Հա

Համայնք

30/08/2017

ճանաչողական ճամբար դէպի Արցախ եւ Հայաստան՝ Հ.Յ.Դ. «Ռուբէն» երիտասարդական միութեան անդամների մասնակցութեամբ

Հ.Յ.Դաշնակցութեան «Ռուբէն» երիտասարդական միութեան վարչութիւնն իր դաստիարակչական աշխատանքների ծիրում, 2017 թւականի յուլիսի 16-ից 27-ը, ճանաչողական ճամբար կազմակերպեց Արցախում եւ Հայաստանում, 30 միութենականների մասնակցութեամբ։

Հ.Յ.Դաշնակցութեան «Ռուբէն» երիտասարդական միութեան վարչութիւնն իր դաստիարակչական աշխատանքների ծիրում, 2017 թւականի յուլիսի 16-ից 27-ը, ճանաչողական ճամբար կազմակերպեց Արցախում եւ Հայաստանում, 30 միութենականների մասնակցութեամբ։

Այցելութիւնների շարանը մեկնարկեց յուլիսի 18-ին, Արցախում։ Նախ խումբը եղաւ Գանձասարի վանքում, ապա մեկնելով Ղշլաղ գիւղ, այցելեց Նիկոլ Դումանի տուն-թանգարան, որտեղ առաւել չափով իրազեկւեց նւիրեալ հերոսի եւ Խանասորի արշաւանքի հրամանատար Վարդանի գործունէութեանը։ Նրանք Ստեփանակերտում այցելեցին քաղաքի խորհրդանիշ տատիկ-պապիկի յուշարձանը եւ Զոհւած ազատամարտիկների թանգարանում՝ բացայայտեցին արցախեան ազատամարտի իրողութիւնից նորանոր ծալքեր, իսկ Շուշիում տպաւորւեցին Ս. Ամենափրկիչ Ղազանչեցոց եկեղեցի եւ Շուշիի բերդ կատարած այցելութիւններով։ Երիտասարդներն առիթ ունեցան նաեւ ներկայ գտնւելով ԼՂՀ բանակի զօրանոցներից մէկում, մօտիկից ծանօթանալ հայ զինւորների առօրեային։

Արցախեան շրջագայութիւններն աւարտւեցին յուլիսի 21-ին, երբ խումբը շարժւեց դէպի Հայաստան։ Նրանք ամենասկզբում այցելեցին Տաթեւի վանք՝ վայելելով դէպի սոյն խորհրդաւոր վայրը տանող ճոպանուղիով ուղեւորութեան հաճելի պահը։ Այնուհետեւ յաջորդ օրերի ընթացքում այցելութիւններ կատարւեցին դէպի Սեւանայ լիճ, Ապարան, Սարդարապատի յուշահամալիր-թանգարան, Երեւանի քաղաքային գերեզմանոց (պանթէոն), Եռաբլուր, Հ.Յ.Դ. Բիւրոյի թանգարան, Ծիծեռնակաբերդի յուշահամալիր-թանգարան եւ մի շարք այլ տեսարժան վայրեր։ Ռեմականները քաղաքային գերեզմանոցում իրենց յարգանքի տուրքը մատուցեցին  դաշնակցական գործիչներ՝ Արամ Մանուկեանի, Վահան Յովհաննիսեանի եւ Հրայր Մարուխեանի յիշատակին, իսկ Եռաբլուրում նրանց խորհրդաւոր այցը նշանաւորւեց ի մսանաւորի զոհւած մարտիկների հոգիների խաղաղութեան եւ հայ զինւորների առողջութեան համար՝ մատուռում առ Աստւած բարձրացւած աղօթքով։

Ճանաչողական շրջագայութիւններին զուգահեռ տեղի ունեցան նաեւ մի շարք ուսուցողական հանդիպումներ. նրանք Արցախ եղած ժամանակաշրջանում, հիւրընկալւելով Հ.Յ.Դ. Ստեփանակերտի «Նիկոլ Դուման» կենտրոնում, հանդիպեցին շրջանի Կենտ. Կոմիտէի անդամ Ժիրայր Շահիջանեանին՝ հիմնականում զրոյց ծաւալելով Արցախում Դաշնակցութեան իրականացրած ծրագրերի եւ ապագայ անելիքների շուրջ, իսկ ԼՂՀ խորհրդարանի յարկի տակ, խորհրդարանի փոխ-նախագահ Վահրամ Բալայեանի միջոցով հաղորդ դարձան Արցախի ներկայ իրավիճակին եւ քաղաքական ու տնտեսական ոլորտներում պետութեան հեռանկարային ծրագրերին։ Երեւանում, հանդիպում կայացաւ Հ.Յ.Դ. Բիւրոյի անդամ, Հ.Յ.Դ. Հայ Դատի եւ քաղաքական հարցերի գրասենեակի ղեկավար Կիրօ Մանոյեանի հետ, ուր իրազեկւեցին Հայ Դատի գրասենեակների աշխատանքների, ձեռքբերումների եւ ապագայ անելիքների վերաբերեալ։

