Հա

Համայնք

Երեքշաբթի, 14 Փետրւարի 2017 09:20

Երկօրեայ արարողութիւններով Նոր Ջուղայում նշւեցին Ս. Սարգիս Զօրավարի եւ համանանուն եկեղեցու անւանակոչութեան տօները

Փետրւարի 10-ին եւ 11-ին, հոգեզմայլ արարողութիւնների մատուցմամբ ու հոծ թւով հաւատացեալ ժողովրդի ներկայութեամբ, Նոր Ջուղայի Ս. Սարգիս եկեղեցում, նշւեցին Ս. Սարգիս Զօրավարի եւ համանանուն եկեղեցու անւանակոչութեան տօները։ Այս մասին տեղակցնում է Նոր Ջուղայի մեր թղթակիցը:

«ԱԼԻՔ» - Փետրւարի 10-ին եւ 11-ին, հոգեզմայլ արարողութիւնների մատուցմամբ ու հոծ թւով հաւատացեալ ժողովրդի ներկայութեամբ, Նոր Ջուղայի Ս. Սարգիս եկեղեցում, նշւեցին Ս. Սարգիս Զօրավարի եւ համանանուն եկեղեցու անւանակոչութեան տօները։ Այս մասին տեղակցնում է Նոր Ջուղայի մեր թղթակիցը:

Հանդիսաւոր արարողութիւններն իրականացւեցին Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանի նախագահութեամբ եւ թեմի հոգեւորականաց ու դպրաց դասերի մասնակցութեամբ։

Հոգեւոր արարողութիւնների շարանն սկիզբ առաւ ուրբաթ՝ յետմիջօրէի ժամը 3։00-ին, եկեղեցու շրջափակում՝ աղօրհնէքի եւ ոչխարների զենման ծիսակարգերի կատարմամբ։

Նոյն օրը երեկոյեան ժամը 6։00-ին, տեղի ունեցաւ Հսկումի արարողութիւն, ուր Հայր Սուրբը ներկաներին փոխանցեց իր պատգամը։

Այնուհետեւ Հայր Սուրբը դիմելով եկեղեցում ներկայ Իրանի Իսլ. Հանրապետութեան զինւած ուժերում ծառայող թեմի զաւակներին, ովքեր հրաւիրւել էին մասնակցելու Կրօնական խորհրդի նախաձեռնութեամբ սոյն տօնի առթիւ կազմակերպւած զինւորների օրհնութեան կարգին, ասաց «Դուք այստեղ հրաւիրւել էք որպէս Ս. Սարգսի ազգային հերոսի խորհրդանիշ։ Եթէ այսօր դուք ծառայում էք ազգին, երկրին եւ հողին, մենք էլ ձեր կողքին, ձեզանից ուժ վերցնելով՝ ծառայում ենք Աստծուն, եկեղեցուն եւ ժողովրդին»։

Ապա երիտասարդ զինւորները ծնկի եկան խորանի առջեւ՝ օրհնութիւն ստանալու համար, որից յետոյ բոլորը համախմբւեցին եկեղեցու բակում, ուր յանուն թեմի ազգային իշխանութեան ողջոյնի խօսք ասաց Կրօնական խորհրդի ատենապետ Վարուժ Մովսիսեանը։

Շարունակութեան մէջ արտայայտւեց ազգային-հասարակական գործիչ Թաթուլ Օհանեանը, ով իր խորին շնորհակալութիւնը յայտնելով խորհրդին՝ այս գեղեցիկ մտայղացման համար:

Վերջում Հայր Սուրբի եւ ազգային մարմինների ներկայացուցիչների միջոցով  Կրօնական խորհրդի կողմից նւէրներ շնորհւեցին դերզօրավար Արտիկ Մելիքեանին, ներկայ զինւորներին, իսկ բացակայութեան պարագային՝ նրանց ծնողներին։

Փետրւարի 11-ի առաւօտեան, սոյն տօնի առթիւ, ձեռամբ Տ. Անանիա ծ. վրդ. Գուճանեանի մատուցւեց սուրբ եւ անմահ պատարագ։ Երգեցողութիւնը կատարեց Ս. Ամենափրկչեան վանքի «Կոմիտաս» երգչախումբը՝ ղեկավարութեամբ Արմէն Ամիրխանեանի։

Պատարագին ներկայ էին նաեւ հայոց ազգ. «Արմէն» երկսեռ տարրական կրթահամալիրի 6-րդ դասարանի աշակերտ-ուհիները՝ իրենց ուսուցիչների եւ ծնողական խորհրդի ընկերակցութեամբ։

Ընթացքում յաւուր պատշաճի քարոզեց Հայր Սուրբը, որից յետոյ նա շնորհաւորանքի խօսք ասաց Ս. Սարգիս Զօրավարի եւ համանուն եկեղեցու անւանակոչութեան տօների առթիւ, իսկ արարողութիւնների կազմակերպման եւ իրականացման համար գնահատեց հոգեւորականաց ու դպրաց դասերին, Կրօնական խորհրդին, Նոր Ջուղայի Հայոց Առաքելական եկեղեցեաց վարչութեանը, եկեղեցու տիկնանց յանձնախմբին, հարիսայի պատրաստման յանձնախմբին, երգչախմբին եւ յատկապէս հաւատացեալ ժողովրդին ու տօնի առթիւ մատաղ կամ նիւթական նւէրներով նւիրատւութիւն կատարած անհատներին։

