Հա

Համայնք

Չորեքշաբթի, 25 Հոկտեմբերի 2017 10:40

Ձեռակերտ արւեստի եւ կենդանի պատկերներով պատրսատւած եզակի ցուցահանդէս Նոր Ջուղայում

Հովանաւորութեամբ Սպահանի հայոց թեմի առաջնորդ՝ գերպ. Տ. Սիփան ծ. վրդ. Քէչէճեանի եւ կազմակերպութեամբ Նոր Ջուղայի Հայ Մ. Մ. «Արարատ» միութեան Մշակութային միաւորի, թւականիս հինգշաբթի եւ ուրբաթ՝ հոկտեմբերի 19-ին եւ 20-ին, նոյն միութեան հանդիսութիւնների դահլիճում տեղի ունեցաւ արւեստի զանազան ճիւղերի բացառիկ նմուշների ցուցահանդէս, ինչը զուգորդւած էր նոյն աշխատանքների պատրաստման կենդանի ցուցադրութեամբ՝ վարպետների միջոցով:

«alikonline.ir» - Հովանաւորութեամբ Սպահանի հայոց թեմի առաջնորդ՝ գերպ. Տ. Սիփան ծ. վրդ. Քէչէճեանի եւ կազմակերպութեամբ Նոր Ջուղայի Հայ Մ. Մ. «Արարատ» միութեան Մշակութային միաւորի, թւականիս հինգշաբթի եւ ուրբաթ՝ հոկտեմբերի 19-ին եւ 20-ին, նոյն միութեան հանդիսութիւնների դահլիճում տեղի ունեցաւ արւեստի զանազան ճիւղերի բացառիկ նմուշների ցուցահանդէս, ինչը զուգորդւած էր նոյն աշխատանքների պատրաստման կենդանի ցուցադրութեամբ՝ վարպետների միջոցով: Տեղեկացնում է Նոր Ջուղայի Հայ Մ. Մ. «Արարատ» միութեան թղթակից Երանուշ Թահմազեանը:

Ձեռնարկը նւիրւած էր Սրբոց Թարգմանչաց եւ Հայ մշակոյթի օրւան, որի բացումը կատարւեց թեմակալ առաջնորդի ձեռամբ: Ցուցահանդէսի բացման ծրագրին ներկայ էին Շահինշահրի հայ համայնքի հոգեւոր տեսուչ՝ գերպ. Տ. Անանիա ծ. վրդ. Գուճանեանը, քահանայից դասի, ազգային մարմինների ու Հայ Դատի յանձնախմբի ներկայացուցիչները, միութենականներ եւ մեծ թւով ժողովուրդ:

Ներկաներին ողջունեց հաղորդավարուհի Մեղրի Ղուկասեանը, ով հակիրճ բնութագրեց ազգերի ու ժողովուրդների մշակոյթի եւ քաղաքակրթութեան զարգացմանը նպաստող արւեստի անգնահատելի դերը, կենտրոնացաւ հայկական գաղթօջախներում, ի մասնաւորի նոր Ջուղայում, հայ մշակոյթի եւ արւեստի պահպանման եւ զարգացման գործընթացին եւ բացատրեց ցուցահանդէսում ներկայացւած աւանդական ու նորաձեւ արւեստների մասին, որից յետոյ երիտասարդ-ուհիների միջոցով ներկայացւեց հին ու նորաձեւ աքսեսուարներ եւ հարսանեկան կանաչ-կարմիր:

Բեմային ծրագրի աւարտին, ներկաները շրջեցին ցուցահանդէսով եւ դիտեցին արւեստի գեղեցիկ նմուշներ եւ տւեալ ճիւղի վարպետներից ստացան տեղեկութիւններ՝ պատրաստման եղանակի եւ օգտագործւած նիւթերի մասին: Ցուցահանդէսն իր շքեղութեամբ եւ այն, որ արւեստի զանազան ճիւղերի վարպետներին համախմբել էր միութեան յարկի ներքոյ, ապացոյցն էր կատարւած կազմակերպչական եւ միասնական հսկայական ու դժւարին աշխատանքի, ինչը սփիւռքեան պայմաններում ամենայն վստահութեամբ պիտի որակել եզակի եւ բացառիկ նախաձեռնութիւն իր տեսակի մէջ:

Երկու օր տեւողութեամբ այս ցուցահանդէսը մեծ հետաքրքրութեամբ ընդունւեց ոչ միայն համայնքի անդամների, այլ նաեւ նախապէս համադրութեամբ եւ ցուցահանդէս այցելած եւրոպացի զբոսաշրջիկների կողմից, ինչը զարմանք եւ հիացմունք պատճառեց նրանց:

Նշելի է, որ ցուցահանդէսում ներկայացւած էր ոսկերչութիւն, արծաթագործութիւն, հարսանեկան զարդանախշած շաքար, կանաչ-կարմիր (ինչը մինչ այսօր լաւապէս պահպանւել է իրանահայութեան մօտ), գորգագործութիւն, մքուքագործութիւն, կեռասեղագործութիւն, ասեղնակար, փայտագործութիւն, գրքի կազմարարութիւն, ձեռքի տպագրութիւն (մետաղէ կաղապարներով), նկարչութիւն, քարագործութիւն, Ջուղայի ֆիլա, ջուղայեցիններին յատուկ Եուխա կոչւող թխւածք եւ ջուղայեցու հարսանիքների անբաժան քաղցրաւենիքներ՝ լովզը եւ թութը, որոնցով հիւրասիրւեցին այցելուները:

Լուսանկարները՝ ԳԵՒԻԿ ԽԱՉԱՏՐԵԱՆԻ

 

Յարակից Հրապարակումներ

  • Ցաւակցագիր
    Ցաւակցագիր

    Մեծ կսկիծով մամուլից իմացանք այն ողբերգական լուրը, որ պատահել է անցնող առաւօտեան ժամը 08:50-ին, երբ «Ասեման» աւիաընկերութեան Թեհրան-Եասուջ չւերթն իրականացնող ինքնաթիռը կործանւել է Թեհրանի «Մեհրաբադ» օդանաւակայանը լքելուց 50 րոպէ անց:

  • Տեառնընդառաջի նախատօնակի հանդիսաւոր նշումը՝ Նոր Ջուղայում
    Տեառնընդառաջի նախատօնակի հանդիսաւոր նշումը՝ Նոր Ջուղայում

    Հոգեպարար արարողութեան մատուցմամբ Տեառնընդառաջի նախատօնակը նշւեց Նոր Ջուղայի Ս. Մինաս, Ս. Գրիգոր Լուսաւորիչ, Ս. Ստեփանոս եւ Ս. Յովհաննու Կարապետ եկեղեցիներում, երեքշաբթի՝ 2018 թւականի փետրւարի 13-ի երեկոյեան:

  • Տեառնընդառաջը եւ աւանդական հրավառութիւնը՝ Շահինշահրի հայոց ազգային դպրոցներում
    Տեառնընդառաջը եւ աւանդական հրավառութիւնը՝ Շահինշահրի հայոց ազգային դպրոցներում

    Երեքշաբթի՝ 2018 թւականի փետրւարի 13-ի առաւօտեան ժամը 11:30-ից Շահինշահրի հայոց ազգային «Նարեկ» մանկապարտէզ-նախակրթարանը եւ «Սրբոց Վարդանանց» տարրական դպրոցի աշակերտութիւնը մասնակցեցին՝ զոյգ դպրոցների տեսչութեան եւ ծնողական խորհրդի նախաձեռնութեամբ կազմակերպւած աւանդական հրավառութեանը եւ Տեառնընդառաջին:

  • Սրբոց Ղեւոնդեանց քահանայից եւ Վարդանանց տօների նշումը՝ Նոր Ջուղայում
    Սրբոց Ղեւոնդեանց քահանայից եւ Վարդանանց տօների նշումը՝ Նոր Ջուղայում

    Երեքշաբթի՝ փետրւարի 6-ի առաւօտեան, սրբոց Ղեւոնդեանց քահանաների տօնի առթիւ սուրբ եւ անմահ պատարագ մատուցւեց Նոր Ջուղայի Ս. Մինաս եկեղեցում՝ նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի: Օրւայ պատարագիչն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը: Հոգեզմայլ պատարագին մասնակցում էին թեմիս քահանայից ու դպրաց դասերը: Ներկայ էին նաեւ ազգային մարմինների ներկայացուցիչներն ու ժողովուրդ: 

  • Ս. Սարգիս զօրավարի տօնի առթիւ արարողութիւններ՝ Նոր Ջուղայի Ս. Սարգիս եկեղեցում
    Ս. Սարգիս զօրավարի տօնի առթիւ արարողութիւններ՝ Նոր Ջուղայի Ս. Սարգիս եկեղեցում

    Ս. Սարգիս զօրավարի տօնի առթիւ հոծ թւով հաւատացեալների մասնակցութեամբ հոգեզմայլ արարողութիւններ իրականացւեցին Նոր Ջուղայի Ս. Սարգիս եկեղեցում, ուր միեւնոյն ժամանակ տօնւեց նաեւ նշւած եկեղեցու անւանակոչութեան տօնը: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։