Հա

Համայնք

Երկուշաբթի, 16 Հոկտեմբերի 2017 10:30

Ջաւախքին նւիրւած երեկոյ՝ Նոր Ջուղայում

Շրջանի Հայ Դատի «Արձագանք» քարոզչական յանձնախումը Ջաւախքին նւիրւած իր միջոցառումների շրջագծում, ուրբաթ՝ 2017 թւականի հոկտեմբերի 13-ին, Նոր Ջուղայի Հայ Մ. Մ. «Արարատ» միութեան սրահում կազմակերպւեց բանախօսական-գեղարւեստական երեկոյ։ Միջոցառմանը ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, քահանայից դասի, շրջանի Հայ Դատի յանձնախմբի, ազգային մարմինների, միութիւնների ու հայոց ազգ. դպրոցների ներկայացուցիչներն ու ժողովուրդ։

«alikonline.ir» - Շրջանի Հայ Դատի «Արձագանք» քարոզչական յանձնախումը Ջաւախքին նւիրւած իր միջոցառումների շրջագծում, ուրբաթ՝ 2017 թւականի հոկտեմբերի 13-ին, Նոր Ջուղայի Հայ Մ. Մ. «Արարատ» միութեան սրահում կազմակերպւեց բանախօսական-գեղարւեստական երեկոյ։ Միջոցառմանը ներկայ էին՝ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը, քահանայից դասի, շրջանի Հայ Դատի յանձնախմբի, ազգային մարմինների, միութիւնների ու հայոց ազգ. դպրոցների ներկայացուցիչներն ու ժողովուրդ։ Տեղեկացնում է Նոր Ջուղայի մեր թղթակիցը:

Որպէս սկիզբ՝ երեկոյի բացման խօսքում հաղորդավարուհի Մանիա Ղուկասեանն ընդգծեց ջաւախահայութեան իրաւունքների վերականգնման հարցը՝ շեշտելով յատկապէս երկար տարիների ընթացքում Վրաստանի իշխանութիւնների կողմից կիրառւած խտրականութեան քաղաքականութիւնը սոյն շրջանի հայութեան նկատմամբ։ Նա նաեւ զեկոյցով հանդէս եկաւ շրջանիս Հայ Դատի յանձնախմբի ստեղծած Ջաւախքի հիմնադրամի գումարներով մինչեւ օրս կատարւած աշխատանքների շուրջ։

Այնուհետեւ երեկոյի բանախօսութիւնն իրականացրեց ազգային-հասարակական գործիչ, պատմաբան Վարուժ Մովսիսեանը։ Նա իր խօսքի սկզբնական բաժնում անդրադառնալով Ջաւախքի պատմականին՝ յատկապէս մատնանշեց՝ Խորհրդային կարգերի ազգային հարցերի լուծման քաղաքականութեան շրջագծում, 1921 թւականին Թիֆլիսում կնքւած հայ-վրացական պայմանագիրը, որի արդիւնքում  Ջաւախքը կցւեց Վրաստանի խորհրդային սոցիալիստական հանրապետութեան կազմին, ինչու չէ նաեւ 1929 եւ 1936 թւականներին, Խորհրդային միութեան առաջին եւ երկրորդ սահմանադրութիւնների ընդունման ժամանակ, տարածքների վերադարձման ուղղութեամբ հայ քաղաքական այրերի ու մտաւորականութեան ջանքերի ապարդիւն աւարտը։

Բանախօսական ելոյթի երկրորդ բաժնում զրոյցը ծաւալւեց Ջաւախքի ներկայ իրավիճակի շուրջ, ուր ընդգծւեց սոյն շրջանում հայերէն լեզւի իրաւական կարգավիճակի բացակայութիւնը, իշխանութիւնների կողմից ստեղծւած խոչընդոտները հոգեւոր եւ մշակութային հարցերում, հայկական եկեղեցիների ու յուշակոթողների իւրացումը եւ ջաւախքահայութեան նկատմամբ կիրառւած խտրականութեան քաղաքականութիւնը, որի առաջացման մէջ իր ուրոյն դերն է ունեցել յատկապէս սոյն երկրում աշխատող թուրք-ադրբեջանական գործօնը։ 

