Հա

Համայնք

14/12/2017

Ս. Ամենափրկիչ վանքի 18-ամեայ «Տաթեւ» երգչախմբի տարեկան համերգը՝ Նոր Ջուղայում

Տարիներ շարունակ բազմաթիւ բեմերից աշխոյժ ելոյթ ծաւալած Ս. Ամենափրկիչ վանքի «Տաթեւ» երգչախումբը բոլորեց իր 18-ամեակը։ 

Սպահանի հայոց թեմի Կրօնական խորհրդի նախաձեռնութեամբ հիմնադրւած եւ մինչեւ այսօր նոյն խորհրդի հովանաւորութիւնը վայելած այս երգչախումբն անցնող 18 տարիների ընթացքում իր գործունէութեամբ արժանացել է արւեստասէր հանդիսատեսի գովեստին ու համակրանքին՝ ոչ միայն իր երիտասարդ անդամ-ուհիների գերազանց կատարումների, այլեւ նոյնպէս երիտասարդ ղեկավար մայեստրօ Համիկ Ալեքսանդրեանի անվերապահ ջանքերի շնորհիւ։

«alikonline.ir» - Տարիներ շարունակ բազմաթիւ բեմերից աշխոյժ ելոյթ ծաւալած Ս. Ամենափրկիչ վանքի «Տաթեւ» երգչախումբը բոլորեց իր 18-ամեակը։ Տեղեկացնում է Նոր Ջուղայի մեր թղթակիցը:

Սպահանի հայոց թեմի Կրօնական խորհրդի նախաձեռնութեամբ հիմնադրւած եւ մինչեւ այսօր նոյն խորհրդի հովանաւորութիւնը վայելած այս երգչախումբն անցնող 18 տարիների ընթացքում իր գործունէութեամբ արժանացել է արւեստասէր հանդիսատեսի գովեստին ու համակրանքին՝ ոչ միայն իր երիտասարդ անդամ-ուհիների գերազանց կատարումների, այլեւ նոյնպէս երիտասարդ ղեկավար մայեստրօ Համիկ Ալեքսանդրեանի անվերապահ ջանքերի շնորհիւ։

«Տաթեւ» երգչախմբի հերթական տարեկան համերգը կայացաւ չորեքշաբթի՝ 2017 թւականի դեկտեմբերի 6-ի երեկոյեան, Նոր Ջուղայի Հայ Մ. Մ. «Արարատ» միութեան սրահում՝ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի, ազգային մարմինների, շրջանի Հայ Դատի յանձնախմբի, միութիւնների ու հայոց ազգ. դպրոցների ներկայացուցիչների եւ ժողովրդի ներկայութեամբ։

Համերգն սկիզբ առաւ երգչախմբի վարչութեան խօսքով, որն ընթերցեց Ասպետ Մարգարեանը, ուր հիմնականում արտացոլւած էր խմբի գործունէութիւնը՝ սկսած եկեղեցիներում շարականների ու հոգեւոր երգերի կատարումից մինչեւ երկրի եւ արտերկրի զանազան բեմերից հնչեցրած համերգները։

Երեկոն ողողւած էր հին հոգեւոր, ինչու չէ նաեւ ժողովրդական ու մերօրեայ երգերի խմբական ու անհատական ելոյթներով։ Այս շրջագծում հնչեցին հայ երգի մեծանուն վարպետներ՝ Ս. Ներսէս Շնորհալիի, Յակոբ Կլայեցի, Կոմիտասի, Բարսեղ Կանաչեանի, Նիկոլ Գալանդէրեանի, Ռոբերտ Պետրոսեանի, Գուսան Շահէնի եւ Ալեքսանդր Աճեմեանի ստեղծագործութիւններից։

Խումբը հանդէս եկաւ «Նոր Ծաղիկ» (տաղ յարութեան), «Այսօր ցնծան», «Առաւօտ լուսաբեր», «Ել, ել» (սայլի երգ), «Հայրենի կարօտ», «Լուսնակն անուշ», «Ծովափին», «Ֆանտազիա» (Սայեաթ Նովայի երգերի հիման վրայ), «Երանի թէ» եւ «Խռոված էր» երգերով։ Ընթացքում հնչեցին նաեւ մենակատարումներ երգչախմբի մեներգիչների միջոցով. Արմէն Թահմազեանը կատարեց «Կանչէ կռունկ»-ը, Արսինէ Մարգարեանը՝ «Ծիծեռնակ»-ը, Ասպետ Մարգարեանը՝ «Եկւոր աղջիկ»-ը, իսկ Անասիկ Յովսէփեանը մեներգեց «Նայիրեան դալար բարդի» երգը։

Մի շարք կատարումներին դաշնամուրի կենդանի նւագակցութեամբ ընկերակցեց մայեստրօ Համիկ Ալեքսանդրեանը, ով իրականացրել էր նաեւ միւս երգերի գործիքաւորման աշխատանքը։

