Հա

Համայնք

31/12/2017

Ամանորեայ հանդէս՝ Շահինշահրի «Նարեկ» մանկապարտէզ-նախակրթարանում

Չորեքշաբթի՝ 2017 թւականի, դեկտեմբերի 27-ի երեկոյեան ժամը 7:00-ին՝ Շահինշահրի հայոց ազգային «Նարեկ» մանկապարտէզ-նախակրթարանի տեսչութեան եւ ծնողական խորհրդի նախաձեռնութեամբ կազմակերպւել էր Ամանորեայ հանդէս: Սոյն ձեռնարկին ներկայ էին Սպահանի հայոց թեմի առաջնորդ Տ. Սիփան ծ. վրդ. Քէչէճեանը, համայնքի հոգեւոր տեսուչ Տ. Անանիա ծ. վրդ. Գուճանեանը, Տ. Սահակ քհնյ. Մինասեանը, թեմի ազգային մարմինների ներկայացուցիչներն ու սաների ծնողները:

«alikonline.ir» - Չորեքշաբթի՝ 2017 թւականի, դեկտեմբերի 27-ի երեկոյեան ժամը 7:00-ին՝ Շահինշահրի հայոց ազգային «Նարեկ» մանկապարտէզ-նախակրթարանի տեսչութեան եւ ծնողական խորհրդի նախաձեռնութեամբ կազմակերպւել էր Ամանորեայ հանդէս: Սոյն ձեռնարկին ներկայ էին Սպահանի հայոց թեմի առաջնորդ Տ. Սիփան ծ. վրդ. Քէչէճեանը, համայնքի հոգեւոր տեսուչ Տ. Անանիա ծ. վրդ. Գուճանեանը, Տ. Սահակ քհնյ. Մինասեանը, թեմի ազգային մարմինների ներկայացուցիչներն ու սաների ծնողները: Տեղեկացնում է Շահինշահրի հայ համայնքի վարչութեան թղթակից Վ. Յարութիւնեանը:

Ողջոյնի խօսքով հանդէս եկաւ դպրոցի տեսչուհի Կարինէ Մինասքանեանը, ով իր Ամանորեայ շնորհաւորման խօսքում բոլորին մաղթեց ուրախ, խաղաղ եւ յաջողութիւններով լի տարի: Նա յոյս յայտնեց, որ 2018 թւակնը հանդիսանայ բոլորի համար իղձերի իրականացման տարի եւ բոլորը կարողանան արձանագրել նորանոր նւաճումներ ու վերելքներ: Այնուհետեւ իր երախտագիտութիւնը յայտնեց ազգային իշխանութեան՝ նրա ցուցաբերած անվերապահ հովանաւորութեան, եւ ապա ծնողներին՝ դպրոցական ծրագրերի իրագործմանը օգտակար հանդիսանալու համար:

Ինչպէս ամենամեայ Ամանորեայ հանդէս, շքեղօրէն զարդարւած տօնական բեմում, դպրոցի սաները ներկայացան վառ ու գունեղ զգեստներով եւ իրենց քաղցրահունչ ասմունքով, երգ ու տաղով եւ պարով տօնական տրամադրութիւն հաղորդեցին իւրաքանչիւր հանդիսատեսին:

Հանդէսում տիրող խանդավառութիւնը կրկնապատկւեց, երբ յայտնւեցին բոլոր մանուկների կողմից սիրւած ձմեռ պապն ու ձիւնանուշը, ովքեր պարզ ու մատչելի լեզւով  իրենց բարեմաղթանքները յայտնեցին սաներին եւ նւիրեցին նրանց գունագեղ մրգեր:

Սաների ելոյթի աւարտին դպրոցի տեսչուհին իր շնորհակալական խօսքն ուղղեց սոյն ուսումնական տարեշրջանի նախօրէին հանգստեան  կոչւած՝ դպրոցի դաստիարակչուհի Էմմա Օրդուբէգեանին, ով մեծ սիրով, երկար տարիներ սաների կողքին՝  աշխատել էր հոգատարութեամբ ու նւիրւածութեամբ: Տեսչուհին շնորհակալութիւն յայտնեց նաեւ բոլոր այն անձանց, ովքեր իրենց համգործակցութիւնն են ցուցաբերել ամանորեայ ձեռնարկի իրականացման գործում:

Հանդէսի եզրափակիչ խօսքն արտայայտեց Տ. Սիփան ծ. վրդ. Գուճանեանը, ով իր հիացմունքն յայտնեց մանուկների պարզ ու անպաճոյճ աշխարհի մասին, որտեղ կան գեղեցիկ երազանքներ եւ դիւթիչ հեքիաթներ եւ որտեղ մանուկների համար անկարելին անգամ դառնում է կարելի եւ մատչելի: Այնուհետեւ Հայր Սուրբն իր խօսքն ուղղելով դպրոցի անձնակազմին՝ բարձր գնահատեց նրա ստանձնած առաքելութիւնը՝ հայ մանկանը կրթելու եւ հայեցի դաստիարակելու նւիրական գործում եւ շնորհաւորելով Ամանորեայ եւ Սբ. Ծննդեան տօների կապակցութեամբ՝ օրհնեց բոլորին եւ մաղթեց նրանց քաջառողջութիւն, հոգեկան անդորր, երազանքների իրականացում, ոյժ ու եռանդ եւ խաղաղ ու բարեբեր տարի:

Ծրագրի աւարտին բոլոր ներկաների համար կազմակերպւել էր համեստ հիւրասիրութիւն:

Յարակից լուրեր

  • Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում
    Ելն ի վիրապից տօնի առթիւ ս. եւ անմահ պատարագ՝ Նոր Ջուղայի համանուն եկեղեցում

    Ս. Գրիգոր Լուսաւորչի վիրապից դուրս բերւելու տօնի առթիւ, շաբաթ՝ 2018 թւականի յունիսի 2-ի երեկոյեան, Նոր Ջուղայի Ս. Գրիգոր Լուսաւորիչ եկեղեցում մատուցւեց սուրբ եւ անմահ պատարագ՝ նախագահութեամբ Սպահանի հայոց թեմի առաջնորդ գերշ. Տ. Սիփան եպս. Քէչէճեանի։ Այդ օրը նշւեց նաեւ նոյն եկեղեցու անւանակոչութեան տօնը։

  • Ն. Ջ. Հայ Մ. Մ. «Արարատ» միութեան Շահինշահրի մասնաճիւղի սրահը անւանակոչւեց Արամ Մանուկեանի անւամբ
    Ն. Ջ. Հայ Մ. Մ. «Արարատ» միութեան Շահինշահրի մասնաճիւղի սրահը անւանակոչւեց Արամ Մանուկեանի անւամբ

    Ն. Ջ. Հայ Մ. Մ. «Արարատ» միութեան Շահինշահրի մասնաճիւղի վարչութեան նախաձեռնութեամբ եւ Շահինշահրի Հայ Դատի գրասենեակի համագործակցութեամբ, ՀՀ հիմնադրման 100-ամեակի առիթով, հինգշաբթի՝ 2018 թւականի մայիսի 17-ի երեկոյեան,  նոյն մասնաճիւղի սրահը անւանակոչւեց Հայոց նորագոյն պետականութեան հիմնադիր Արամ Մանուկեանի անւամբ: 

  • Գարունը խանդավառ տրամադրութեամբ դիմաւորեցին Շահինշահրի «Նարեկ» մանկապարտէզ-նախակրթարանի սաները
    Գարունը խանդավառ տրամադրութեամբ դիմաւորեցին Շահինշահրի «Նարեկ» մանկապարտէզ-նախակրթարանի սաները

    Չորեքշաբթի՝ 2018 թ. մարտի 14-ի առաւօտեան, գարնանամուտի առիթով Շահինշահրի հայոց ազգ. «Նարեկ» մանկապարտէզ-նախակրթարանի տնօրինութեան եւ ծնողական խորհրդի նախաձեռնութեամբ կազմակերպւել էր զբօսանք, ուր մի ամբողջ դպրոցական օրւայ ընթացքում սաները վայելեցին գրնանային ջերմ առաւօտը, խաղացին ու զւարճացան զբօսայգու տարբեր բաժիններում եւ մօտիկից ականատեսը եղան բնութեան զարթօնքի՝ ի մասնաւորի ծաղկած ծառերի ու ծաղիկների բողբոջների։

  • Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում
    Հոգեհանգստեան արարողութիւն՝ Փերիա գաւառի «Լուսահանգիստ» սրբավայրում

    Ուրբաթ՝ 2018 թւականի ապրիլի 13-ի առաւօտեան, Սպահանի հայոց թեմի Կրօնական խորհրդի նախաձեռնութեամբ, Փերիա գաւառի Ներքեւի Խոյգան գիւղի մօտակայքում, բլրի վրայ գտնւող «Լուսահանգիստ» սրբավայրում, ուր գտնւում է հաւատի ճանապարհին նահատակւած Գրիգոր Արփայեցիի շիրիմը, Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի նախագահութեամբ տեղի ունեցաւ ամենամեայ հոգեհանգստեան կարգը։

  • ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում
    ՀՀ 100-ամեակին նւիրւած Հայ մայրերի մեծարման երեկոյ՝ Շահինշահրում

    Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի հովանաւորութեամբ եւ Փերիոյ Կրթասիրաց միութեան Շահինշահրի մասնաճիւղի վարչութեան նախաձեռնութեամբ, կիրակի՝ 2018 թւականի ապրիլի 8-ի երեկոյեան «Սրբոց Վարդանանց» սրահում, Մայրութեան եւ գեղեցկութեան տօնի առթիւ կազմակերպւել էր հայ մայրերի մեծարման երեկոյ՝ նւիրւած ՀՀ անկախութեան 100-ամեակին: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։