Վարուժ Մովսիսեանն նշելով, որ Ջաւախքը ազգային ինքնակառավարման կարգավիճակ չունենալու պատճառով, չի կարողացել իր դերակատարութիւնն ունենալ շրջանում եւ երկրում, աւելացրեց, թէ միջազգային բեմերից շարունակ պէտք է յիշեցնել՝ Վրաստանում վտանգը ոչ թէ հայկական, այլ թուրանական է, ինչի փարատման համար անհրաժեշտ է տրածաշրջանի երկրների՝ Իրանի, Հայաստանի, Վրաստանի եւ Ռուսաստանի միջեւ համագործակցութեան կայացումը։ Նա իրավիճակի բարելաւման համար ելքերի շարանում կարեւորեց յատկապէս՝ շրջանում Հայ Առաքելական եկեղեցու գործունէութեան ընդլայնումն ու Սփիւռք-Հայաստան ջանքերի համատեղումը։

Բանախօսական ելոյթից յետոյ ցուցադրւեց ՀՕՄ-ի Ջաւախքի օժանդակութեան ծրագրերի յանձնախմբի միջոցով պատրաստւած տեսանիւթը, ուր արտացոլւած էին տարածաշրջանի մասին աշխարհագրական ու հասարակական տեղեկութիւններ, ջաւախքահայութեան դժւարութիւններն ու սոյն յանձնախմբի նախաձեռնութեամբ  իրագործւած բարեսիրական աշխատանքները։

Ծրագրի գեղարւեստական բաժնում մենակատարումներով հանդէս եկան Սբ. Ամենափրկիչ վանքի «Կոմիտաս» երգչախմբի երիտասարդ մեներգիչները. Վանանդ Իսաղուլեանը կատարեց «Հայի զաւակ»-ը, Հարմա Կարապետեանի եւ Արայիկ Սիմոնեանի կենդանի նւագակցութեամբ Վանա Շիրւանեանը մեներգեց «Մօր երգ զինւորին»-ը, «Մեր երկիր»-ը հնչեց Հրամա Կարապետանի միջոցով, իսկ Նարբէ Գրիգորեանը ելոյթ ունեցաւ «Ջաւախքին քէֆ կընէ» երգով։

Որպէս եզրափակիչ խօսք իր հայրական օրհնանքը փոխանցեց թեմակալ առաջնորդ Հայր Սուրբը, ուր ամենասկզբում գնահատանքի խօսք ուղղեց երեկոյի բանախօսին՝ իր ծաւալած բովանդակալից ելոյթի եւ միջոցառման կազմակերպիչներին ու շրջանի Հայ Դատի յանձնախմբին՝ Ջաւախքին զօրավիգ կանգնելու ուղղութեամբ իրականացրած գործունէութեան համար։ Նա իր խօսքի շարունակութեան մէջ անդրադառնալով «Քաղաքականութեան մէջ բարոյականութիւն չկայ» խօսքին, նշեց՝ այսօր անձնական շահերի հիման վրայ վրացիները մոռացել են իրենց վաղեմի հարեւան հայ ազգի բարեկամութիւնը եւ խլում են ջաւախքահայութեան իրաւունքները։ Թեմակալ առաջնորդն ընդգծեց նաեւ Սփիւռք-Հայաստան համատեղւած ուժերով Ջաւախքին զօրավիգ հանդիսանալու կարեւոր հրամայականը։

Երեկոյի ընթացքում ընդունւեցին ազգային մարմինների ու հաստատութիւնների, ինչու չէ նաեւ ժողովրդի սրտաբուխ նւիրատւութիւնները՝ յօգուտ Ջաւախքի օժանդակութեան հիմնադրամի։

Յարակից Հրապարակումներ

  • Աշնանային տօնավաճառ՝ Նոր Ջուղայում
    Աշնանային տօնավաճառ՝ Նոր Ջուղայում

    Կազմակերպութեամբ Նոր Ջուղայի Հայ Մ. Մ. «Արարատ» միութեան Երէցների միաւորի, ուրբաթ՝ նոյեմբերի 10-ին, միութեան հանդիսութիւնների դահլիճում տեղի ունեցաւ Աշնանային վաճառք, որտեղ վաճառքի էր հանւել միաւորի անդամուհիների ձեռամբ՝ աշնանային մրգերից ու բանջարեղէններից պատրաստւած եւ գեղեցիկ փաթեթաւորած թխւածքեղէն, թթւեղէն, մրգանուշ, ճթնի եւ այլ պահածոներ:

