Հա

Համայնք

Շաբաթ, 25 Փետրւարի 2017 10:13

Ժողովրդի ակտիւ մասնակցութեամբ կայացան Սպահանի հայոց թեմի 16-րդ նստաշրջանի Պատգամաւորական ժողովի ընտրութիւնները

Երէկ՝ փետրւարի 24-ին, Սպահանի հայոց թեմի չորս ընտրատարածքներում՝ Նոր Ջուղայում, Շահինշահրում, Շիրազում եւ Փերիայում կայացան թեմի 16-րդ նստաշրջանի Պատգամաւորական ժողովի ընտրութիւնները։ Այս մասին տեղեկացնում Նոր Ջուղայի մեր թղթակիցը:

«alikonline.ir» - Երէկ՝ փետրւարի 24-ին, Սպահանի հայոց թեմի չորս ընտրատարածքներում՝ Նոր Ջուղայում, Շահինշահրում, Շիրազում եւ Փերիայում կայացան թեմի 16-րդ նստաշրջանի Պատգամաւորական ժողովի ընտրութիւնները։ Այս մասին տեղեկացնում Նոր Ջուղայի մեր թղթակիցը:

Նոր Ջուղայի ընտրատարածքում քւէարկութիւնը մեկնարկեց առաւօտեան ժամը 8-ին՝ նախատեսւած երկու ընտրատեղամասերում։ Ժողովորդը խուռներամ շարքերով մասնակցելով ընտրութիւններին՝ յառաջիկայ չորս տարիների համար ընտրեց այս նստաշրջանի 12 պատգամաւորներին։ 

Միջօրէից առաջ Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանը, Տ. Վազգէն քհնյ. Քէօշկէրեանը, Սպահանի հայոց թեմի Պատգամաւորական ժողովի դիւանի, Կրօնական եւ Թեմական խորհուրդների ատենապետերը, շրջանի Հայ Դատի յանձնախմբի ներկայացուցիչն ու Նոր Ջուղայի ընտրատարածքի թեկնածուները միասնաբար ներկայացան Չհարսու պողոտայի ընտրատեղամաս («Կատարինեան» դպրոցի նախկին շէնք), որտեղ էլ քւէարկեցին։ Միւս ընտրատեղամասում կատարւող աշխատանքին ծանօթանալու նպատակով՝ վերոնշեալ պատւիարակութիւնն այցելեց նաեւ «Արմէն» դպրոց։

Նշենք նաեւ կէսօրից յետոյ ժամը 3-ին, «Արմէն» դպրոցի ընտրատեղամասի քւէատուփը շուրջ մէկ ժամով փոխադրւեց հայոց ազգ. ծերանոց՝ սոյն հանգստի տան բնակիչներին առիթ ընձեռելով իրենց ազգային պարտականութիւնը կատարելու։

Սպահանի հայոց թեմի 16-րդ նստաշրջանի Պատգամաւորական ժողովի Ընտրական յանձնախմբի յայտարարութեան համաձայն Նոր Ջուղայի ընտրատարածքում առաւելագոյն ձայները հաւաքելով, որպէս պատգամաւոր ընտրւել են հետեւեալ անհատները.

Թաթուլ Օհանեանը, Սեդիկ Այւազեանը, Արմոնդ Բաղրամեանը, Մկրտիչ Աւետումեանը, Նորւիկ Պօղոսեանը, Վազգէն Թահմազեանը, Վահէ Շահիջանեանը, Անուշ Էստիկը, Գեղարդ Մանսուրեանը, Նարինէ Տէր-Գրիգորեանսը, Վազրիկ Վարդանեանն ու Անդրէ Քալանթար Օհանեանը։

Շահինշահրում ընտրւել են Մառիթա Քեշիշեանը, Մելինէ Թորոսեանն ու Վիոլետ Յարութիւնեանը, Փերիոյ շրջանից՝ Ջանի Նազարեանը, իսկ Շիրազում համայնքի ժողովուրդը միաձայնութեամբ իրենց ձայնը տւել են միակ թեկնածուին՝ Հերմոնդ Յարութիւնեանին։

Յարակից Հրապարակումներ

  • Սպահանում մեկնարկել է «Միջուկային գործակցութիւն. Ձեռքբերումներ եւ հեռանկարներ» թեմայով խորհրդաժողովը
    Սպահանում մեկնարկել է «Միջուկային գործակցութիւն. Ձեռքբերումներ եւ հեռանկարներ» թեմայով խորհրդաժողովը

    Սպահանում, այսօր՝ նոյեմբերի 21-ին մեկնարկել է Իրանի եւ Եւրոմիութեան միջեւ բարձր մակարդակի բանակցութիւնների երրորդ փուլի շրջանակում նախատեսւած «Միջուկային գործակցութիւն. Ձեռքբերումներ եւ հեռանկարներ» թեմայով խորհրդաժողովը:

  • Շրջագայութիւն դէպի Սպահանի Սոֆէ սարը
    Շրջագայութիւն դէպի Սպահանի Սոֆէ սարը

    Հինգշաբթի՝  2017 թ. հոկ. 5-ի  առաւօտեան ժամը 7:00-ին՝  Ն. Ջ. Հայ Մ. Մ. «Արարատ» միութեան Շահինշահրի մասնաճիւղի Վարչութեան հովանաւորութեամբ եւ Երէցների միաւորի նախաձեռնութեամբ շրջագայութիւն էր կազմակերպւել դէպի Սպահան քաղաքի Սոֆէ սարի զբօսայգին: 

  • Զրպարտիչներն են «Գործի անցնելու»...
    Զրպարտիչներն են «Գործի անցնելու»...

    Նոր Ջուղայի (Սպահանի) հայոց թեմի Թեմական խորհրդի ատենապետի դէմ զազրելի ու տմարդային յարձակումից առաւել ու կրկնակի դատապարտելին՝ դէպքի մասին ստայօդ ու ըստ ամենայնի չարաշահելու միտող լրատւութիւնն է:

  • Դատապարտութեան գիր Սպահանում կատարւած մահափորձի առիթով
    Դատապարտութեան գիր Սպահանում կատարւած մահափորձի առիթով

    Ցաւով իմացանք մամուլի էջերից, որ 22 Սեպտեմբեր 2017-ի գիշերւայ ժամը 10.30-ի շուրջ, անարգ մահափորձի է ենթարկւել Սպահանի հայոց թեմի Թեմական խորհրդի ատենապետ՝ Պրն. Վարուժան Մինասեանը, Նոր Ջուղայի իր տան թաղա-մասում, անյայտ մարդկանց ձեռքով:

  • Սրբազան Հայրն ընդունել է թեմիս Պատգամաւորական ժողովի դիւանին
    Սրբազան Հայրն ընդունել է թեմիս Պատգամաւորական ժողովի դիւանին

    Օգոստոսի 3-ին Թեհրանի հայոց թեմի առաջնորդ գերշ. Տ. Սեպուհ արք. Սարգսեանն իր գրասենեակում ընդունեց Թ. Հ. Թ. Պատգամաւորական ժողովի դիւանը։ Սրբազան Հայրը ջերմօրէն ողջունեց դիւանին, գնահատեց նրանց յարատեւ եւ հետեւողական աշխատանքը եւ նրանց փոխանցեց նախորդ օրւայ Թեմական եւ Կրթական խորհրդների հետ ունեցած հանդիպման արդիւնքում դպրոցների կրթական մակարդակի հետ կապւած հարցերի քննարկման արդիւնքը։

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։