Հա

Համայնք

Շաբաթ, 07 Յունւարի 2017 11:10

Ս. Ամենափրկիչ վանքի «Կոմիտաս» երգչախմբի տարեկան համերգը՝ Նոր Ջուղայում

Աւելի քան 40 տարի վաստակ արձանագրած եւ բեղուն գործունէութիւն ծաւալած Ս. Ամենափրկիչ վանքի «Կոմիտաս» երգչախումբը 2016 թւականի իր տարեկան համերգն իրականացրեց դեկտեմբերի 23-ի երեկոյեան, Նոր Ջուղայի հայոց ազգային կրթահամալիրի «Ալենուշ Տէրեան» սրահում՝ ղեկավարութեամբ մայեստրօ Արմէն Ամիրխանեանի։ 

Աւելի քան 40 տարի վաստակ արձանագրած եւ բեղուն գործունէութիւն ծաւալած Ս. Ամենափրկիչ վանքի «Կոմիտաս» երգչախումբը 2016 թւականի իր տարեկան համերգն իրականացրեց դեկտեմբերի 23-ի երեկոյեան, Նոր Ջուղայի հայոց ազգային կրթահամալիրի «Ալենուշ Տէրեան» սրահում՝ ղեկավարութեամբ մայեստրօ Արմէն Ամիրխանեանի։ 
Համերգին ներկայ էին՝ Սպահանի հայոց թեմի կաթողիկոսական փոխանորդ Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանը, ազգային մարմինների եւ միութիւնների ներկայացուցիչներ ու ժողովուրդ։
Սկզբում ներկաներին ողջոյնի խօսք ասաց նոյն երգչախմբի անդամուհի Լալագէ Իսաղուլեանը, ով նաեւ ընթացքում իրազեկեց կատարւող իւրաքանչիւր համարի մասին։
Համերգային ելոյթի շրջագծում կոմիտասցիներն անզուգականօրէն կատարեցին Կոմիտասի «Կուժն առայ», «Գնա, գնա» եւ «Երկնից, գետնից» ստեղծագործութիւնները, Էդգար Յովհաննիսեանի «Անուշ անուրջով»-ը, «Էրզրումի շորոր»-ը՝ Գէորգ Մանասեանի երաժշտութեամբ, Ռոբերտ Պետրոսեանի «Ֆանտազիա» եւ «Մուսա լեռան կարօտը» երգերն ու Ալեքսանդր Յարութիւնեանի «Պոէմ երգի մասին» ստեղծագործութիւնը, իսկ ընթացքում երգչախմբի արական սեռի ներկայացուցիչների կատարմամբ ժողովրդական երգերից հնչեցին «Լուսնակ գիշեր»-ը՝ Թաթուլ Ալթունեանի եւ «Աղջիկ դու սիրուն»-ը Կարա Մուրզայի մշակմամբ։

Աւարտին Սպահանի հայոց թեմի կաթողիկոսական փոխանորդ Տ. Սիփան ծ. վրդ. Քէչէճեանն իր հայրական պատգամը փոխանցեց ներկաներին։ Նա դրւատանքով արտայայտւեց երգչախմբի կատարումների մասին եւ աւելացրեց, որ անհամբերութեամբ է սպասել այս համերգային ելոյթին։ Հայր Սուրբն անդրադառնալով յատկապէս խմբի առաջին երգին, որը գիւղացու կողմից առ Աստւած բարձրացւած աղօթք է, նման երգի ընտրութիւնը որպէս երեկոյի մեկնարկ, օրհնաբեր համարեց եւ այդ կապակցութեամբ գնահատեց ղեկավարի գեղեցիկ մտայղացումը։ Տ. Սիփան ծ. վրդ. Քէչէճեանն իր արտայայտութիւնները եզրափակեց շնորհաւորանքի, քաջալերանքի եւ գնահատանքի խօսքերով։
Վերջում ընդունւած կարգի համաձայն՝ կոմիտասցիները կատարեցին նաեւ իրենց յաջորդ համերգից մի հատւած՝ Վիվալդիի «Գլորիա»-ն։
Երգերի գործիքաւորումները կատարւել էին Րաֆֆի Շահբազեանի եւ Հարմա Կարապետեանի միջոցով։