Նշելի է, որ ճամբարախումբը թէ Արցախում եւ թէ Հայաստանում առանձին հանդիպումներ իրականացրեց նաեւ երկու շրջանների երիտասարդական միութիւնների պատասխանատու մարմինների ներկայացուցիչների հետ՝ ծանօթանալով միմեանց գործունէութեանը եւ այդ շրջագծում տեսակէտներ փոխանակելով։ 

Երիտասարդ միութենականների ճանաչողական ճամբարն իր աւարտին հասաւ յուլիսի 27-ին, եւ նրանք նոյն օրը ուղեւորւեցին դէպի Սպահան, հարազատ Նոր Ջուղա։

 

Նիւթը կազմեց «Ալիք» օրաթերթի Նոր Ջուղայի թղթակիցը՝ Հ.Յ.Դ. «Ռուբէն» երիտ. միութեան վարչութեան զեկոյցի համաձայն

Լուսանկարները տրամադրեց կազմակերպիչ միութեան վարչութիւնը

Յարակից լուրեր

  • Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»
    Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»

    Կան ներդրողներ, ես անուններ չեմ հրապարակի, բայց բաւական մեծ ծաւալի ներդրումների մասին է խօսքը: Աւելի կոնկրետ ներդրումը կը լինի, դուք կը տեսնէք: Այս մասին այսօր կառավարութեան նիստի մեկնարկից առաջ լրագրողների հետ ճեպազրոյցում ասաց տնտեսական զարգացման եւ ներդրումների նախարար Արծւիկ Մինասեանը:

  • Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին
    Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին

    Վերջին ամիսներին Հայաստանի ներսում քաղաքական գործընթացների խաղաղ հանգուցալուծումը եւ առանց աշխարհաքաղաքան ցնցումների՝ երկրի զարգացման ուղու ապահովումը զարմացրեց շատերին, այդ թւում՝ Ադրբեջանին, որտեղ ոչ միայն զարմանում, այլ դատելով նաեւ մամուլում շարունակւող հրապարակումներից, ցաւում են նման ելքի համար։

  • Հայաստանը կարող է հանդիսանալ այն կղզեակը, որից կը կարողանան օգտւել իրանցիները
    Հայաստանը կարող է հանդիսանալ այն կղզեակը, որից կը կարողանան օգտւել իրանցիները

    Օրերս Ֆրանսիայի ֆինանսների նախարար Բրունօ Լը Մերը ցաւով յայտարարել է, որ ֆրանսիական մի քանի խոշոր ընկերութիւններ, որոնք միջուկային համաձայնութիւնից յետոյ սկսել էին գործունէութիւն ծաւալել Իրանում, հնարաւոր է՝ չկարողանան այլեւս շարունակել իրենց հետագայ համագործակցութիւնն ու դուրս գան իրանական շուկայից։ Պատճառն, ըստ Ֆրանսիայի գլխաւոր ֆինանսիստի, իհարկէ, ամերիկեան նախատեսւող պատժամիջոցներն են։ 

  • Միֆեր եւ իրականութիւն պարտադիր կուտակային կենսաթոշակային համակարգի մասին
    Միֆեր եւ իրականութիւն պարտադիր կուտակային կենսաթոշակային համակարգի մասին

    Կենսաթոշակային համակարգը երկրի քաղաքական, տնտեսական եւ սոցիալական անվտանգութեան տեսանկիւնից կարեւորագոյն գործօններից է, որի արդիւնաւէտ եւ առողջ կենսագործունէութեամբ մեծապէս պայմանաւորւած են երկրի սոցիալ-տնտեսական, բիւջետային կայունութիւնը, քաղաքացիների ընդհանուր բարեկեցութիւնը, հասարակութեան ունակութիւնը հոգ տանել իր անդամների մասին մինչեւ խոր ծերութիւն։

  • Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»
    Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»

    Ի վերջոյ Արցախի եւ Հայաստանի վերամիաւորումը պէտք է լինի․ «Ազատութիւն» ռ/կ-ի «Ֆէյսբուքեան ասուլիս» հաղորդաշարի ընթացքում նման միտք արտայայտեց Անվտանգութեան խորհրդի քարտուղար Արմէն Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։