Հա

Համայնք

Երկուշաբթի, 03 Ապրիլի 2017 10:20

Ձեռարւեստի ցուցահանդէս-վաճառք՝ իրանական Նոռուզի արձակուրդների ընթացքում

Նոր Ջուղայի Հայ կանանց գթութեան միութիւնը ելնելով իր բարեսիրական նպատակներից, 1954 թւականից ի վեր, իրանական Նոռուզի արձակուրդների ընթացքում, Ս. Ամենափրկիչ վանքի շրջափակում կազմակերպում է ձեռարւեստի ցուցահանդէս-վաճառք։

«alikonline.ir» - Նոր Ջուղայի Հայ կանանց գթութեան միութիւնը ելնելով իր բարեսիրական նպատակներից, 1954 թւականից ի վեր, իրանական Նոռուզի արձակուրդների ընթացքում, Ս. Ամենափրկիչ վանքի շրջափակում կազմակերպում է ձեռարւեստի ցուցահանդէս-վաճառք։ Այս մասին տեղեկացնում է Նոր Ջուղայի մեր թղթակիցը:
Գարնանային այս ծրագիրը լայն հնարաւորութիւն է տալիս ձեռներեց հայ կանանց՝ իրենց աշխատանքը ներկայացնելու եւ վաճառելու, իսկ Ս. Ամենափրկիչ վանք այցելող զբօսաշրջիկներին առիթ է ընձեռում առաւել ծանօթանալու հայկական մշակոյթին՝ ի մասնաւորի ձեռարւեստին։ Ցուցահանդէսի ամբողջական հասոյթը Հայ կանանց գթութեան միութեան միջոցով ծառայեցւում է բարեսիրական ու հայրենասիրական նպատակներով ծրագրերին։
Այս տարի ամենամեայ ցուցահանդէս-վաճառքի բացման արարողութիւնը կատարւեց մարտի 19-ի առաւօտեան ժամը 9։30-ին՝ ձեռամբ Սպահանի հայոց թեմի Կաթողիկոսական փոխանորդ Տ. Սիփան ծ. վրդ. Քէչէճեանի եւ ներկայութեամբ միութեան անդամուհիների ու ժողովրդի։ Միջոցառման շրջագծում ներկայացւել էին բարձրաճաշակ ձեռքի աշխատանքներ, ինչպիսին են՝ զանազան ոճի գործւածքներ, զարդեղէններ, հագուստներ, տիկնիկներ ու հայկական աւանդական հրուշակներ։

Ցուցահանդէսի կրպակների դասաւորման եւ իրերի վաճառման պարտականութիւնը ինչպէս միշտ սիրայօժար կերպով կատարեցին Ն. Ջ. Հայ կանանց գթութեան միութեան անդամուհիները։

Յարակից Հրապարակումներ

  • Սրբոց Թարգմանչաց տօնը նշւեց Նոր Ջուղայում
    Սրբոց Թարգմանչաց տօնը նշւեց Նոր Ջուղայում

    Շաբաթ՝ 2017 թւականի հոկտեմբերի 14-ի առաւօտեան, նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի, Սրբոց Թարգմանչաց տօնի առթիւ ս. եւ անմահ պատարագ մատուցւեց Նոր Ջուղայի Ս. Յովհաննու եկեղեցում։ Օրւայ պատարագիչ եւ քարոզիչ հայրն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը։ Պատարագին մասնակցում էին թեմիս եկեղեցական դասը, իսկ երգեցողութիւնը կատարեց Ս. Ամենափրկիչ վանքի «Կոմիտաս» երգչախումբը՝ Արմէն Ամիրխանեանի ղեկավարութեամբ։ 

  • Իրանական եւ հայկական հողերի համատեղ յիշողութեան ցուցադրութիւնը. Բացւել է «Հայաստան եւ Իրան. հողի յիշողութիւն» ցուցահանդէսը
    Իրանական եւ հայկական հողերի համատեղ յիշողութեան ցուցադրութիւնը. Բացւել է «Հայաստան եւ Իրան. հողի յիշողութիւն» ցուցահանդէսը

    Երէկ՝ հոկտեմբերի 17-ի երեկոյեան Իրանի ազգային թանգարանում տեղի ունեցաւ «Հայաստան եւ Իրան. հողի յիշողութիւն» ցուցահանդէսի բացման պաշտօնական արարողութիւնը:

  • «Հայաստան եւ Իրան. հողի յիշողութիւնը» ցուցահանդէս՝ երկու ժողովուրդների առաւել մերձեցումը
    «Հայաստան եւ Իրան. հողի յիշողութիւնը» ցուցահանդէս՝ երկու ժողովուրդների առաւել մերձեցումը

    Թւականիս հոկտեմբերի 17-ից մինչեւ 2018-ի յունւարի 17-ը Իրանի ազգային թանգարանում կայանալու է հնագիտական գտածոների ցուցահանդէս, որտեղ առաջին անգամը ներկայացւելու է Հայաստանի պատմութեան թանգարանի եւ Իրանի ազգային թանգարանի համաժամանակեայ (Ք.Ծ.ա. 4-րդ հազարամեակից մինչեւ Ք.Ծ.ա. ա դար) 103-ական նմոյշներ: Համատեղ ցուցահանդէսի խորագիրն է «Հայաստան եւ Իրան. հողի յիշողութիւնը»:

  • Ջաւախքին նւիրւած երեկոյ՝ Նոր Ջուղայում
    Ջաւախքին նւիրւած երեկոյ՝ Նոր Ջուղայում

    Շրջանի Հայ Դատի «Արձագանք» քարոզչական յանձնախումը Ջաւախքին նւիրւած իր միջոցառումների շրջագծում, ուրբաթ՝ 2017 թւականի հոկտեմբերի 13-ին, Նոր Ջուղայի Հայ Մ. Մ. «Արարատ» միութեան սրահում կազմակերպւեց բանախօսական-գեղարւեստական երեկոյ։ Միջոցառմանը ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, քահանայից դասի, շրջանի Հայ Դատի յանձնախմբի, ազգային մարմինների, միութիւնների ու հայոց ազգ. դպրոցների ներկայացուցիչներն ու ժողովուրդ։

  • Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգը՝ նւիրւած նոյն միութեան հիմնադրման 87-ամեակին
    Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգը՝ նւիրւած նոյն միութեան հիմնադրման 87-ամեակին

    Հայ Ուս. «Չհարմահալ» միութեան Նոր Ջուղայի մսանաճիւղի «Մեղեդի» մանկապատանեկան երգչախմբի համերգն իրականացաւ հինգշաբթի՝ 2017 թւականի հոկտեմբերի 5-ի երեկոյեան, Նոր Ջուղայի հայոց ազգ. կրթահամալիրի «Ալենուշ Տէրեան» դահլիճում։ Խանդավառ երեկոյին ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, ազգային մարմինների, միութիւնների եւ հայոց ազգ. դպրոցների ներկայացուցիչներն ու ժողովուրդ։ 

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։