Թղթակից (Նոր Ջուղա)
Լուսանկարները տրամադրեց ՀԱՅԿ ԽՈՍՐՈՎԵԱՆԸ

Յարակից Հրապարակումներ

  • Մայրերի մեծարման երեկոյ Նոր Ջուղայում
    Մայրերի մեծարման երեկոյ Նոր Ջուղայում

    Նախաձեռնութեամբ Նոր Ջուղայի Հայուհեաց Բարեգործական ընկերութեան շաբաթ՝ թւականիս ապրիլի 7-ի երեկոյեան, Ն. Ջ. Հայ Մ. Մ. «Արարատ» միութեան դահլիճում նշւեց Մայրերի տօնը՝ ՀՀ հիմնադրման 100-ամեակին նւիրւած։ 

  • Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում
    Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում

    Ծաղկազարդը՝ Քրիստոսի Երուսաղէմ կատարած յաղթական մուտքի յիշատակման տօնը՝ հանդիսութեամբ նշւեց Նոր Ջուղայի Ս. Մինաս, Ս. Ստեփանոս, Ս. Գրիգոր Լուսաւորիչ եւ Ս. Յովհաննու Կարապետ ու Շահինշահրի Սրբոց Վարդանանց եկեղեցիներում, կիրակի՝ մարտի 25-ի առաւօտեան։

  • Սպահանի հայոց թեմի առաջնորդի Ս. Զատկւայ պատգամը
    Սպահանի հայոց թեմի առաջնորդի Ս. Զատկւայ պատգամը

    Նոր Կտակարանի բոլոր Աւետարանները, անխտիր, պատմում են Քրիստոսի երկրաւոր կեանքի ամենահիմնական եւ ամենից էական բաժինը՝ Յարութեան դէպքը։ Իր խորքի մէջ թէեւ ընդհանրական, սակայն իւրաքանչիւր Աւետարան իրեն իւրայատուկ նուրբ ու փոքր տարբերութիւններով ներկայացրել են Քրիստոսի Յարութեան դէպքը, այնպիսի «տարբերութեամբ», որ կարծէք մէկը միւսին ամբողջացնում է։

  • Սպահանի հայոց թեմի Կրօնական խորհրդի նախաձեռնութեամբ հոգեւոր երգերի համերգ՝ Նոր Ջուղայում
    Սպահանի հայոց թեմի Կրօնական խորհրդի նախաձեռնութեամբ հոգեւոր երգերի համերգ՝ Նոր Ջուղայում

    Սպահանի հայոց թեմի Կրօնական խորհրդի նախաձեռնութեամբ եւ Քրիստոնէական դաստիարակութեան խորհրդի կազմակերպութեամբ, չորեքշաբթի՝ 2018 թւականի մարտի 7-ի երեկոյեան, Նոր Ջուղայի Հայ Մ.Մ. «Արարատ» միութեան սրահում տեղի ունեցաւ հոգեւոր երգերի համերգ, ուր ընդգրկւած էին տաղեր, շարականներ, մեղեդիներ եւ հոգեւոր երգեր։

  • Ցաւակցագիր
    Ցաւակցագիր

    Մեծ կսկիծով մամուլից իմացանք այն ողբերգական լուրը, որ պատահել է անցնող առաւօտեան ժամը 08:50-ին, երբ «Ասեման» աւիաընկերութեան Թեհրան-Եասուջ չւերթն իրականացնող ինքնաթիռը կործանւել է Թեհրանի «Մեհրաբադ» օդանաւակայանը լքելուց 50 րոպէ անց:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։