Վերջում Ս. Սարգիս Զօրավարի աջով կատարւեց ջրօրհնէքի արարողութիւն, ապա բոլորը համախմբւեցին եկեղեցու բակում, ուր օրհնւեց նաեւ պատրաստւած հարիսան եւ  բաժանւեց ժողովրդին։

Յարակից Հրապարակումներ

  • Աշակերտական գիտելիքների մրցոյթ Նոր Ջուղայում՝ «Հայկական խաչքարեր» թեմայով
    Աշակերտական գիտելիքների մրցոյթ Նոր Ջուղայում՝ «Հայկական խաչքարեր» թեմայով

    Սպահանի հայոց թեմի Կրօնական խորհուրդն մատաղ սերնդին հայկական մշակոյթին՝ ի մասնաւորի խաչքարերին առաւել ծանօթացնելու նպատակով, այս անգա ձեռնամուխ եղաւ համագործակցաբար հայոց ազգ. «Քանանեան» աղջկանց ու «Կատարինեան» տղայոց միջնակարգ դպրոցների տնօրինութիւնների եւ ուսուցչական կազմերի, կազմակերպել աշակերտական գիտելիքների մրցոյթ՝ «Հայկական խաչքարեր» խորագրով։

  • Նոր Ջուղայի Ս. Կատարինեան Կուսանանց վանքում նշւեց՝ Ս. Հռիփսիմեանց եւ Ս. Գայիանեանց կոյսերի տօնը
    Նոր Ջուղայի Ս. Կատարինեան Կուսանանց վանքում նշւեց՝ Ս. Հռիփսիմեանց եւ Ս. Գայիանեանց կոյսերի տօնը

    Ս. Հռիփսիմեանց եւ Ս. Գայիանեանց կուսանաց տօնի առթիւ, երկուշաբթի՝ յունիսի 12- առաւօտեան, նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի, ս. եւ անմահ պատարագ մատուցւեց Նոր Ջուղայի Ս. Կատարինեան Կուսանաց վանքի եկեղեցում՝ միեւնոյն ժամանակ նշելով նաեւ նոյն եկեղեցու անւանակոչութեան տօնը։ Օրւայ պատարագիչ հայրն էր՝ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը։

  • Հոգեհանգստեան պաշտօն՝ 1918 թւականի մայիսեան հերոսամարտերի նահատակների յիշատակին
    Հոգեհանգստեան պաշտօն՝ 1918 թւականի մայիսեան հերոսամարտերի նահատակների յիշատակին

    Մայիսի 28-ի առաւօտեան, Նոր Ջուղայի Ս. Ստեփանոս եկեղեցում, կիրակնօրեայ ս. եւ անմահ պատարագ մատուցւեց ձեռամբ արժ. Տ. Մեսրոպ աւ. քհնյ. Գալստանեանի եւ երգեցողութեամբ Ս. Ամենափրկիչ վանքի «Կոմիտաս» երգչախմբի։ Արարողութեանը նախագահեց Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը։ Ս. պատարագին ներկայ էին նաեւ թեմիս հոգեւորականաց ու դպրաց դասերը եւ հոծ թւով ժողովուրդ։

  • Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում
    Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում

    Ապրիլի 21-ին Շահինշահրի «Սրբոց Վարդանանց» դպրոցի շրջափակում, Հայոց Ցեղասպանութեան զոհերի յիշատակին կառուցւած յուշարձան-խաչքարի առջեւ, Սպահանի հայոց թեմի Կաթողիկոսական փոխանորդ գերպ. Տ. Սիփան ծ. վրդ. Քէչէճեանի նախագահութեամբ եւ Շահինշահրի հոգեւոր տեսուչ գերպ. Տ. Անանիա ծ. վրդ. Գուճանեանի եւ արժ. Տ. Սահակ քհնյ. Մինասեանի մասնակցութեամբ կայացաւ Սրբոց Նահատակացն Բարեխօսական կարգը:

  • Նոր Ջուղայում տեղի ունեցաւ Հայոց Ցեղասպանութեան 102-րդ տարելիցին նւիրւած դասախօսական-գեղարւեստական միջոցառում
    Նոր Ջուղայում տեղի ունեցաւ Հայոց Ցեղասպանութեան 102-րդ տարելիցին նւիրւած դասախօսական-գեղարւեստական միջոցառում

    Երեկոյին ներկայ էին՝ թեմիս կաթողիկոսական փոխանորդ գերպ. Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, քահանայից դասը, Հայաստանից հրաւիրւած բանասիրական գիտութիւնների դոկտոր եւ Մանուկ Աբեղեանի անւան գրականութեան ինստիտուտի տնօրէն Վարդան Դեւրիկեանը, ազգային մարմինների ու շրջանի Հայ Դատի յանձնախմբի ներկայացուցիչներ եւ հոծ ժողովուրդ։

Ամենաշատ ընթերցւած

Քւէարկութիւն

Խորհրդարանը կը վստահի՞ արդեօք 12-րդ կառավարութեան կազմին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։