Հա

Համայնք

09/04/2017

Ապրիլեան քառօրեայ պատերազմի նահատակների յիշատակին հոգեհանգստեան արարողութիւն՝ Նոր Ջուղայում

Արարողութեան աւարտին ներկաներին իր սրտի խօսքը փոխանցեց Կաթողիկոսական փոխանորդ Հայր Սուրբը, որը յիշելով ի գին իրենց թանկագին արեան քառօրեայ պատերազմից յաղթական դուրս եկած քաջարի հայ մարտիկներին, ընդգծեց, թէ նահատակների ազնիւ արիւնը ներծծած հայրենի հողից ծլարձակւելու են արդարութիւն, խաղաղութիւն եւ հանգստութիւն՝ հայ ժողովրդի ու հայրենիքի համար։

«alikonline.ir» - Շրջանի Հայ Դատի յանձնախմբի եւ Սպահանի հայոց թեմի Կրօնական խորհրդի համատեղ նախաձեռնութեամբ, շաբաթ՝ ապրիլի 8-ի երեկոյեան, Նոր Ջուղայի Ս. Գէորգ եկեղեցում, Կիրակնամուտի ժամերգութեան աւարտին, նախագահութեամբ թեմիս Կաթողիկոսական փոխանորդ գերպ. Տ. Սիփան ծ. վրդ. Քէչէճեանի եւ մասնակցութեամբ քահանայից ու դպրաց դասերի հոգեհանգստեան պաշտօն իրականացւեց՝ 2016 թւականի ապրիլին, Արցախի քառօրեայ պատերազմի ընթացքում նահատակւած հայորդիների յիշատակին։ Այս մասին տեղեկացնում է Նոր Ջուղայի մեր թղթակիցը:

Արարողութեան աւարտին ներկաներին իր սրտի խօսքը փոխանցեց Կաթողիկոսական փոխանորդ Հայր Սուրբը, որը յիշելով ի գին իրենց թանկագին արեան քառօրեայ պատերազմից յաղթական դուրս եկած քաջարի հայ մարտիկներին, ընդգծեց, թէ նահատակների ազնիւ արիւնը ներծծած հայրենի հողից ծլարձակւելու են արդարութիւն, խաղաղութիւն եւ հանգստութիւն՝ հայ ժողովրդի ու հայրենիքի համար։

Վերջում բոլորը խնկարկեցին զոհւածների անմոռաց յիշատակին։

Արարողութեանը ներկայ էին՝ Հայ Դատի յանձնախմբի եւ թեմիս ազգային մարմինների ներկայացուցիչներն ու հոծ թւով ժողովուրդ։

Պաշտօնի ընթացքում երգեցողութեամբ հանդէս եկաւ Ս. Ամենափրկիչ վանքի «Կոմիտաս» երգչախումբը։

Յարակից լուրեր

  • Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում
    Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում

    Ուրբաթ՝ 2018 թւականի ապրիլի 13-ի առաւօտեան, Սպահանի հայոց թեմի Կրօնական խորհրդի նախաձեռնութեամբ, Փերիա գաւառի Ներքեւի Խոյգան գիւղի մօտակայքում, բլրի վրայ գտնւող «Լուսահանգիստ» սրբավայրում, ուր գտնւում է հաւատի ճանապարհին նահատակւած Գրիգոր Արփայեցիի շիրիմը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ տեղի ունեցաւ ամենամեայ հոգեհանգստեան կարգը։

  • Մայրերի մեծարման երեկոյ Նոր Ջուղայում
    Մայրերի մեծարման երեկոյ Նոր Ջուղայում

    Նախաձեռնութեամբ Նոր Ջուղայի Հայուհեաց Բարեգործական ընկերութեան շաբաթ՝ թւականիս ապրիլի 7-ի երեկոյեան, Ն. Ջ. Հայ Մ. Մ. «Արարատ» միութեան դահլիճում նշւեց Մայրերի տօնը՝ ՀՀ հիմնադրման 100-ամեակին նւիրւած։ 

  • Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում
    Ծաղկազարդ տօնի եւ Դռնբացէքի արարողութիւնները՝ Սպահանի հայոց թեմի եկեղեցիներում

    Ծաղկազարդը՝ Քրիստոսի Երուսաղէմ կատարած յաղթական մուտքի յիշատակման տօնը՝ հանդիսութեամբ նշւեց Նոր Ջուղայի Ս. Մինաս, Ս. Ստեփանոս, Ս. Գրիգոր Լուսաւորիչ եւ Ս. Յովհաննու Կարապետ ու Շահինշահրի Սրբոց Վարդանանց եկեղեցիներում, կիրակի՝ մարտի 25-ի առաւօտեան։

  • Սպահանի հայոց թեմի առաջնորդի Ս. Զատկւայ պատգամը
    Սպահանի հայոց թեմի առաջնորդի Ս. Զատկւայ պատգամը

    Նոր Կտակարանի բոլոր Աւետարանները, անխտիր, պատմում են Քրիստոսի երկրաւոր կեանքի ամենահիմնական եւ ամենից էական բաժինը՝ Յարութեան դէպքը։ Իր խորքի մէջ թէեւ ընդհանրական, սակայն իւրաքանչիւր Աւետարան իրեն իւրայատուկ նուրբ ու փոքր տարբերութիւններով ներկայացրել են Քրիստոսի Յարութեան դէպքը, այնպիսի «տարբերութեամբ», որ կարծէք մէկը միւսին ամբողջացնում է։

  • Ցաւակցագիր
    Ցաւակցագիր

    Մեծ կսկիծով մամուլից իմացանք այն ողբերգական լուրը, որ պատահել է անցնող առաւօտեան ժամը 08:50-ին, երբ «Ասեման» աւիաընկերութեան Թեհրան-Եասուջ չւերթն իրականացնող ինքնաթիռը կործանւել է Թեհրանի «Մեհրաբադ» օդանաւակայանը լքելուց 50 րոպէ անց:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։