Հա

Համայնք

Շաբաթ, 30 Դեկտեմբերի 2017 11:50

Շահինշահրի պետական մարմինների այցելութիւն՝ Ամանորեայ եւ Սբ. Ծննդեան տօների առիթով

Ամանորեայ եւ Սբ. Ծննդեան տօների առիթով,  երեքշաբթի՝ 2017 թւականի դեկտեմբերի 26-ի առաւօտեան ժամը 9-ին, «Սրբոց Վարդանանց» դպրոցի շրջափակում Շահինշահրի հայ համայնքի պատասխանատուներին այցելեցին Շահինշահրի քաղաքապետարանի եւ քաղաքի խորհրդի բարձրաստիճան պաշտօնեաներն եւ ներկայացուցիչները: 

«alikonline.ir» - Ամանորեայ եւ Սբ. Ծննդեան տօների առիթով,  երեքշաբթի՝ 2017 թւականի դեկտեմբերի 26-ի առաւօտեան ժամը 9-ին, «Սրբոց Վարդանանց» դպրոցի շրջափակում Շահինշահրի հայ համայնքի պատասխանատուներին այցելեցին Շահինշահրի քաղաքապետարանի եւ քաղաքի խորհրդի բարձրաստիճան պաշտօնեաներն եւ ներկայացուցիչները: Տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Շրջափակի սրահում հիւրերին ընդունեցին համայնքի հոգեւոր տեսուչ Տ. Անանիա ծ. վրդ. Գուճանեանը եւ հայ համայնքի Վարչութեան անդամները:

Վարչութեան անունից բարիգալստեան խօսքով հանդէս եկաւ պրն. Արիս Դաւթեանը, ով շնորհակալութիւն յայտնեց հիւրերին իրենց կատարած այցելութեան համար եւ խօսքը փոխանցեց քաղաքապետին: Քաղաքապետը շնորհաւորելով Ամանորեայ եւ Սբ. ծննդեան տօների կապակցութեամբ հանգամանօրէն ներկայացրեց այցելու պատւիրակութեանը: Նա բնութագրելով հայ համայնքը որպէս պարտաճանաչ, գործունեայ եւ յանձնառու խաւ՝ յոյս յայտնեց, որ միասնաբար ինչպէս միշտ ձեռնամուխ կը լինեն քաղաքի բարգաւաճման եւ բնակչութեան բարօրութիւնը ապահովելու գործում:

Յաջորդիւ ելոյթ ունեցաւ գերպ. Հայր Սուրբը, ով եւս իր հերթին իր ուրախութիւնը յայտնեց պետական պաշտօնէութեան եւ պատասխանատուների այցելութեան առթիւ, այն որակելով որպէս պետութեան եւ փոքրամասնութիւնների միջեւ առկայ համկրանքի, փոխհասկացութեան եւ համագործակցութեան արտայայտութիւններից մէկը: Գերպ. Հայր Սուրբն իր երախտագիտական խօսքն ուղղելով պետական այրերին՝ հայ համայնքի հանդէպ իրենց ցուցաբերած բարեացակամութեան եւ հոգատարութեան համար՝ աղօթեց առ Աստւած, որ 2018 թւականը լինի սիրոյ, յաղթանակի, խաղաղութեան եւ յաջողութեան տարի եւ Իրանի ժողովուրդը Աստծոյ հովանու ներքոյ ապրեն միշտ հաշտ ու համերաշխ եւ երկրի շէնացման ու բարգաւաճման նւիրական գործում ունենան նորանոր նւաճումներ ու ձեռքբերումներ:

Օրւայ բարեմաղթանքներին միանալով Քաղխորհրդի տնօրէնը բարձր գնահատեց հայ համայնքի դերը, որպէս ազնիւ ու օրինապահ քաղաքացիներ եւ շնորհաւորեց Քրիստոսի Սբ. Ծնունդն ու Մկրտութիւնը եւ մօտալուտ 2018 թւականը:

Օրւայ առիթով կազմակերպւել էր հիւրասիրութիւն, որը վայելեցին ներկաները շքեղօրէն զարդաւած դահլիճում՝ ջերմ ու հիւրընկալ մթնոլորտում: Աւարտին հայ համայնքի Վարչութիւնը յուշանւէրներ յանձնեց բոլոր հիւրերին, իսկ քաղաքապետարանը Վարչութեանը նւիրեց մի շքեղ տօնածառ:

Յարակից Հրապարակումներ

  • Այցելութիւն հայ նահատակի ընտանիքին՝ տօնական առիթով
    Այցելութիւն հայ նահատակի ընտանիքին՝ տօնական առիթով

    Չորեքշաբթի՝ 2018 թւականի յունւարի 17-ի առաւօտեան ժամը 11:30-ին, Սբ. Յովհաննու Կարապետի ծննդեան տօնի առիթով, Շահինշահրի հայ համայնքի վարչութիւնը՝ համայնքի հոգեւոր տեսուչ՝ Տ. Անանիա ծ. վրդ. Գուճանեանի ուղեկցութեամբ այցելեց Իրան-Իրաքի պարտադրեալ պատերազմի ընթացքում նահատակւած լուսահոգի Մկրտիչ Թումասեանի ընտանիքին եւ հանդիպում ունեցաւ յիշեալ նահատակի մօր հետ: 

  • Առաջնորդ Սրբազան Հօր ամանորեան այցելութիւնը հայկական ծերանոցներ
    Առաջնորդ Սրբազան Հօր ամանորեան այցելութիւնը հայկական ծերանոցներ

    Տարեց տարրը մեր իրականութեան մէջ հայ ընտանիքի ու ընկերութեան հիմքն ու արմատը հանդիսանալով, մեծ արժէք է ներկայացնում եւ ըստ այդմ էլ համապատասխան սիրոյ, յարգանքի ու գուրգուրանքի է կարօտ եւ արժանի։

  • Տօնական խրախճանք Շահինշահրում՝ ամանորեայ միջոցառումների ծիրում
    Տօնական խրախճանք Շահինշահրում՝ ամանորեայ միջոցառումների ծիրում

    Կիրակի՝ 2018 թւականի յունւարի 14-ի երեկոյեան՝ Ամանորեայ միջոցառումների ծիրում՝ Շահինշահրի Հայ կանանց եկեղեցասիրաց միութեան վարչութիւնը կազմակերպել էր տօնական խրախճանք՝ համայնքի «Սրբոց Վարդանանց» դպրոցի սրահում: Ձեռնարկին հրաւիրւած էին համայնքի հոգեւոր տեսուչ գերպ. Տ. Անանիա ծ. վրդ. Գուճանեանը, արժ. Տ. Սահակ քհնյ. Մինասեանը, կազմակերպիչ միութեան անդամները եւ հրաւիրեալները: 

  • Ատրպատականի առաջնորդը Սբ. Ծննդեան պատարագ մատուցեց Ռահւա գիւղում
    Ատրպատականի առաջնորդը Սբ. Ծննդեան պատարագ մատուցեց Ռահւա գիւղում

    Ուրբաթ, 12 յունւար 2018-ի առաւօտուն, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատուցեց Ս. Աստւածածին պատմական եկեղեցում: Խորանին սպասարկում էր Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը: 

  • Ամանորեայ եւ Սուրբ Ծննդեան տօների արարողութիւններ Շահինշահրում
    Ամանորեայ եւ Սուրբ Ծննդեան տօների արարողութիւններ Շահինշահրում

    Երկուշաբթի՝ 2018 թւականի յունւարի 1-ի երեկոյեան, Շահինշահրի Սրբոց Վարդանանց եկեղեցու սրահում տարեմուտի առթիւ տեղի ունեցաւ Ժամերգութիւն եւ մատուցւեց Ս. եւ անմահ պատարագ՝ արժ. Տ. Սահակ քհնյ. Մինասեանի ձեռամբ եւ դպրաց դասի մասնակցութեամբ:

Ամենաշատ ընթերցւած

Քւէարկութիւն

Ինչպէ՞ս էք վերաբերւում ՀՀ նախագահի պաշտօնում Արմէն Սարգսեանի առաջադրմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։