Հա

Համայնք

16/08/2017

Նոր Ջուղայի եկեղեցիներում նշւեց Ս. Աստւածածնի Վերափոխման տօնը

Կիրակի՝ օգոստոսի 13-ի առաւօտեան, Նոր Ջուղայի Ս. Ստեփանոս, Ս. Գրիգոր Լուսաւորիչ, Ս. Մինաս եւ Ս. Յովհաննու եկեղեցիներում հանդիսաւորութեամբ նշւեց Հայաստանեայց Առաքելական Սուրբ Եկեղեցու հինգ տաղաւար տօներից չորրորդը՝ Ս. Աստւածածնի Վերափոխման տօնը (Խաղողօրհնէք)։

«alikonline.ir» - Կիրակի՝ օգոստոսի 13-ի առաւօտեան, Նոր Ջուղայի Ս. Ստեփանոս, Ս. Գրիգոր Լուսաւորիչ, Ս. Մինաս եւ Ս. Յովհաննու եկեղեցիներում հանդիսաւորութեամբ նշւեց Հայաստանեայց Առաքելական Սուրբ Եկեղեցու հինգ տաղաւար տօներից չորրորդը՝ Ս. Աստւածածնի Վերափոխման տօնը (Խաղողօրհնէք)։ Տեղեկացնում է Նոր Ջուղայի մեր թղթակիցը:

Ս. Ստեփանոս եկեղեցում ս. պատարագը նախագահեց եւ մատուցեց Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը: Պատարագին ներկայ էին՝ եկեղեցու ծխատէր քահանայ հայր արժ. Տ. Մեսրոպ աւ. քհնյ. Գալստանեանը եւ դպրաց դասի ներկայացուցիչները: Երգեցողութիւնը կատարեց Ս. Ամենափրկիչ վանքի «Կոմիտաս» երգչախումբը:

Գերպ. Հայր Սուրբը արարողութեան ընթացքում տւած իր քարոզի սկզբնական բաժնում անդրադառնալով Ս. Աստւածածնի վերափոխման տօնի խորհրդին՝ ընդգծեց, որ այս տօնը պատեհ առիթ է, որպէսզի մեր խորհրդածութեան առանցքը դարձնել փոխադարձ հոգածութիւնը: Այնուհետեւ բնաբան ունենալով «Պատւիր քո հօրն ու մօրը» Աստծոյ պատւիրանը եւ մատնանշելով այն փաստը, որ զաւակները ծնունդ առնելուց ի վեր վայելում են իրենց ծնողների ուշադրութիւննն ու գուրգուրանքը, յորդորեց՝ տօնը յարմար առիթ դարձնել՝ սոյն աստւածային պատւիրանը շարունակ մտաբերելու եւ գործադրելու համար՝ սիրելով ու յարգելով ծնողներին, հոգածութիւն ցուցաբերելով նրանց նկատմամբ եւ չմոռանալով, որ նրանք իրենց ամբողջ կեանքը զոհում են իրենց զաւակների համար:

Քարոզի աւարտին ներկայ հաւատացեալներն հաղորդութիւն ստացան, ապա պատարագիչ Հայր Սուրբի գլխաւորութեամբ օրհնւած խաղողի ողկոյզները բաժանւեցին ժողովրդին:

Յարակից լուրեր

  • Ս. Աստւածածնայ Վերափոխման տօնը Սարի-Գորգանում
    Ս. Աստւածածնայ Վերափոխման տօնը Սարի-Գորգանում

    Թեհրանի թեմի շրջակայ քաղաքների ուխտագնացութիւնների շրջագծում թւականիս հինգշաբթի եւ ուրբաթ 16-17 օգոստոսին Աստւածանայ Վերափոխման տօնի ուրախ առիթով երկօրեայ ուխտագնացութիւն տեղի ունեցաւ դէպի Սարի-Գորգան, կազմակերպութեամբ Թ.Հ.Թ. Կրօնական խորհրդի եւ համագործակցութեամբ Թ.Հ.Թ. Եկեղեցիների եկեղեցական խորհուրդներից կազմւած յատուկ ուխտագնացութեան յանձնախմբին։

  • Ս. Աստւածածնայ տօնը Թեհրանի եկեղեցիներում
    Ս. Աստւածածնայ տօնը Թեհրանի եկեղեցիներում

    Թւականիս կիրակի 12 օգոստոսի առաւօտեան Թեհրանի բոլոր եկեղեցիներում տեղի ունեցաւ Ս. Աստւածածնի Վերափոխման տօնի առիթով պատարագ:

  • Ս. Աստւածածնայ տօնը Ռաշտ-Անզալիում
    Ս. Աստւածածնայ տօնը Ռաշտ-Անզալիում

    Շուրջ 40 ուխտաւորներից բաղկացած հանրակառքը հինգշաբթի առաւօտ կանուխ ճանապարհւեց դէպի Ռաշտ: Սոյն ուխտագնացութեանը թեմիս առաջնորդ գերշ. Տ. Սեպուհ Ս. արք. Սարգսեանին ընկերակցում էին առաջնորդական փոխանորդ՝ գերշ. Տ. Մակար եպս. Աշգարեանը, շրջանի այցելու հովիւ՝ Արժ. Տ. Սահակ քհնյ. Խոսրովեանը եւ հիւրաբար տիրամայր Սօնա Աշգարեանը:

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • Այսօր Ս. Աստւածածնի Վերափոխման տօնն է՝ Խաղողօրհնէքը
    Այսօր Ս. Աստւածածնի Վերափոխման տօնն է՝ Խաղողօրհնէքը

    Այսօր՝ օգոստոսի 12-ին Հայ Առաքելական Եկեղեցին մեծ շուքով նշում է Ս. Աստւածածնի Վերափոխման տօնը՝ Խաղողօրհնէքը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։