Հա

Համայնք

Չորեքշաբթի, 01 Փետրւարի 2017 09:50

Այցելութիւն՝ Շահինշահրի հայոց ազգային «Նարեկ» մանկապարտէզ-նախակրթարան

Յունւարի 21-ին, Ս. Ծննդեան տօների առիթով Շահինշահրի Հայ կանանց եկեղեցասիրաց միութեան անդամները համայնքի հոգեւոր հովիւ Տ. Սահակ քհնյ. Մինասեանի ուղեկցութեամբ այցելեցին համայնքի «Նարեկ» մանկապարտէզ-նախակրթարանը: 

«ԱԼԻՔ» - Յունւարի 21-ին, Ս. Ծննդեան տօների առիթով Շահինշահրի Հայ կանանց եկեղեցասիրաց միութեան անդամները համայնքի հոգեւոր հովիւ Տ. Սահակ քհնյ. Մինասեանի ուղեկցութեամբ այցելեցին համայնքի «Նարեկ» մանկապարտէզ-նախակրթարանը: Այս մասին տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Դպրոցի տեսչուհի Կարինէ Մինասքանեանի բարիգալստեան խօսքին յաջորդեց սաների երգի ու ասմունքի գեղեցիկ ելոյթը: Այնուհետեւ քհնյ. Հայրը առիթը պատեհ համարելով կատարեց օրհնանքի կարգը՝ օրհնելով հացը, աղն ու ջուրը բացատրելով այդ խորհրդի իմաստը:

Յաջորդիւ միութեան ատենապետ Լինա Մովսիսեանը շնորհաւորելով բոլորին Ամանորեայ եւ Ս. Ծննդեան տօների կապակցութեամբ՝ բարձր գնահատեց դպրոցի անձնակազմի եւ ծնողական խորհրդի ծաւալած աշխատանքը՝ հայ մանկանը հայեցի կրթելու եւ դաստիարակելու նւիրական գործում:

Միութիւնը Ամանորի առիթով պատրաստել էր գեղեցիկ նւէրներ դպրոցի սաների համար, որոնք նրանց նւիրեց քահանայ հայրը:

Դպրոցի անձնակազմը սիրով պատասխանեց միութեան անդամուհիների կողմից կրթա-դաստիարակչական աշխատանքների մասին հնչած հարցերին եւ յստակ պատկեր ներկայացրեց իրականացւած գործունէութեան կապակցութեամբ:

           

Յարակից Հրապարակումներ

Ամենաշատ ընթերցւած

Քւէարկութիւն

Խորհրդարանը կը վստահի՞ արդեօք 12-րդ կառավարութեան կազմին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։