Հա

Համայնք

Չորեքշաբթի, 08 Նոյեմբերի 2017 10:30

Սպահանի հայոց թեմի առաջնորդի առաջին այցը Շիրազ

Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանն իր հովւական առաջին այեցլութիւնը տւեց շիրազահայութեանը։ Երկօրեայ ճամբորդութեան ընթացքում թեմակալ առաջնորդին ընկերակցեցում էին Սպահանի հայոց թեմի Կրօնական խորհրդի ատենապետ Վարուժ Մովսիսեանն ու անդամ արժ. Տ. Մեսրոպ ա. քհնյ. Գալստանեանը. վերջինս հանդիսանում է նաեւ՝ որպէս Շիրազի հայ համայնքի այցելու հոգեւոր հովիւ։ 

«alikonline.ir» - Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանն իր հովւական առաջին այեցլութիւնը տւեց շիրազահայութեանը։ Երկօրեայ ճամբորդութեան ընթացքում թեմակալ առաջնորդին ընկերակցեցում էին Սպահանի հայոց թեմի Կրօնական խորհրդի ատենապետ Վարուժ Մովսիսեանն ու անդամ արժ. Տ. Մեսրոպ ա. քհնյ. Գալստանեանը. վերջինս հանդիսանում է նաեւ՝ որպէս Շիրազի հայ համայնքի այցելու հոգեւոր հովիւ։ Տեղեկացնում է Նոր Ջուղայի մեր թղթակիցը:

Այցելութիւնների մեկնարկը տրւեց երկուշաբթի՝ 2017 թւականի նոյեմբերի 6-ի առաւօտեան, համայնքի Ս. Աստւածածին եկեղեցուց, որտեղ պատւիրակութիւնը մօտիկից ծանօթացաւ եկեղեցու շէնքի իրավիճակին ու հնարաւորութիւններին, ինչու չէ նաեւ պահանջւող նորոգութիւններին, ապա երեկոյեան, «Հայ տուն» կենտրոնում հանդիպեց տեղի հայ համայնքի վարչութեան հետ։ Սոյն հանդիպման ընթացքում վարչութեան անդամները զեկոյցով հանդէս եկան համայնքային կեանքի եւ մարմնի գործունէութեան շուրջ, այնուհետեւ արծարծեցին իրենց դժւարութիւններն ու մտահոգութիւնները, իսկ թեմակալ առաջնորդ Հայր Սուրբը գնահատեց վարչութեան գործունէութիւնը եւ այն փաստը, որ համայնքը փոքրաթիւ լինելով հանդերձ գտնւում է աշխոյժ ու կազմակերպւած վիճակում։ Նա յատկապէս դրւատեց համայնքում ազգային եւ եկեղեցական տօների ու առիթների նշումը։

Օրւայ աւարտին ջերմ ու մտերմիկ մթնոլորտի ներքոյ ընթրիք երեկոյ տեղի ունեցաւ «Հայ տուն»-ում՝ հիւրերի եւ շիրազահայութեան մասնակցութեամբ։

Այցելութեան երկրորդ օրն ընթացաւ պաշտօնական հանդիպումներով։ Երեքշաբթի՝ նոյեմբերի 7-ի առաւօտեան, սկզբում «Հայ տուն»-ում գերպ. Տ. Սիփան ծ. վրդ. Քէչէճեանի գլխաւորութեամբ պատւիրակութիւնը հանդիպեց Իսլամական մշակոյթի եւ առաջնորդութեան Ֆարս նահանգի գերատեսչութեան Կրօնական փոքրամասնութիւնների գծով պատասխանատու պրն. Միրդեհղանին, ապա վերջինիս ուղեկցութեամբ նոյն գերատեսչութեան շէնքում՝ գլխաւոր տնօրէն պրն. Մոռիդիին։ Երկու հանդիպումներում էլ հիմնականում զրոյցներ ընթացան Շիրազի եկեղեցու նորոգութեան եւ տեղի հայ համայնքին յուզող հարցերի շուրջ։ Յատկանշական է, որ եկեղեցու նորոգութիւններն իրականացնելու համար, Իսլամական մշակոյթի եւ առաջնորդութեան Ֆարս նահանգի գերատեսչութիւնը լայն համագործակցութիւն է ցուցաբերել համայնքային վարչութեան հետ՝ պատկան կազմակերպութիւններից մի շարք օժանդակութիւններ ստանալու եւ հարկ եղած համադրութիւնները կատարելու ուղղութեամբ։

