Հա

Համայնք

25/10/2017

«Արմէնպրես» եւ ԻՌՆԱ լրատւական գործակալութիւնների ներկայացուցիչները՝ Ս. Ամենափրկչեան վանքում

Կիրակի՝ հոկտեմբերի 22-ի առաւօտեան, Ս. Ամենափրկչեան վանք այցելեցին Հայաստանի «Արմենպրես» եւ Իրանի ԻՌՆԱ լրատւական գործակալութիւնների ներկայացուցիչները: 

«alikonline.ir» - Կիրակի՝ հոկտեմբերի 22-ի առաւօտեան, Ս. Ամենափրկչեան վանք այցելեցին Հայաստանի «Արմենպրես» եւ Իրանի ԻՌՆԱ լրատւական գործակալութիւնների ներկայացուցիչները: Տեղեկացնում է Ս. Ամենափրկչեան վանքի Հանրային կապը:

Ծաղկեայ դահլիճում հիւրերին ընդունեցին Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանը եւ Նոր Ջուղայի Հայ Դատի յանձնախմբի ներկայացուցիչ Վահէ Թորոսեանը:

Ողջոյնի եւ բարի գալստեան խօսքերից յետոյ, «Արմէնպրես»-ի տնօրէն Արամ Անանեանը, բացատրութիւն տալով պատւիրակութեան Իրան այցի նպատակի մասին, տեղեկացրեց, թէ համագործակցութեան համաձայնագիր է ստորագրւել զոյգ լրատւական գործակալութիւնների միջեւ, որն իր մէջ է ընդգրկում տեղեկատւութեան բոլոր ոլորտները եւ որի արդիւնքում շուտով Հայաստանն իր ներկայացուցչութիւնն է ունենալու Իրանում:

Այնուհետեւ արտայայտւեց Տ. Սիփան ծ. վրդ. Քէչէճեանը, ով ներկայացնելով Նոր Ջուղայի ազգային կառոյցը, շեշտեց Իրանի պատասխանատու այրերի բարեացակամ մօտեցումը իրանահայութեան նկատմամբ: Անդրադառնալով կնքւած համաձայնագրին, Հայր Սուրբը յոյս յայտնեց, որ դա բացելու է նոր հորիզոններ երկու երկրներին միմեանց եւ աշխարհին առաւել ծանօթացնելու նպատակով:

Հայ Դատի յանձնախմբի ներկայացուցիչ Վահէ Թորոսեանը եւս իր հերթին շնորհաւորելով այս ձեռքբերումը, խոստացաւ լրատւութեան բնագաւառում աջակցել գործակալութեանը եւ ցուցաբերել ցանկացած համագործակցութիւն:

Յարակից լուրեր

  • Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում
    Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում

    Ս. Գրիգոր Լուսաւորչի վիրապից դուրս բերւելու տօնի առթիւ, շաբաթ՝ 2018 թւականի յունիսի 2-ի երեկոյեան, Նոր Ջուղայի Ս. Գրիգոր Լուսաւորիչ եկեղեցում մատուցւեց սուրբ եւ անմահ պատարագ՝ նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ Այդ օրը նշւեց նաեւ նոյն եկեղեցու անւանակոչութեան տօնը։

  • Իրանահայ բանաստեղծ Վարանդը այցելեց Ատրպատականի առաջնորդարան
    Իրանահայ բանաստեղծ Վարանդը այցելեց Ատրպատականի առաջնորդարան

    Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից:

  • Պաշտօնական այցով Վրաստանում է ՀՀ վարչապետը
    Պաշտօնական այցով Վրաստանում է ՀՀ վարչապետը

    Պաշտօնական երկօրեայ այցով երէկ՝ մայիսի 30-ին Վրաստան է այցելել ՀՀ վարչապետ Նիկոլ Փաշինեանը:

  • Փաշինեանի այցը Վրաստան. ինչպէս կարձագանգի Ադրբեջանը
    Փաշինեանի այցը Վրաստան. ինչպէս կարձագանգի Ադրբեջանը

    Հայաստանի նախագահի թբիլիսեան յաջողւած այցը, ինչպէս նաեւ վարչապետի գալիք այցը երկու երկրի համագործակցութիւնն ակտիւացնելու եւ խորացնելու նպատակ ունի։ Պաշտօնական Երեւանն ընդգծում է, որ Վրաստանի հետ բարիդրացիական յարաբերութիւնները ենթակայ չեն վերանայման` անկախ նրանից, որ Հայաստանում ներքաղաքական փոփոխութիւններ են եղել։

  • ՀՀ վարչապետը կարեւորել է Իրանի հետ յարաբերութիւնները
    ՀՀ վարչապետը կարեւորել է Իրանի հետ յարաբերութիւնները

    ԻՌՆԱ լրատւական գործակալութիւնը բացառիկ հարցազրոյց է ունեցել ՀՀ վարչապետ Նիկոլ Փաշինեանի հետ:

    Կէս ժամ տեւած հարացազրոյցի ընթացքում ՀՀ վարչապետն անդարադարձել է երկկողմ յարաբերութիւններին առնչւող ամենատարբեր թեմաներին:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։