  • Սպահան նահանգի ուսումնա-դաստիարակութեան գերատեսչութեան տնօրէնի հանդիպումը Ազգային իշխանութեան հետ
    Սպահան նահանգի ուսումնա-դաստիարակութեան գերատեսչութեան տնօրէնի հանդիպումը Ազգային իշխանութեան հետ

    2017 թւականի նոյեմբերի 13-ի առաւօտեան ուսումնա-դաստիարակութեան Սպահանի գերատեսուչ պրն. Ղաէդիհան գերատեսչութեան զանազան բնագաւառների տեղակալների ընկերակցութեամբ այցելեց Ս. Ամենափրկչեան վանք: Պատւիրակութեանն առաջնորդարանի «Ծաղկեայ» դահլիճում ընդունեցին թեմակալ առաջնորդ գերպ. Տ. Սիփան ծ. վրդ. Քէչէճեանը, Թեմական եւ Կրթական խորհուրդների ատենապետերն ու անդամները եւ Կրօնական խորհրդի ներկայացուցիչները:

  • Սպահանի հայոց թեմի առաջնորդը ցաւակցական գիր է յղել Քերմանշահի երկրաշարժի կապակցութեամբ
    Սպահանի հայոց թեմի առաջնորդը ցաւակցական գիր է յղել Քերմանշահի երկրաշարժի կապակցութեամբ

    Նոյեմբերի 12-ին Քերմանշահում տեղի ունեցած հզօր եւ աւերիչ երկրաշարժի կապակցութեամբ ցաւակցական գիր է յղել Սպահանի հայոց թեմի առաջնորդ Տ. Սիփան ծ. վրդ. Քէչէճեանը:

  • Ն. Ջ. Հայ Մ. Մ. «Արարատ» միութեան Շահինշահրի մասնաճիւղի նորակառոյց կենտրոնատեղիի բացման հանդիսութիւն
    Ն. Ջ. Հայ Մ. Մ. «Արարատ» միութեան Շահինշահրի մասնաճիւղի նորակառոյց կենտրոնատեղիի բացման հանդիսութիւն

    Նոյեմբերի 3-ի Շահինշահրում տեղի ունեցաւ Նոր Ջուղայի Հ. Մ. Մ. «Արարատ» միութեան Շահինշահրի մասնաճիւղի նորակերտ կենտրոնատեղիի բացման հանդիսութիւնը՝ ներկայութեամբ Սպահանի Հայոց Թեմի թեմակալ առաջնորդ Տ. Սիփան ծ. վրդ. Քէչէճեանի, Շահինշահրի հոգեւոր տեսուչ Տ. Անանիա ծ. վրդ. Գուճանեանի, Տ. Սահակ քհնյ. Մինասեանի, Իսլ. խորհրդարանում Սպահանի եւ հարաւային իրանահայութեան պատգամաւոր Ժորժիկ Աբրահամեանի, Թեմի Ազգային իշխանութեան մարմինների եւ ենթամարմինների ներկայացուցիչների եւ հոծ թւով հայորդիների: 

  • Սպահանի հայոց թեմի առաջնորդի առաջին այցը Շիրազ
    Սպահանի հայոց թեմի առաջնորդի առաջին այցը Շիրազ

    Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանն իր հովւական առաջին այեցլութիւնը տւեց շիրազահայութեանը։ Երկօրեայ ճամբորդութեան ընթացքում թեմակալ առաջնորդին ընկերակցեցում էին Սպահանի հայոց թեմի Կրօնական խորհրդի ատենապետ Վարուժ Մովսիսեանն ու անդամ արժ. Տ. Մեսրոպ ա. քհնյ. Գալստանեանը. վերջինս հանդիսանում է նաեւ՝ որպէս Շիրազի հայ համայնքի այցելու հոգեւոր հովիւ։ 

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։