Հա

Համայնք

01/06/2017

Հայաստանի Առաջին Հանրապետութեան հիմնադրման 99-ամեակի հանդիսաւոր նշումը՝ Նոր Ջուղայում

Մայիսի 31-ի երերկոյեան, Նոր Ջուղայի Հայ Մ.Մ. «Արարատ» միութեան շրջափակում, ժողովրդական տօնախմբութեամբ նշւեց Հայաստանի Առաջին Հանրապետութեան հիմնադրման 99-ամեակը։

«alikonline.ir» - Մայիսի 31-ի երերկոյեան, Նոր Ջուղայի Հայ Մ. Մ. «Արարատ» միութեան շրջափակում, ժողովրդական տօնախմբութեամբ նշւեց Հայաստանի Առաջին Հանրապետութեան հիմնադրման 99-ամեակը։ Այս մասին տեղեկացնում է Նոր Ջուղայի մեր թղթակիցը:

Ծրագրի սկզբնական բաժնում ներկաների յոտնկայս ունկնդրութեամբ հնչեցին Իրանի Իսլ. եւ Հայաստանի Հանրապետութիւնների օրհներգերը, տեղի ունեցան դրօշակի արարողութիւն, Հանրապետական մաղթանք՝  նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի եւ մասնակցութեամբ հոգեւորականաց ու դպարց դասերի եւ շքերթ-տողանցք՝ թեմի ազգային մարմինների ու հաստատութիւնների մասնակցութեամբ. շարունակութեան մէջ բանախօսական ելոյթով հանդէս եկաւ Հայաստանից հրաւիրւած ազգային-քաղաքական գործիչ Աշոտ Սիմոնեանը՝ հիմնականում անդրադառնալով՝ 1918 թւականի Մայիսեան հերոսամարտերին եւ Հայաստանի Առաջին Հանրապետութեան հիմնադրմանը, Արամ Մանուկեանի առանցքային դերակատարութեանը հայկական պետականութեան վերականգնման գործում եւ հետագայում հայկական պետականութեան շղթայական շարունակականութեանը՝ որն իրականցւեց առաջին Հանրապետութեան կերտման շնորհիւ։ Պաշտօնական բաժինը եզրափակւեց թեմակալ առաջնորդի  պատգամով։ 

Երկրորդ բաժնում ազգային-յեղափոխական երգերի կատարմամբ ելոյթ ունեցաւ Հայաստանից ժամանած երգիչ Աղասի Իսպիրեանը։

Երեկոն վարեց Արթին Քեշիշեանը։

Մանրամասնութիւնները՝ հետագայում։

Լուսանկարները՝ ԳԵՒԻԿ ԽԱՉԱՏՐԵԱՆԻ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։