Հա

Համայնք

03/04/2017

Արեւագալի արարողութիւն՝ Նոր Ջուղայի հայոց ազգ. ծերանոցում

Նոր Ջուղայի հայոց ազգ. ծերանոցը ղեկավարող Հայ կանանց գթութեան միութիւնը, սոյն կենտրոնի տարեց բնակիչներին հոգեւոր սնունդ մատակարարելու նպատակով՝ թեմիս հոգեւորականաց դասի հետ համագործակցաբար, ծերանոցի յարկի ներքոյ իրականացնում է զանազան ժամերգութիւններ՝ եկեղեցական տարբեր տօների ու արարողութիւնների շրջագծում։

«alikonline.ir» - Նոր Ջուղայի հայոց ազգ. ծերանոցը ղեկավարող Հայ կանանց գթութեան միութիւնը, սոյն կենտրոնի տարեց բնակիչներին հոգեւոր սնունդ մատակարարելու նպատակով՝ թեմիս հոգեւորականաց դասի հետ համագործակցաբար, ծերանոցի յարկի ներքոյ իրականացնում է զանազան ժամերգութիւններ՝ եկեղեցական տարբեր տօների ու արարողութիւնների շրջագծում։ Այս մասին տեղեկացնում է Նոր Ջուղայի մեր թղթակիցը:

Այս ծիրում, երեքշաբթի՝ մարտի 21-ի առաւօտեան ժամը 9։30-ին, նախագահութեամբ Սպահանի հայոց թեմի Կաթողիկոսական փոխանորդ Տ. Սիփան ծ. վրդ. Քէչէճեանի եւ մասնակցութեամբ՝ Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանի, քահանայից ու դպրաց դասերի ներկայացուցիչների եւ Կանանց հոգեւոր լսարանի ու «Շուշանիկ» երգչախմբի անդամուհիների տեղի ունեցաւ Արեւագալի հոգեպարար արարողութիւնը։ Կարգին ներկայ էին ծերանոցի բնակիչներն ու աշխատակազմը, ինչու չէ նաեւ Հայ կանանց գթութեան միութեան վարչութեան ներկայացուցիչները։

Արարողութեան աւարտին Տ. Սիփան ծ. վրդ. Քէչէճեանն իր հայրական օրհնանքը փոխանցեց ներկաներին։ Նա իր ելոյթի սկզբնական բաժնում բարեբախտութիւն համարելով այն փաստը, որ Մայրերի տօնի նախաշեմին ծերանոց կատարած իր այս այցով մի անգամ եւս առիթ ունեցաւ հանդիպելու սոյն հաստատութեան յարկի ներքոյ բնակւող մայրերին, կերեւորութեամբ շեշտեց՝ հայ մայրերը ոչ միայն իրենց սեփական ընտանիքների, այլեւ ամբողջ ազգի մայրերն են։ Այնուհետեւ Հայր Սուրբը նշելով, որ ցանկացած օջախ աղօթքով վերածւում է փոքրիկ եկեղեցու, ընդգծեց, թէ քիչ առաջ մատուցւած ժամերգութիւնը յաւելեալ Աստւածային օրհնութիւն եւ շնորք կը պարգեւի բոլորիս՝ մեր մայրիկների մասնակցութեան շնորհիւ։ Կաթողիկոսական փոխանորդը դրւատանքի խօսք ուղղեց ծերանոցը ղեկավարող միութեան անդամուհիներին՝ տարեց բնակիչների նկատմամբ ցուցաբերած հոգածութեան համար։

Աւարտին տեղի ունեցաւ ընդունելութիւն՝ ջերմ եւ մտերմիկ մթնոլորտի ներքոյ, ուր հնչեցին երգեր, իսկ ողջոյնի խօսքերով ու բարեմաղթանքներով արտայայտւեցին Տ. Անանիա ծ. վրդ. Գուճանեանը, Տ. Վազգէն քհնյ. Քէօշկէրեանն ու «Շուշանիկ» հոգեւոր երգչախմբի ղեկավար Անուշ Յովհաննիսեանը. վերջում ժամերգութեան եւ այցի իրականացման համար շնորհակալական խօսքով հանդէս եկաւ Ն. Ջ. Հայ կանանց գթութեան միութեան վարչութեան նախագահուհի Արմինէ Սիմոնեանը։

կապւած լուրեր

  • Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում
    Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում

    Ուրբաթ՝ 2018 թւականի ապրիլի 13-ի առաւօտեան, Սպահանի հայոց թեմի Կրօնական խորհրդի նախաձեռնութեամբ, Փերիա գաւառի Ներքեւի Խոյգան գիւղի մօտակայքում, բլրի վրայ գտնւող «Լուսահանգիստ» սրբավայրում, ուր գտնւում է հաւատի ճանապարհին նահատակւած Գրիգոր Արփայեցիի շիրիմը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ տեղի ունեցաւ ամենամեայ հոգեհանգստեան կարգը։

  • ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում
    ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում

    Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի հովանաւորութեամբ եւ Փերիոյ Կրթասիրաց միութեան Շահինշահրի մասնաճիւղի վարչութեան նախաձեռնութեամբ, կիրակի՝ 2018 թւականի ապրիլի 8-ի երեկոյեան «Սրբոց Վարդանանց» սրահում, Մայրութեան եւ գեղեցկութեան տօնի առթիւ կազմակերպւել էր հայ մայրերի մեծարման երեկոյ՝ նւիրւած ՀՀ անկախութեան 100-ամեակին: 

  • Մայրերի մեծարման երեկոյ Նոր Ջուղայում
    Մայրերի մեծարման երեկոյ Նոր Ջուղայում

    Նախաձեռնութեամբ Նոր Ջուղայի Հայուհեաց Բարեգործական ընկերութեան շաբաթ՝ թւականիս ապրիլի 7-ի երեկոյեան, Ն. Ջ. Հայ Մ. Մ. «Արարատ» միութեան դահլիճում նշւեց Մայրերի տօնը՝ ՀՀ հիմնադրման 100-ամեակին նւիրւած։ 

  • Աւագ շաբաթւայ եւ Ս. Յարութեան տօնի արարողութիւնները՝ Շահինշահրի Սրբոց Վարդանանց եկեղեցում
    Աւագ շաբաթւայ եւ Ս. Յարութեան տօնի արարողութիւնները՝ Շահինշահրի Սրբոց Վարդանանց եկեղեցում

    Աւագ շաբաթւայ բոլոր արարողութիւնները կանոնաւոր կերպով կատարւեցին Շահինշահրի Սրբոց Վարդանանց եկեղեցում՝ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ։ Արարողութիւններին մասնակցում էին նաեւ արժ. Տ. Սահակ քհնյ. Մինասեանն ու սարկաւագաց դասը։

  • Դռնբացէքի արարողութիւնը՝ Շահինշահրում
    Դռնբացէքի արարողութիւնը՝ Շահինշահրում

    Կիրակի՝ 2018 թւականի մարտի 25-ի երեկոյեան, Շահինշահրի Սրբոց Վարդանանց եկեղեցիում տեղի ունեցաւ Դռնբացէքի արարողութիւնը: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։