համատեղ նախաձեռնութեամբ, հինգշաբթի՝ 2017 թւականի հոկտեմբերի 5-ի երեկոյեան, «Արարատ» միութեան շրջափակում տեղի ունեցաւ բարեգործական դաշտահանդէս, որի ամբողջ հասոյթը յատկացւելու է Արցախին եւ արցախահայութեանը զօրակցելու աշխատանքներին։

Ամենաշատ ընթերցւած

Քւէարկութիւն

Կը յաջողւի՞ արդեօք Իրաքեան Քուրդստանին հասնել անկախութեանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։