Հա

Համայնք

09/12/2017 - 09:40

Այցելութիւն՝ Նոր Ջուղայի Ս. Ամենափրկիչ վանք

Երեքշաբթի, 2017 թ. նոյեմբերի 28-ի առաւօտեան Շահինշահրի «Սրբոց Վարդանանց» դպրոցի տեսչութեան նախաձեռնութեամբ, եւ ուսուցչական կազմի ու ծնողական խորհրդի համագործակցութեամբ աշակերտ-ուհիների համար այցելութիւն էր կազմակերպւել Նոր Ջուղայի Ս. Ամենափրկիչ վանք:

«alikonline.ir» - Երեքշաբթի, 2017 թ. նոյեմբերի 28-ի առաւօտեան Շահինշահրի «Սրբոց Վարդանանց» դպրոցի տեսչութեան նախաձեռնութեամբ, եւ ուսուցչական կազմի ու ծնողական խորհրդի համագործակցութեամբ աշակերտ-ուհիների համար այցելութիւն էր կազմակերպւել Նոր Ջուղայի Ս. Ամենափրկիչ վանք: Տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Ամենասկզբում աշակերտ-ուհիները պատասխանատուների ուղեկցութեամբ, վանքի «Ծաղկեայ» դահլիճում ներկայացան Սպահանի թեմակալ առաջնորդ Տ. Սիփան ծ. վրդ. Քէչէճեանին եւ Շահինշահրի հոգեւոր տեսուչ Տ. Անանիա ծ. վրդ. Գուճանեանին, ուր հիւրընկալ հոգեւոր հայրերը գրկաբաց ընդունեցին այցելու խմբին: Թեմակալ առաջնորդն իր ուրախութիւնն յայտնեց այս հանդիպման առիթով եւ օրհնելով աշակերտներին խրախուսեց նրանց, որ միշտ կառչած մնան ազգային եւ կրօնական արժէքներին: Այնուհետեւ խօսքը փոխանցեց Շահինշահրի հոգեւոր տեսուչին, ով իր հերթին ուսումնա-դաստիարակչական բնագաւառում բարեբեր ու բեղմնաւոր գործունէութիւն մաղթեց նրանց:

Դպրոցի անձնակազմի անունից արտայատւեց փոխտեսուչ պրն. Արիս Դաւթեանը, ով յայտնեց, թէ սոյն ուսումնական տարեշրջանին հայերէն բաժնում մշակւած դպրոցական աշխատանքների ծրագիրը նւիրւած է Հայաստանի Առաջին Հանրապետութեան հիմնադրման 100-ամեակին, ուստի իբրեւ այդ ծրագրի սկիզբ՝ առաջին հերթին կազմակերպւել է Ս. Ամենափրկիչ վանքի այցելութիւնը, որտեղ մեր աշակերտները աւելի ծանօթանալով մեր ազգային-մշակութային եւ կրօնական արժէքներին աւելի կուղորդւեն իրենց ստանձնած պարտականութիւնները արդարացնելու ճանապարհին:

Դպրոցի տեսուչ պրն. Ղաջարին եւս իր շնորհակալութիւնն յայտնեց այս հանդիպման եւ պատմական վանքը այցելելու ընձեռւած առիթի կապակցութեամբ եւ յոյս յայտնեց, որ ազգային իշխանութեան հովանաւորութեամբ անշուշտ բարենպաստ պայմաններ կստեղծւեն դպրոցը կանգուն եւ ծաղկուն պահելու ուղղութեամբ:

Այնուհետեւ աշակերտները հոգեւոր հայրերի առաջնորդութեամբ այցելեցին վանքի Ս. Արեմաթացի եկեղեցին եւ միասնաբար «Տէրունական աղօթք»-ը երգեցին: Եկեղեցին իր հրաշալի ճարտարապետութեամբ եւ խորհրդաւոր որմնանկարներով մեծ հետաքրքրութիւն առաջացրեց աշակերտների մօտ: Իսկ այդ հիասքանչ որմնանկարչութիւնների եւ պատկերների կապակցութեամբ հանգամանօրէն մեկնաբանութիւններ կատարեց պրն. Րաֆֆի Ղարիբեանը:

Յաջորդ տեսարժան վայրը, ուր աշակերտները այցելեցին վանքի զմայլելի թանգարանն էր իր պատմա-մշակութային մեծ արժէք ներկայացնող թանգարանային իրերով եւ պարագաներով: Այցելու խմբին յաջողւեց նաեւ այցելել Հայաստանի Առաջին Հանրապետութեան հիմնադրմանը նւիրւած տաղաւարը:

Թանգարանի աշխատակից Առլետ Հայրապետեանը լիարժէք տեղեկութիւններ փոխանցեց նշեալ տաղաւարի եւ թանգարանում գտնւող ցուցանմուշների կապակցութեամբ:

Վանքի «Ներսէս Շնորհալի» գրադարանը յաջորդ հետաքրքիր ու տեսարժան վայրն էր, ուր աշակերտներին մատչելի լեզւով գեղեցիկ բացատրութիւններ տւեց գրադարանավարուհի Վերգինէ Միրզախանեանը՝ հին եւ նոր գրքերի տպագրման, եւ ընդհանրապէս գրքերի աշխարհի մասին: Գրադարանավարուհին աշակերտներին ծանօթացրեց մանկական գրքերի պատկերազարդ եւ գրաւիչ նոր նշուշների հետ:

Գրադարանում գրքերի կախարդական աշխարհին ծանօթւելուց բացի, աշակերտների համար կազմակերպւել էին մտաւոր հաճելի խաղեր՝ գրադարանավարուհու նախաձեռնութեամբ եւ ուղեկցող ուսուցչական կազմի համագործակցութեամբ, որոնց աշակերտները խանդավառութեամբ մասնակցեցին:

Այցելութեան աւարտին աշակերտները խմբովին նկարւեցին վանքի բակի կենտրոնում գտնւող խաչքարի մօտ եւ ծնողական խորհրդի միջոցով նախատեսւած համեստ հիւրասիրութիւնը վայելելուց յետոյ՝ գեղեցիկ եւ գունեղ տպաւորութիւններով վերադարձան տուն:

 

Յարակից լուրեր

  • Աշակերտների բողոքի համահաւաք-ծաղկեմատոյցը՝ Ս. Ամենափրկիչ վանքում
    Աշակերտների բողոքի համահաւաք-ծաղկեմատոյցը՝ Ս. Ամենափրկիչ վանքում

    Հայոց Ցեղասպանութեան 104-ամեակի ոգեկոչման ծրագրերի ծիրում, երկուշաբթի՝ ապրիլի 22-ին, Ս. Ամենափրկիչ վանքում տեղի ունեցան աշակերտական բողոքի համահաւաք-ծաղկեմատոյցներ՝ Նոր Ջուղայի եւ Շահինշահրի հայոց ազգ. դպրոցների մասնակցութեամբ։

  • ՀՀ վարչապետ Նիկոլ Փաշինեանի այցելութիւնը Ս. Ամենափրկիչ վանք
    ՀՀ վարչապետ Նիկոլ Փաշինեանի այցելութիւնը Ս. Ամենափրկիչ վանք

    Հայաստանի Հանրապետութեան վարչապետ Նիկոլ Փաշինեանը Իրանի Իսլ. Հանրապետութիւն կատարած իր պաշտօնական այցի շրջագծում, իր տիկնոջ Աննա Յակոբեանի եւ իրեն ուղեկցող բարձրաստիճան պաշտօնատարներից կազմւած պատւիրակութեան ընկերակցութեամբ, հինգշաբթի՝ փետրւարի 28-ի առաւօտեան, ժամանեց Սպահան։ ՀՀ վարչապետը նոյն օրը կէսօրից յետոյ ժամը 4։00-ին այցելեց Նոր Ջուղայի առաջնորդանիստ Ս. Ամենափրկիչ վանք։

  • Ամանորի նախատօնակ՝ Շահինշահրի դպրոցում
    Ամանորի նախատօնակ՝ Շահինշահրի դպրոցում

    Կիրակի՝ 2018 թւականի դեկտեմբերի 30-ի առաւօտեան Շահինշահրի հայոց ազգ․ «Սրբոց Վարդանանց» երկսեռ տարրական դպրոցի տեսչութեան, ուսուցչական կազմի եւ Ծնողական խորհրդի նախաձեռնութեամբ, Ամանորի եւ Ս. Ծննդեան տօների առթիւ, կազմակերպւել էր ուրախ ժամանց, ուր ներկայ էին՝ արժն․ Տ․ Սահակ քհնյ․ Մինասեանը, Շահինշահրի հայ համայնքի վարչութեան ներկայացուցիչներն ու դպրոցների աշակերտ-ուհիները։ 

  • Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում
    Ուսումնական նոր տարեշրջանը բուռն աշխատանքով է ընթանում Շահինշահրի հայոց ազգ. «Նարեկ» մանկապարտէզ-նախակրթարանում

    Ընդամէնը ամիս ու կէս է անցել 2018-2019 թ.թ. ուսումնական տարեշրջանի մեկնարկից, սակայն Շահինշահրի հայոց ազգ. «Նարեկ» մանկապարտէզ-նախակրթարանի պատասխանատուներին յաջողւել է բուռն աշխատանք իրագործել, թէ դպրոցի ընթացիկ ծրագրերի եւ թէ զանազան միջոցառումների կազմակերպման ուղղութեամբ, որոնցով կարողացել են հաճելի, խանդավառ եւ նորանոր փորձառութիւններով ու գիտելիքներով ողողւած մթնոլորտ ստեղծել սաների համար։

  • Հոգեպարար արարողութեամբ նշւեց Ս. Ամենափրկիչ վանքի Ս. Յովսէփ Արիմաթացի եկեղեցու անւանակոչութեան տօնը
    Հոգեպարար արարողութեամբ նշւեց Ս. Ամենափրկիչ վանքի Ս. Յովսէփ Արիմաթացի եկեղեցու անւանակոչութեան տօնը

    Երկուշաբթի՝ 2018 թւականի հոկտեմբերի 22-ի երեկոյեան, ս. եւ անմահ պատարագի մատուցմամբ նշւեց առաջնորդանիստ Ս. Ամենափրկիչ վանքի Ս. Յովսէփ Արիմաթացի եկեղեցու անւանակոչութեան տօնը։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։