Հա

Համայնք

26/12/2017 - 11:30

Սպահանի նահանգապետը հանդիպել է կրօնական փոքրամասնութիւնների ներկայացուցիչների հետ

Ամանորի եւ Սուրբ Ծննդեան տօների առիթով Սպահանի նահանգապետ դոկտ. Մոհսեն Մեհր Ալիզադէն հանդիպել է կրօնական փոքրամասնութիւնների ներկայացուցիչների հետ:

«alikonline.ir» - Ամանորի եւ Սուրբ Ծննդեան տօների առիթով Սպահանի նահանգապետ դոկտ. Մոհսեն Մեհր Ալիզադէն հանդիպել է կրօնական փոքրամասնութիւնների ներկայացուցիչների հետ: Տեղեկացնում է Սպահանի նահանգապետարանի կայքը:

Շնորհաւորելով Ամանորի եւ Սուրբ Ծննդեան տօների կապակցութեամբ նահանգապետը նշել է, որ Իրանում, առանց որեւէ չափազանցութեան, Աստւածային բոլոր կրօնների հետեւորդները փոխադարձ յարգանքի եւ հանդուրժողականութեան մթնոլորտում, խաղաղ ու համերաշխ գոյակցում են կողք-կողքի:

Ըստ նրա՝ նեղմիտ հասարակութիւնների մօտ տարբեր կրօնների հետեւորդների ներկայութիւնը տարաձայնութեան եւ խնդիրների պատճառ է դառնում, մինչդեռ լայնախոհ հասարակութիւնների մօտ նոյն երեւոյթը մտերմութեան եւ հանդուրժողականութեան առիթ է:

«Իրանում այլ կրօնների հետեւորդների թիւը քիչ է, բայց նրանց ներուժը մեծ է: Նրանց ներկայութիւնն Իրանում եւ Սպահանում այնքան հին է, որ իրենց մօտ առկայ ներուժը փոխանցել են նաեւ հասարակութեանը»,- ասել է դոկտ. Մեհր Ալիզադէն:

Նա յոյս է յայտնել, որ կրօնական փոքրամասնութիւններն առաւել ակտիւ մասնակցութիւն կը ցուցաբերեն երկրի հասարակական, տնտեսական եւ մշակութային կեանքին, եւ օգտագործելով առիթը Երեւանի քաղաքապետին հրաւիրել է Սպահան, որպէսզի երկու քաղաքների միջեւ կնքւած քոյրութեան պայմանագիրը խօսքից գործի վերածւի:

Հանդիպմանը Տ. Սիփան ծ. վրդ. Քէչէճեանը շնորհաւորելով դոկտ. Մեհր Ալիզադէին Սպահանի նահանգապետի պաշտօնում նշանակւելով առիթով, իր գոհունակութիւնն է յայտնել հանդիպման կապակցութեամբ, որին Նոր Ջուղայի հայութեան ներկայացուցիչներից բացի, ներկայ են եղել նաեւ այլ կրօնական փոքրամասնութիւնների ներկայացուցիչները եւս:

Նշենք, որ հանդիպմանը Նոր Ջուղայի ազգային իշխանութիւններից ներկայ են եղել Սպահանի հայոց թեմի առաջնորդ Տ. Սիփան ծ. վրդ. Քէչէճեանը, Պատգամաւորական ժողովի ատենապետ Թաթուլ Օհանեանը, Թեմական խորհրդի ատենապետ Վարուժ Մինասեանը եւ Կրօնական խորհրդի ատենապետ Վարուժ Մովսիսեանը:

Յարակից լուրեր

  • Իրանի ՊՆ-ը հանդիպել է Ռուսաստանի եւ Չինաստանի իր գործընկերների հետ
    Իրանի ՊՆ-ը հանդիպել է Ռուսաստանի եւ Չինաստանի իր գործընկերների հետ

    Իրանի պաշտպանութեան նախարար, գեներալ-մայոր Ամիր Հաթամին, երէկ՝ ապրիլի 24-ին Մոսկւայում հանդիպել է Ռուսաստանի եւ Չինաստանի պաշտպանութեան նախարարներ, Սերգէյ Շոյգուի եւ Վէյ Ֆենգհէի հետ:

  • Հանդիպում ազգային առաջնորդարանում
    Հանդիպում ազգային առաջնորդարանում

    Ապրիլի 29-30-ին, Իրանի Քիշ կղզիում տեղի է ունենալու եօթերորդ տարածաշրջանային միջազգային համագումար, կազմակերպւած Համաշխարհային Առողջապահութեան կառոյցի եւ Թեհրանի Բժշկագիտական համալսարանի ֆակուլտետի:

  • Այցելութիւն ազգային առաջնորդարան
    Այցելութիւն ազգային առաջնորդարան

    Աշխատանքային այցով Իրանում էր ՀՀ կառավարութեան Պետական եկամուտների կոմիտէի նախագահ՝ պրն. Դաւիթ Անանեանը եւ նրա գլխաւորած պատւիրակութիւնը:

  • Զարիֆը հանդիպել է նախագահ Ասադի հետ
    Զարիֆը հանդիպել է նախագահ Ասադի հետ

    Դամասկոսում գտնւող ԱԳ նախարար Մոհամմադ Ջաւադ Զարիֆը հանդիպել է Սիրիայի նախագահ Բաշշար Ասադի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Երկուշաբթի, ապրիլի 15-ի կէսօրին, թեմիս առաջնորդ՝ գերշ. Տ. Սեպուհ Ս. արք. Սարգսեանը, իր գրասենեակում ընդունեց պարոնայք՝ Յակոբ Բալեանին եւ Յակոբ Յարթունեանին, որոնք Հայաստանից հիւրաբար Թեհրանում են գտնւում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։