Հա

Համայնք

Երկուշաբթի, 10 Ապրիլի 2017 13:10

«Սպահան՝ իմ գեղեցիկ քաղաք» խորագրով լուսանկարչութեան մրցոյթ-ցուցահանդէս՝ «Քանանեան» դպրոցի յարկի տակ

Նոր Ջուղայի հայոց ազգ. «Քանանեան» աղջ. միջնակարգ դպրոցի տնօրինութեան եւ անձնակազմի նախաձեռնութեամբ, հայոց ազգ. կրթահամալիրի կենտրոնական սրահում, մարտի 12-15-ը կազմակերպւեց լուսանկարչութեան մրցոյթ-ցուցահանդէս՝ «Սպահան՝ իմ գեղեցիկ քաղաք» խորագրով, ուր ցուցադրւել էին աշակերտուհիների լուսանկարները՝ Սպահան քաղաքի կոթողներից եւ արւեստից։ Այս շրջագծում ցուցադրւել էին նաեւ Նոր Ջուղայի եկեղեցիներից նկարներ, որոնց տրամադրել էր Թովմա Գալստանեանը։

«alikonline.ir» - Նոր Ջուղայի հայոց ազգ. «Քանանեան» աղջ. միջնակարգ դպրոցի տնօրինութեան եւ անձնակազմի նախաձեռնութեամբ, հայոց ազգ. կրթահամալիրի կենտրոնական սրահում, մարտի 12-15-ը կազմակերպւեց լուսանկարչութեան մրցոյթ-ցուցահանդէս՝ «Սպահան՝ իմ գեղեցիկ քաղաք» խորագրով, ուր ցուցադրւել էին աշակերտուհիների լուսանկարները՝ Սպահան քաղաքի կոթողներից եւ արւեստից։ Այս շրջագծում ցուցադրւել էին նաեւ Նոր Ջուղայի եկեղեցիներից նկարներ, որոնց տրամադրել էր Թովմա Գալստանեանը։ Տեղեկացնում է Նոր Ջուղայի մեր թղթակիցը:

Միջոցառման պաշտօնական բացումը կատարւեց շաբաթ՝ մարտի 11-ի առաւօտեան՝ ներկայութեամբ՝ Սպահանի հայոց թեմի Կաթողիկոսական փոխանորդ Տ. Սիփան ծ. վրդ. Քէչէճեանի, Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանի, Սպահան քաղաքի 3-րդ շրջանի կրթադաստիարակչութեան հիմնարկի եւ թեմիս ազգային մարմինների ներկայացուցիչների, հայոց ազգ. դպրոցների տեսչութիւնների, կազմակերպիչ դպրոցի աշխատակազմի, Ծնողական խորհրդի ու ծնողների եւ մի շարք այլ հրաւիրեալների։

Սկզբում ցուցահանդէսի խորհրդանշական ժապաւէնը միասնաբար հատեցին Տ. Սիփան Ծ. վրդ. Քէչէճեանն ու քաղաքի 3-րդ շրջանի կրթադաստիարակչութեան հիմնարկի ներկայացուցիչ պրն. Սեփեանին, ապա բացման խօսքով հանդէս եկաւ դպրոցի ուսուցչուհի եւ գրադարանավարուհի Կարին Տէր-Մարտիրոսեանը՝ կարեւորութեամբ նշելով, թէ ցուցահանդէսի թեման մեծ ոգեւորութիւն է առաջացրել աշակերտութեան մօտ՝ նրանց խթանելով առաւել խորը հայեացքով եւ նոր դիտանկիւնից ընկալելու քաղաքի գեղեցկութիւնը։

Յաջորդիւ իրականացւեց աշակերտական ելոյթ, որտեղ հնչեցին դրւատանքի խօսքեր՝ հինաւուրց քաղաքի մասին եւ բացատրութիւններ տրւեցին Սպահանի կոթողային շինութիւնների, արւեստի ու շինարարական կառոյցի շուրջ. այս բաժինն համեմւեց խմբական երգերի շարանով։

Աշակերտական ելոյթից յետոյ արտայայտւեց դպրոցի տեսչուհի տկն. Սալառիֆառը, ով ողջունելով ներկաներին, խօսեց Սպահան քաղաքում ծնունդ առած արւեստների մասին։ Նա իր խօսքի շարունակութեան մէջ անդրադառնալով քաղաքի աւելի քան 400 տարի անցեալ ունեցող հայ համայնքին՝ կարեւորութեամբ ընդգծեց՝ տեղի հայ բնակչութեան առանցքային դերակատարութիւնը՝ Սպահանի տնտեսութեան եւ մշակոյթի զարգացման գործում, ինչու չէ նաեւ շնորհաշատ հայ կանանց վարպետութիւնը ձեռարւեստի զանազան ոլորտներում։

Արտայայտւեց նաեւ թեմիս Կաթողիկոսական փոխանորդ Տ. Սիփան ծ. վրդ. Քէչէճեանը, որը մատնանշելով Սպահան քաղաքի հարուստ մշակոյթը եւ գեղեցիկ բնութիւնը, նման հիասքանչ քաղաքում բնակւելը մեծ բախտաւորութիւն համարեց բոլորի՝ ի մսանաւորի հայ համայնքի համար։ Հայր Սուրբը դրւատանքի խօսք արտասանեց քաղաքի անզուգական գեղեցկութեան կապակցութեամբ՝ շեշտելով, որ Սպահանն իրօք վաստակել է իր «Նեսֆէ-ջահան» կոչումը։ Կաթողիկոսական փոխանորդն իր խօսքն աւարտեց խոստովանելով, որ իր համոզմամբ Սպահանի գեղեցկութեան կիզակէտում է յայտնւած Նոր Ջուղան։

