Հա

Համայնք

19/10/2017 - 08:20

Սրբոց Թարգմանչաց տօնը նշւեց Շահինշահրում

Հոկտեմբերի 15-ի առաւօտեան, Սրբոց Թարգմանչաց տօնի առիթով, Շահինշահրի Սրբոց Վարդանանց եկեղեցու սրահում մատուցւեց ս. եւ անմահ պատարագ՝ գերպ. Տ. Անանիա ծ. վրդ. Գուճանեանի ձեռամբ, արժն. Տ. Սահակ քհնյ. Մինասեանի մասնակցութեամբ եւ դպրաց դասի սպասարկութեամբ: 

«alikonline.ir» - Հոկտեմբերի 15-ի առաւօտեան, Սրբոց Թարգմանչաց տօնի առիթով, Շահինշահրի Սրբոց Վարդանանց եկեղեցու սրահում մատուցւեց ս. եւ անմահ պատարագ՝ գերպ. Տ. Անանիա ծ. վրդ. Գուճանեանի ձեռամբ, արժն. Տ. Սահակ քհնյ. Մինասեանի մասնակցութեամբ եւ դպրաց դասի սպասարկութեամբ: Տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Օրւայ խորհրդին ներկայ էին Շահինշահրի հայ համայնքի վարչութիւնը, «Նարեկ» մանկապարտէզ-նախակրթարանի եւ «Սրբոց Վարդանանց» դպրոցների պատասխանատուներն ու աշակերտութիւնը եւ նաեւ համայնքի անդամները:

Գերպ. Հայր Սուրբն արարողութեան ընթացքում հանգամանօրէն ներկայացնելով Ս. Մեսրոպ Մաշտոցի, Ս. Սահակ Պարթեւի եւ թարգմանիչ վարդապետների անգնահատելի դերը հայերէն տառերի գիւտի եւ Աստւածաշնչի թարգմանութեան նւիրական գործում՝ հայրաբար յորդորեց աշակերտներին գերազանց սովորեն՝ իրենց որպէս աւանդ հասած հայ լեզուն եւ այն գերադասեն ամէն ինչից վեր: Այնուհետեւ գեղեցկօրէն անդրադառնալով հայ ուսուցչի նշանակալից դերին՝ հայ աշակերտի հայեցի դաստիարակութեան եւ հայակերտման սրբազան գործում՝ շնորհաւորեց Հայ ուսուցչի տօնը եւ ոյժ ու կորով մաղթեց հայ մշակոյթի բոլոր երախտաւորներին:

Իր պատգամի աւարտին, Հայր Սուրբն իր օրհնանքն ուղղելով բոլոր ներկաներին Իր եւ Հայ համայնքի վարչութեան անունից շնորհաւորեց Հայ Մշակոյթի եւ Սրբոց Թարգմանչաց բարեբաստիկ տօների կապակցութեամբ՝ մաղթելով բոլորին անսպառ ոյժ, եռանդ եւ զօրաւոր կամք հայ դպրութիւնն ու մշակոյթը անխափան պահպանելու եւ անվարան տարածելու առաքելութեան մէջ:

Յարակից լուրեր

  • «Հեռուստամարաթոն-2018»-ի շրջանակում նւիրահաւաք՝ Նոր Ջուղայում եւ Շահինշահրում
    «Հեռուստամարաթոն-2018»-ի շրջանակում նւիրահաւաք՝ Նոր Ջուղայում եւ Շահինշահրում

    Հայաստան համահայկական հիմնադրամի «Հեռուստամարաթոն-2018»-ի շրջանակում, նոյեմբերի 22-ին Նոր Ջուղայի Հայ Դատի յանձնախմբի եւ ՀՅԴ «Ռուբէն» երկիտասարդական միութեան նախաձեռնութեամբ, Նոր Ջուղայի Հ. Մ. Մ. «Արարատ» միութեան եւ նոյն միութեան Շահինշահրի մասնախիւղերի գրասենեակներում կազմակերպւել էր նւիրահաւաք: Տեղեկացնում է Նոր Ջուղայի մեր թղթակիցը:

  • Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում
    Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում

    Ընդամէնը ամիս ու կէս է անցել 2018-2019 թ.թ. ուսումնական տարեշրջանի մեկնարկից, սակայն Շահինշահրի հայոց ազգ. «Նարեկ» մանկապարտէզ-նախակրթարանի պատասխանատուներին յաջողւել է բուռն աշխատանք իրագործել, թէ դպրոցի ընթացիկ ծրագրերի եւ թէ զանազան միջոցառումների կազմակերպման ուղղութեամբ, որոնցով կարողացել են հաճելի, խանդավառ եւ նորանոր փորձառութիւններով ու գիտելիքներով ողողւած մթնոլորտ ստեղծել սաների համար։

  • Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում
    Սրբոց Թարգմանչաց տօնին եւ Հայ Մշակոյթին նւիրւած ձեռնարկ՝ Շահինշահրում

    Ն․ Ջ․ Հայ Մ․ Մ․ «Արարատ» միութեան Շահինշահրի մասնաճիւղի Մշակութային միաւորի նախաձեռնութեամբ եւ տեղի Հայ համայնքի վարչութեան համագործակցութեամբ, ուրբաթ՝ 2018 թւականի հոկտեմբերի 19-ի երեկոյեան, Սրբոց Թարգմանչաց տօնի առիթով, կազմակերպւել էր ձեռնարկ միութեան «Արամ Մանուկեան» սրահում: 

  • Հրաժեշտի հանդիպում՝ Շահինշահրում
    Հրաժեշտի հանդիպում՝ Շահինշահրում

    Չորեքշաբթի՝ 2018 թւականի հոկտեմբերի 10-ին, նախաձեռնութեամբ Շահինշահրի Հայ կանանց եկեղեցասիրաց միութեան, նոյն միութեան գրասենեակում, կազմակերպւել էր հրաժեշտի երեկոյ՝ Շահինշահրի հայ համայնքի հոգեւոր տեսուչ գերպ․ Տ․ Անանիա ծ․ վրդ․ Գուճանեանի առաքելութիւնը Սպահանի հայոց թեմում աւարտւելու առիթով։

  • Սրբոց Թարգմանչաց տօնը նշւեց Նոր Ջուղայում
    Սրբոց Թարգմանչաց տօնը նշւեց Նոր Ջուղայում

    Շաբաթ՝ 2018 թւականի հոկտեմբերի 13-ի առաւօտեան, Ս. Ամենափրկիչ վանքի Ս. Յովսէփ Արիմաթացի եկեղեցում, Սրբոց Թարգամանչած տօնի առթիւ, ս. եւ անմահ պատարագ մատուցւեց, նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ Օրւայ պատարագիչն էր արժ. Տ. Մեսրոպ աւ. քհնյ. Գալստանեանը: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։