Երեկոյի եզրափակիչ խօսքն արտասանեց գերպ. Տ. Անանիա ծ. վրդ. Գուճանեանը, որը համերգը գեղեցիկ պատարագ համարելով ասաց, թէ երեկոյի ելոյթների շնորհիւ այս սրահը մշակութային կենտրոնից վերածւեց մշակութային հոգեւոր կենտրոնի եւ եկեղեցու, որի խորանը կազմեց «Տաթեւ» երգչախումբը։ Այնուհետեւ Հայր Սուրբը դրւատելով երգչախմբի անդամների ինչու չէ նաեւ ղեկավարի կատարած ջանադիր աշխատանքը, աւելացրեց, որ խումբն իր գոյութեան 18 տարիներին մշակութային կեանքի հայ հոգու անդաստանի մէջ սնունդ է տւել մեր զաւակներին։ Նա յիշելով նաեւ անցնող օրերի ընթացքում Նոր Ջուղայում իրականացւած մշակութային ձեռնարկները, ընդգծեց, որ նման ծրագրերի շնորհիւ ոչ միայն արժեւորւում է թեմը, այլեւ գոյատեւում են հայ ազգն ու մշակոյթը։

ԼՈՒՍԱՆԿԱՐՆԵՐԸ՝ ԳԵՒԻԿ ԽԱՉԱՏՐԵԱՆԻ

Յարակից լուրեր

  • ՀՀ հիմնադրման 100-ամեակին նւիրւած աշակերտական ճամբար՝ Նոր Ջուղայում
    ՀՀ հիմնադրման 100-ամեակին նւիրւած աշակերտական ճամբար՝ Նոր Ջուղայում

    Սպահանի հայոց թեմի Կրթական խորհրդի նախաձեռնութեամբ, երեքշաբթի եւ չորեքշաբթի՝ 2018 թւականի յունիսի 26-ին եւ 27-ին, աշակերտական միօրեայ ճամբարներ տեղի ունեցան «Քանանեան» դպրոցի նախկին շէնքում՝ նւիրւած ՀՀ հիմնադրման 100-ամեակի պանծալի առիթին։ 

  • ՀՀ 100-ամեակին նւիրւած աշակերտական գիտելիքների մրցոյթ՝ Նոր Ջուղայի հայոց ազգ. «Արմէն» երկսեռ տարրական կրթահամլիրի կազմակերպութեամբ
    ՀՀ 100-ամեակին նւիրւած աշակերտական գիտելիքների մրցոյթ՝ Նոր Ջուղայի հայոց ազգ. «Արմէն» երկսեռ տարրական կրթահամլիրի կազմակերպութեամբ

    Նոր Ջուղայի հայոց ազգ. «Արմէն» երկսեռ տարրական կրթահամալիրի տնօրինութեան եւ դպրոցի հայերէն առարկաներ դասաւանդող ուսուցիչների նախաձեռնութեամբ, կիրակի՝ 2018 թւականի յունիսի 10-ի երեկոյեան, կրթահամալիրի «Ալենուշ Տէրեան» դահլիճում տեղի ունեցաւ ՀՀ հիմնադրման 100-ամեակին նւիրւած գիտելիքների մրցոյթ՝ դպրոցի հինգերորդ եւ վեցերորդ դասարանների աշակերտների մասնակցութեամբ: Միջոցառումը հովանաւորւել էր Սպահանի հայոց թեմի ՀՀ 100-ամեակի Կենտ. յանձնախմբի կողմից: 

  • Արամ Ա-ի ձեռնադրման 50-ամեակին նւիրւած մեծ համերգ` Լիբանանում
    Արամ Ա-ի ձեռնադրման 50-ամեակին նւիրւած մեծ համերգ` Լիբանանում

    Ն.Ս.Օ.Տ.Տ. Արամ Ա կաթողիկոսին աբեղայական ձեռնադրութեան յիսնամեակը մեծ շուքով նշուեցաւ Պիքֆայայի Ս. Աստուածածին վանքի շրջափակին մէջ։ Լիբանանի պետական նուագախումբը, խմբավարութեամբ մայէսթրօ Յարութ Ֆազլեանի եւ մենակատարութեամբ աշխարհահռչակ սօփրանօ Յասմիկ Պապեանի, դիւթեցին Նահատակաց յուշարձանին առջեւ հաւաքուած հոծ բազմութիւնը, որմէ մաս մը ժամանած էր Սփիւռքի տարբեր գաղութներէն։

  • Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում
    Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում

    Ս. Գրիգոր Լուսաւորչի վիրապից դուրս բերւելու տօնի առթիւ, շաբաթ՝ 2018 թւականի յունիսի 2-ի երեկոյեան, Նոր Ջուղայի Ս. Գրիգոր Լուսաւորիչ եկեղեցում մատուցւեց սուրբ եւ անմահ պատարագ՝ նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ Այդ օրը նշւեց նաեւ նոյն եկեղեցու անւանակոչութեան տօնը։

  • Ժողովրդական տօնախմբութիւն նւիրւած ՀՀ հիմնադրման 100-ամեակին
    Ժողովրդական տօնախմբութիւն նւիրւած ՀՀ հիմնադրման 100-ամեակին

    Նախաձեռնութեամբ Սպահանի հայոց թեմի ՀՀ հիմնադրման 100-ամեակի Կենտ. յանձնախմբի, վերանկախացման այս պանծալի տօնը նշւեց ժողովրդական տօնախմբութեամբ, երեքշաբթի՝ 2018 թւականի մայիսի 22-ի երեկոյեան, Նոր Ջուղայի Հայ Մ. Մ. «Արարատ» միութեան մարզասրահում։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։