Հա

Համայնք

Չորեքշաբթի, 22 Փետրւարի 2017 08:07

Սպահանի հայոց թեմի 16-րդ նստաշրջանի Պատգամաւորական ժողովի եւ Շահինշահրի հայ համայնքի վարչութեան 10-րդ շրջանի ընտրութիւններին մասնակցող Շահինշահրի թեկնածուների հանդիպումը ժողովրդի հետ

Սպահանի հայոց թեմի 16-րդ նստաշրջանի Պատգամաւորական ժողովի եւ Շահինշահրի հայ համայնքի վարչութեան 10-րդ շրջանի Ընտրական յանձնախմբի կազմակերպութեամբ եւ համայնքի հոգեւոր տեսուչ Տ. Անանիա ծ. վրդ. Գուճանեանի ներկայութեամբ, փետրւարի 16-ին Շահինշահրի «Սրբոց Վարդանանց» դպրոցի սարհում, համայնքի 10  թեկնածուները հանդիպեցին ժողովրդի հետ:

«alikonline.ir» - Սպահանի հայոց թեմի 16-րդ նստաշրջանի Պատգամաւորական ժողովի եւ Շահինշահրի հայ համայնքի վարչութեան 10-րդ շրջանի Ընտրական յանձնախմբի կազմակերպութեամբ եւ համայնքի հոգեւոր տեսուչ Տ. Անանիա ծ. վրդ. Գուճանեանի ներկայութեամբ, փետրւարի 16-ին Շահինշահրի «Սրբոց Վարդանանց» դպրոցի սարհում, համայնքի 10  թեկնածուները հանդիպեցին ժողովրդի հետ: Այս մասին տեղեկացնում է Շահինշահրի հայ համայնքի թղթակից՝ Վ. Յարութիւնեանը:

Թեմիս Պատգամաւորական ժողովի ընտրութեանը իրենց թեկնածութիւնն են առաջադրել 3, իսկ համայնքի վարչութեանը՝ 7 թեկնածուներ՝ հետեւեալ ընտրացանկով ըստ այբբենական կարգի.

Պատգամաւորական ժողովի թեկնածուներ.

1. Թորոսեան Մելինէ

2. Յարութիւնեան Վիոլետ

3. Քեշիշեան Մառիթա

Հայ համայնքի վարչութեան թեկնածուներ՝

1. Բաբումեան Էդւին

2. Թահմազեան Ջանիկ

3. Թահմազեան Ստեփանոս

4. Թորոսեան Ռայմոնդ

5. Հախնազարեան Արմոնդ

6. Միրզախանեան Գառնիկ

7. Շիրւանեան Մելքոն

Ծրագրի ընթացքում, սկզբում թեկնածուներն առանձնաբար ներկայացրին իրենց կենսագրականն ու ծրագրերը, ապա երկրորդ բաժնում պատասխանեցին ներկաներին յուզող հարցերին: 

Հանդիպումը վարեցին Ընտրական յանձնախմբի ներկայացուցիչներ Եղիշ Աղախանեանը, Վարդուհի Պօղոսեանն ու Էմմա Օրդուբէգեանը:

Հանդիպման աւարտին իր եզրափակիչ խօսքով հանդէս եկաւ Հայր Սուրբը, ով իր կոչն ուղղելով ներկաներին՝ հրաւիրեց բոլորին միասնական եւ միահամուռ մասնակցեն ընտրութիւններին՝ ի շահ Թեմի եւ հետեւաբար համայնքի բարգաւաճմանն ու բարօրութեանը:

Յատկանշելի է, որ Շահինշահրի հայ համայնքի վարչութեան նախաձեռնութեամբ՝ «Սրբոց Վարդանանց» դպրոցի շրջափակում ստեղծւել են հնարաւորութիւններ, որպէսզի բոլոր թեկնածուները հաւասարապէս կարողանան օգտագործեն դրանք՝ իրենց քարոզարշաւը կազմակերպելու համար:

Նշեալ երկու ընտրութիւններն էլ կայանալու են փետրւարի 24-ին, «Սրբոց Վարդանանց» դպրոցի շրջափակում:

Լուսանկարները՝ Գեւիկ Խաչատրեանի

Յարակից Հրապարակումներ

Ամենաշատ ընթերցւած

Քւէարկութիւն

Տնտեսական առումով ինչպիսի՞ն կը լինի իրանական 1396 տարին:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։