Վերոնշեալ բոլոր այցելութիւնների ու հանդիպումների ընթացքում պատւիրակութեանն ընկերակցեց Շիրազի հայ համայնքի վարչութեան ատենապետ եւ միեւնոյն ժամանակ Սպահանի հայոց թեմի Պատգամաւորական ժողովում շիրազահայութեան պատգամաւոր Հերմոնդ Յարութիւնեանը։

Յարակից Հրապարակումներ

  • Ցաւակցագիր
    Ցաւակցագիր

    Մեծ կսկիծով մամուլից իմացանք այն ողբերգական լուրը, որ պատահել է անցնող առաւօտեան ժամը 08:50-ին, երբ «Ասեման» աւիաընկերութեան Թեհրան-Եասուջ չւերթն իրականացնող ինքնաթիռը կործանւել է Թեհրանի «Մեհրաբադ» օդանաւակայանը լքելուց 50 րոպէ անց:

  • Տեառնընդառաջի նախատօնակի հանդիսաւոր նշումը՝ Նոր Ջուղայում
    Տեառնընդառաջի նախատօնակի հանդիսաւոր նշումը՝ Նոր Ջուղայում

    Հոգեպարար արարողութեան մատուցմամբ Տեառնընդառաջի նախատօնակը նշւեց Նոր Ջուղայի Ս. Մինաս, Ս. Գրիգոր Լուսաւորիչ, Ս. Ստեփանոս եւ Ս. Յովհաննու Կարապետ եկեղեցիներում, երեքշաբթի՝ 2018 թւականի փետրւարի 13-ի երեկոյեան:

  • Սրբոց Ղեւոնդեանց քահանայից եւ Վարդանանց տօների նշումը՝ Նոր Ջուղայում
    Սրբոց Ղեւոնդեանց քահանայից եւ Վարդանանց տօների նշումը՝ Նոր Ջուղայում

    Երեքշաբթի՝ փետրւարի 6-ի առաւօտեան, սրբոց Ղեւոնդեանց քահանաների տօնի առթիւ սուրբ եւ անմահ պատարագ մատուցւեց Նոր Ջուղայի Ս. Մինաս եկեղեցում՝ նախագահութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի: Օրւայ պատարագիչն էր Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանը: Հոգեզմայլ պատարագին մասնակցում էին թեմիս քահանայից ու դպրաց դասերը: Ներկայ էին նաեւ ազգային մարմինների ներկայացուցիչներն ու ժողովուրդ: 

  • Ս. Սարգիս զօրավարի տօնի առթիւ արարողութիւններ՝ Նոր Ջուղայի Ս. Սարգիս եկեղեցում
    Ս. Սարգիս զօրավարի տօնի առթիւ արարողութիւններ՝ Նոր Ջուղայի Ս. Սարգիս եկեղեցում

    Ս. Սարգիս զօրավարի տօնի առթիւ հոծ թւով հաւատացեալների մասնակցութեամբ հոգեզմայլ արարողութիւններ իրականացւեցին Նոր Ջուղայի Ս. Սարգիս եկեղեցում, ուր միեւնոյն ժամանակ տօնւեց նաեւ նշւած եկեղեցու անւանակոչութեան տօնը: 

  • Ջրօրհնէքի արարողութիւն՝ Ղարղուն գիւղում
    Ջրօրհնէքի արարողութիւն՝ Ղարղուն գիւղում

    Փերիոյ գաւառի Ղարղուն գիւղի Ս. Նշան եկեղեցու վարչութեան նախաձեռնութեամբ եւ կազմակերպութեամբ, ուրբաթ՝ 2018 թւականի յունւարի 19-ի առաւօտեան, ձեռամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի եւ մասնակցութեամբ արժ. Տ. Մեսրոպ աւ. քհնյ. Գալստանեանի ու սարկաւագների, նոյն եկեղեցում իրականացւեց Ջրօրհնէքի արարողութիւն: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։