Վերջում Տ. Սիփան ծ. վրդ. Քէչէճեանի եւ Տ. Անանիա ծ. վրդ. Գուճանեանի ձեռամբ, դպրոցի անունից յուշանւէրներ շնորհւեցին՝ լուսանկարիչ պրն. Արաբին՝ աշակերտուհիներին լուսանկարչական մասնագիտական հիմունքներն ուսուցանելու, Թովմա Գալստանեանին՝ Նոր Ջուղայի եկեղեցիներից նկարներ տրամադրելու, իսկ Ժանետ Սիմոնեանին՝ ցուցահանդէսի կազմակերպման գործում ցուցաբերած անվերապահ աջակցութեան համար։

Ցուցահանդէսի աշխատանքային օրերի ընթացքում բազմաթիւ արւեստասէր անհատներ առիթ ունեցան դիտելու լուսնակարները, որոնցում ոչ միայն արտացոլւած էր քաղաքի գեղեցկութիւնը, այլեւ այն մեծ սէրը, որը երիտասարդ լուսանկարիչները տածում են իրենց ծննդավայր քաղաքի նկատմամբ։

Ցուցահանդէսի աւարտին պրն. Արաբի միջոցով լաւագոյնները ճանաչւեցին՝ Լիլիթ Հայրապետեանի, Սելին Մկրտչեանի, Ռենիա Մինասեանի, Տաթեւիկ Տէր-Մարտիրոսեանի, Անի Սիմոնեանի, Լիլիթ Գէորգեանի, Արփա Մարգարեանի, Լուսիա Մատթէոսեանի, Յասմիկ Տէր-Մարտիրոսեանի եւ Արփինէ Մովսիսեանի լուսանկարները։

Յարակից Հրապարակումներ

  • Աշակերտական գիտելիքների մրցոյթ Նոր Ջուղայում՝ «Հայկական խաչքարեր» թեմայով
    Աշակերտական գիտելիքների մրցոյթ Նոր Ջուղայում՝ «Հայկական խաչքարեր» թեմայով

    Սպահանի հայոց թեմի Կրօնական խորհուրդն մատաղ սերնդին հայկական մշակոյթին՝ ի մասնաւորի խաչքարերին առաւել ծանօթացնելու նպատակով, այս անգա ձեռնամուխ եղաւ համագործակցաբար հայոց ազգ. «Քանանեան» աղջկանց ու «Կատարինեան» տղայոց միջնակարգ դպրոցների տնօրինութիւնների եւ ուսուցչական կազմերի, կազմակերպել աշակերտական գիտելիքների մրցոյթ՝ «Հայկական խաչքարեր» խորագրով։

  • Ս. Գրիգոր Լուսաւորչի Ելն ի վիրապից տօնը նշւեց Նոր Ջուղայի համանուն եկեղեցում
    Ս. Գրիգոր Լուսաւորչի Ելն ի վիրապից տօնը նշւեց Նոր Ջուղայի համանուն եկեղեցում

    Ս. Գրիգոր Լուսաւորիչ բազմաչարչար հայրապետի վիրապից դուրս բերւելու տօնի առթիւ, շաբաթ՝ յունիսի 17-ի երեկոյեան ժամը 5։30-ին, Նոր Ջուղայի Ս. Գրիգոր Լուսաւորիչ եկեղեցում, որի անւանակոչութեան տօնն էր միաժամանակ, սուրբ եւ անմահ պատարագ մատուցւեց՝ ձեռամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի։

  • Միջ-թեմական ժողով՝ ազգային առաջնորդարանում
    Միջ-թեմական ժողով՝ ազգային առաջնորդարանում

    Ժողովի հիմնական օրակարգն էր կազմակերպում միջ-թեմական երիտասարդական համագումար, որոնելու եւ ուսումնասիրելու այն միջոցները, որոնցով կարելի պիտի լինի երիտասարդներին աւելիով ներգրաւելու մեր ազգային, եկեղեցական, մշակութային կեանքին։

  • Նոր Ջուղայի Ս. Կատարինեան Կուսանանց վանքում նշւեց՝ Ս. Հռիփսիմեանց եւ Ս. Գայիանեանց կոյսերի տօնը
    Նոր Ջուղայի Ս. Կատարինեան Կուսանանց վանքում նշւեց՝ Ս. Հռիփսիմեանց եւ Ս. Գայիանեանց կոյսերի տօնը

    Ս. Հռիփսիմեանց եւ Ս. Գայիանեանց կուսանաց տօնի առթիւ, երկուշաբթի՝ յունիսի 12- առաւօտեան, նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի, ս. եւ անմահ պատարագ մատուցւեց Նոր Ջուղայի Ս. Կատարինեան Կուսանաց վանքի եկեղեցում՝ միեւնոյն ժամանակ նշելով նաեւ նոյն եկեղեցու անւանակոչութեան տօնը։ Օրւայ պատարագիչ հայրն էր՝ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը։

  • «Ակունք»-ը՝ ձեռքի աշխատանքների միջազգային օրւայ ցուցահանդէսում 
    «Ակունք»-ը՝ ձեռքի աշխատանքների միջազգային օրւայ ցուցահանդէսում 

    Ցուցահանդէսին մասնակցում էր «Ակունք» կենտրոնը, որին հրաւիրել էր Թեհրանի քաղաքապետարանի 12-րդ շրջանը: «Ակունք»-ի սաների աշխատանքները ներկայացնում էին կենտրոնի աշխատակիցները եւ սաներից երկուսը՝ Էդւարդ Մատթէոսեանը եւ Անահիտ Ռոստոմեանը:

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։