Հա

Համայնք

Երկուշաբթի, 30 Յունւարի 2017 14:30

Միհրան Թորոսեանի «Սար»-ը՝ Նոր Ջուղայում

Նոր Ջուղայի Հ. Մ. Մ. «Արարատ» միութեան Կենտրոնական վարչութեան հրաւէրով, յունւարի 27-ին միութեան դահլիճում բեմադրւեց «Ֆաջր» թատերական 35-րդ միջազգային փառատօնի շրջանակներում ներկայացւած «Սար» թատերգութիւնը:

Նոր Ջուղայի Հ. Մ. Մ. «Արարատ» միութեան Կենտրոնական վարչութեան հրաւէրով, յունւարի 27-ին միութեան դահլիճում բեմադրւեց «Ֆաջր» թատերական 35-րդ միջազգային փառատօնի շրջանակներում ներկայացւած «Սար» թատերգութիւնը:

Ներկայացման դրամատուրգ, բեմադրիչ եւ դերասան Միհրան Թորոսեանը իւրովի մօտեցումով՝ մեկնաբանեց Հայ ժողովրդի կազմաւորումը եւ նրա ապրած կեանքի վերիվայրումները, ապա իրականացւած Հայոց Ցեղասպանութիւնն ու նրա հետեւանքով Սփիւռքի ձեւաւորումը: Ներկայացումը շարունակւեց հայոց պատմութեան հետագայ զարգացումներով եւ շեշտը դրւեց միասնութեան գաղափարի վրայ, ինչը աւարտւեց վերածնունդը ներկայացնող խորհրդանիշով եւ հայ ժողովրդի յաւերժութեան եւ լուսաւոր ու պայծառ ապագայ ունենալու պատգամով:

Այդ բոլորը սիմւոլիկ կերպով կատարւեց «Սրբազան լեռան» լեզւով, առանց բառերի, լուռ ու անխօս, սակայն նոյն լռութեան մէջ հզօր եւ խօսուն հոգեվիճակով եւ երաժշտական հետաքրքիր լուծումներով փոխանցւեց ներկայացման հիմքում ընկած պատգամը եւ յաջողւեց հանդիսատեսին ներքաշել պատմութեան մէջ, ապրել այդ բոլորը եւ հմայւել ներկայացման բարձր կատարողականութեամբ:

Յուզիչ եւ խոր տպաւորութիւն թողած ներկայացման աւարտին, հանդիսատեսին ողջունեց միութեան Կենտրոնական վարչութեան անդամ Մանիա Ղուկասեանը, ով ներկայացրեց «Ոտաբիբիկներ» անւան թատերախմբի գեղարւեստական ղեկավար՝ Միհրան Թորոսեանին եւ նրան ընկերակցող երաժշտական ձեւաւորող եւ համադրող «Ուստա Սարօ»-ին եւ նրա միւս ընկերներին՝ անդրադառնալով Իրան ժամանելու խմբի նպատակին: Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանի, թեմի Պատգամաւորական ժողովի եւ Թեմական խորհրդի ատենապետների եւ միութեան Կենտրոնական վարչութեան նախագահի ձեռամբ յուշանւէր յանձնւեց թատերախմբի անձնակազմին:

Մ. Թորոսեանի առաջարկով տեղի ունեցաւ զրոյց հանդիսատեսի հետ: Այս բաժնում նախ Միհրանը հակիրճ կերպով տեղեկութիւններ փոխանցեց թատերախմբի եւ նրա գործունէութեան եւ Պոլսի հայկական համայնքի ու կառոյցների մասին, այնուհետեւ ներկաներն իրենց տեսակէտը յայտնեցին բեմադրութեան մասին եւ հարցումներ ուղղեցին հայ-թրքական յարաբերութիւնների շուրջ, որոնց պատասխանեցին բեմադրիչն ու նրան ընկերակցող խմբի անդամները:

Երեկոյի եզրափակիչ խօսքը վերապահւած էր Տ. Անանիա ծ. վրդ. Գուճանեանին, ով Սպահանի հայոց թեմի ազգային իշխանութեան եւ ժողովրդի անունից ողջունեց խմբի ներկայութիւնը եւ իր ուրախութիւնը յայտնեց գեղեցիկ, բարդ եւ միաժամանակ դիւրըմբռնելի ներկայացման համար եւ ասաց, որ մեր՝ Սպահանի հայոց թեմի զաւակների սրտում եւ կեանքում միշտ տեղ է ունեցել Հայոց Ցեղասպանութիւնն ու «Արարատ» լեռը. Մենք նրանցով ապրել, շնչել եւ թրծւել ենք եւ դրա պատճառով էր, որ այն ինչ ներկայացւեց, մեզ համար դիւրին եղաւ ըմբռնել, հասկանալ եւ ապրել այդ բոլորը: Հայր Սուրբը նաեւ իր շնորհակալութիւններն ու երախտագիտութիւնը յայտնեց ներկայացմանը մասնակից արւեստագէտ երիտասարդներին, ովքեր իրենց ուսերի վրայ վերցնելով ամէն տեսակ վտանգ պայքարում են անխօս ներկայացման միջոցով եւ ասաց. «Մենք գլուխ են խոնարհում Ձեր առջեւ եւ վստահ եղէք, որ մեր թեմի ազգային իշխանութիւնը, մեր համայնքը եւ մեր ժողովուրդը միշտ լինելու է Ձեր կողքին»:

Նոր Ջուղայի Հայ Մ. Մ. «Արարատ» միութեան
թղթակից՝ Երանուշ Թահմազեան
Լուսանկարները՝ հեղինակի

 

Յարակից Հրապարակումներ

  • Ս. Ամենափրկիչ վանքի 18-ամեայ «Տաթեւ» երգչախմբի տարեկան համերգը՝ Նոր Ջուղայում
    Ս. Ամենափրկիչ վանքի 18-ամեայ «Տաթեւ» երգչախմբի տարեկան համերգը՝ Նոր Ջուղայում

    Տարիներ շարունակ բազմաթիւ բեմերից աշխոյժ ելոյթ ծաւալած Ս. Ամենափրկիչ վանքի «Տաթեւ» երգչախումբը բոլորեց իր 18-ամեակը։ 

    Սպահանի հայոց թեմի Կրօնական խորհրդի նախաձեռնութեամբ հիմնադրւած եւ մինչեւ այսօր նոյն խորհրդի հովանաւորութիւնը վայելած այս երգչախումբն անցնող 18 տարիների ընթացքում իր գործունէութեամբ արժանացել է արւեստասէր հանդիսատեսի գովեստին ու համակրանքին՝ ոչ միայն իր երիտասարդ անդամ-ուհիների գերազանց կատարումների, այլեւ նոյնպէս երիտասարդ ղեկավար մայեստրօ Համիկ Ալեքսանդրեանի անվերապահ ջանքերի շնորհիւ։

  • Նոր Ջուղայի Ս. Գրիգոր Լուսաւորիչ եկեղեցում նշւեց Աբգար թագաւորի տօնը
    Նոր Ջուղայի Ս. Գրիգոր Լուսաւորիչ եկեղեցում նշւեց Աբգար թագաւորի տօնը

    Երեքշաբթի՝ 2017 թւականի նոյեմբերի 5-ի առաւօտեան, ի յիշատակ Աբգար նախավկայ թագաւորի, ս. եւ անմահ պատարագ մատուցւեց Նոր Ջուղայի Ս. Գրիգոր Լուսաւորիչ եկեղեցում՝ նախագահութեամբ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի։

  • Այցելութիւն՝ Նոր Ջուղայի Ս. Ամենափրկիչ վանք
    Այցելութիւն՝ Նոր Ջուղայի Ս. Ամենափրկիչ վանք

    Երեքշաբթի, 2017 թ. նոյեմբերի 28-ի առաւօտեան Շահինշահրի «Սրբոց Վարդանանց» դպրոցի տեսչութեան նախաձեռնութեամբ, եւ ուսուցչական կազմի ու ծնողական խորհրդի համագործակցութեամբ աշակերտ-ուհիների համար այցելութիւն էր կազմակերպւել Նոր Ջուղայի Ս. Ամենափրկիչ վանք:

  • Ն. Ջ. Հայ Մ. Մ. «Արարատ» միութեան Շահինշահրի մասնաճիւղի նորակառոյց կենտրոնատեղիի բացման հանդիսութիւն
    Ն. Ջ. Հայ Մ. Մ. «Արարատ» միութեան Շահինշահրի մասնաճիւղի նորակառոյց կենտրոնատեղիի բացման հանդիսութիւն

    Նոյեմբերի 3-ի Շահինշահրում տեղի ունեցաւ Նոր Ջուղայի Հ. Մ. Մ. «Արարատ» միութեան Շահինշահրի մասնաճիւղի նորակերտ կենտրոնատեղիի բացման հանդիսութիւնը՝ ներկայութեամբ Սպահանի Հայոց Թեմի թեմակալ առաջնորդ Տ. Սիփան ծ. վրդ. Քէչէճեանի, Շահինշահրի հոգեւոր տեսուչ Տ. Անանիա ծ. վրդ. Գուճանեանի, Տ. Սահակ քհնյ. Մինասեանի, Իսլ. խորհրդարանում Սպահանի եւ հարաւային իրանահայութեան պատգամաւոր Ժորժիկ Աբրահամեանի, Թեմի Ազգային իշխանութեան մարմինների եւ ենթամարմինների ներկայացուցիչների եւ հոծ թւով հայորդիների: 

  • Հանդիպում Շահինշահրի հոգեւոր տեսուչ Տ. Անանաիա ծ. վրդ. Գուճանեանի հետ
    Հանդիպում Շահինշահրի հոգեւոր տեսուչ Տ. Անանաիա ծ. վրդ. Գուճանեանի հետ

    Չորեքշաբթի՝ 2017 թւականի նոյեմբերի 9-ի երեկոյեան ժամը 7:00-ին՝ Նոր Ջուղայի Հայ մարզա-մշակութային «Արարատ» միութեան Շահինշահրի մասնաճիւղը քաղաքավարական այցով հանդիպում ունեցաւ Շահինշահրի հոգեւոր տեսուչ Տ. Անանիա ծ. վրդ. Գուճանեանի հետ:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։